#الثامن_والثلاثون ⭐⭐
#بخطواتي_تعثرت ⭐⭐
#بقلم_دينا ال_سلمان ⭐⭐
"تمُر على الإنسان أوقات، تكون فيها أعظم أمنياته، هي أن لا يشعُر.
وطن:: ماشاء الله اختج خبره الحمدلله من مات ابني مااشرف ابني يشيل اسم وحده اهلها ذرة شرف مايملكون..
نجود:: كعدت كباله جسمي كله يرجف وأيدي مااكدر اسيطر عليها حسيت تعب كلبي وهاي الأعراض تجيني من أنصدم صدمه قويه ومااكدر اعبر من أضم بداخلي من مااكدر اعيط أو أصيح
وطن: ليش ساكته هاي اختج ماشاء الله نايمه بحضن واحد مهتلف وفوكاها بالحرام وفوك هاي الشغله جايه عليه تااطلعها من الهيه بيه!
نجود:: بللت شفتي وحجيت انت شلون تسمح لروحك تفتح التليفون مالته اني موكتلك السالفة شني شلون تفتحه وبيه اعراض الناس
وطن:: ماتنجبين بله اعراض يااعراض متكليلي واحد دايح اصغر من اختج ب٦سنوات جاهل مراهق ولاعب عليها وفوك هذا صورها دازهن لااصدقائه عرفتي المصيبه الي اختج خلت نفسها بيها هاج اخذيهن الاجهزه مالته بس احتمال اكو غيرهن اذا ممخليهن على فلاشه وضامها واني هاي اخر مره اشوفيني بيها بس تخلص السالفه اني اسافر
نجود:: محجيت كلشي بس كمت رحت يم هذا الولد رفعت راسه جان منتهي و وجه وملابسه كلهن دم
وطن:: الفلوس مال اختج راح يجيبوهن
نجود:: منريد فلوس بس يمسح كلشي يخصها يمه
وطن:: ربع ساعة ويصحى واحجي وياه كدامج بس ممنوع اطلعين صوت
نجود:: اي جنت هادئه وهو يروح منا ويرجع منا ويفشر ويغلط
حجيت انت ليش تكره اسماء!؟
وطن ؛: أنا مااكرها بس اختج مايوكف بعينها شي ومايغزر بيها وبيتج ومستقبلج يخرب اذا بقيتي وراها انصحج ابتعدي عنها.
نجود:: شلون ابتعد وأشيل ايدي وهي اختي وبحاجتي!
اسماء:: ترا هي الجبيره المفروض هي تحير بيكم مو انتي تحيرين المهم أنا مادخلني بيكم بس هذااخر موقف يجمعني بيج
نجود:: شخبصتني هاي اول مرا انخاك واطلب منك مساعده بس صوجي اني ليش مارحت على ميلاد هو ياخذ حقي بس تغابيت من طلبت منك بس هاي اخر مره اطلب منك شي.
تقرب عليه ولزمني من ركبتي وعصرني طلعن عيوني برا ارفس جوا ايده وهو ولايمه عيونه حمر وكاز على أسنانه
دفعني وكعت بالكاع اكح وافرك بركبتي
حقير الله ياخذك
وطن:: الصمي نجووود ترا صبرت عليج اني مو كوو...اد حتى اشوف اخت زوجتي نايمه بالحرام ويه واحد وتريديني أشد كرون استيل لو تريدين اخذجن بالاحضان لووو شتريدددين فهميني كتلج اخلص كلشي يخصها وبعدها أولي من طريقج اسافر واطلكج وانتي أخذي طريق اختج اذا ما ماخذته هسه صار سنين عايفج على هواج بس هسه خلص انتي اختاري لو تولين وياي وتنسين اهلج لو تختارينهم وتنسيني
نجود:: اخر إنسان افكر بيه بعد انت مو اختارك مستحيل ارجع لك لو يصبونك ذهب شايف نفسك انت منووو دفعته وكمت طلعت برا الله يحركج يااسماء كون موت ياخذج انت وياه
طلعت امشي الطريق كله بساتين ومنا ومنا سياج مال بساتين ومحد اكو الدنيا تخوف امشي شبه ركض ودموعي تجري مااعرف اذا الطريق صحيح لو تهت لأن منا ومنا سياج وكل شوي فرع واني ادخل منا واطلع منا أحد ما سمعت صوت جلاب قريبه هنا مااكدر ارجع ولااكدر امشي خفت حيل وين راح انطي وجهي وطن ليش ملحكني معقوله عافني هنا وكفت بمكاني مااعرف وين اروح خايفه وصوت الجلاب صار قريب حيل لزمت رجليه وثنيت وين انطي وجهي حتى جنطتي بقت هناك صار الضهر واني واكفه بالحر والجلاب كلما يصير صوتهم اقرب اني يختل توازني رجعت امشي على كيفي
سمعت صوت جلب وراي ينبح التفت وأشوف اربع جلاب سود كبار يخوفن ومطلعات السانهن عطت بعلو صوتي يمااامااا الحكيني يبوووو تقربن عليه واني شيلها عبود اركض وهن وراي يركضن هممزين لابسه حذاء رياضي
اركض محسيت غير واحد عضني من رجلي بس جعص رجلي ونبت أسنانه واني ركضت الحكوووني يماااي طلعو خمس ولد شباب يركضون من بستان شايلين بيدهم سجينه مال نخل رحت بدون وعي وصرت وراهم وهم طردو الجلاب
التفتلي واحد
ها خويه شجابج هينا
نجود:: انهت وحيلي مهدود كعدت بالكاع راح واحد جابلي بطل ماي شربت منه
لا والله شربته كله
حجه واحد منهم
انتي عش هينا انتي منين بنت منو
نجود:: تيهت واجيت هنا جنه اني وزوجي نفتر واني طلعت افتر بالبستان وتيهت
:: شنو اسم زوجج
نجود:: حاتم ال...
:: وصلتي خويه
نجود:: طلع تليفونه وخابره
:: هلا بحاتم شلونك. خويه
وطن::هلا ابو الحسن شلونك
::, الله يسلمك خويه هاي حرمتك يمنا جانت تايها وهساع يمي
وطن:: متعرف شلون اشكرك صار ساعه ادور عليها خلها يمك بس كلي بيا بستان انت
ابو الحسن:: بستان حمادي ال خماس
نجود:: مااعرف ليش هذا الاسم ضل أبالي حمادي ال خماس توقعته رجال جبير بس ابد متوقعتج شنو ومنو هذا الرجال
دخلو البستان واني كاعدا بالباب جابولي تفاح وعرموط (كمثره)
اكلت شوي لان عيب منهم خمس دقايق واجه وطن بسياره تشكر منهم وصعدت وياه
وطن:: شجابج عليهم وشلون وصلتي الهم
نجود:: محجيت شي بس احس رجلي خدرت من عضته للجلب
وطن::بيج شي
نجود :: اخذني للبيت الله يخليك لو للشارع
وطن :: اشبج نجود عش وجهج غدا اصفر!؟.
نجود:: اشرتله على رجلي وكف السياره ولزم رجلي لأن لابسه اسود ميبين الد.م من خله ايده على رجلي صارت كلها دم
جنت مااحس بوجعها بس هسا عبالك نار ومشتعله بيها
ساق سريع واخذني للمستشفى نزلني واني فقدت من الوجع كبل اخذوني الطوارئ شكو بنطلوني وعقموها جانت موحيل بس لان كلب ضربوني ابره وعقموها بس الوجع فضيع
رجعت للبيت تلكتني اسماء وبيبي عفتهم ودخلت نمت للعصر كعدت على صوت اسماء تكعدني
نجود:: شكو
اسماء: وطن جابلج هذا الكارتون
نجود:: كمت رجلي أحسها نار ومشتعله بيها فتحته ونطيتهن الها جانن اجهزته ولابتوب هاج هذا يخصنج وهذا الضرف بيه الفلوس الي سحبهن منج
حضنتني وتبجي دفعتها حيل حجيت انتي هجمتي بيتي واني بعدمااشرف اتكونين اختي ابعدي عني واصرفي بعقل هالمره طلعتي المره الثانيه يجوز تموتين لو تنفضحين مو لخاطر أحد ولا عالمود الناس بس خلي بابا بين عيونج
اسماء:: موبيدي هو. خلاني احبه لضلين تلومين بيه الله يخليج ادري بيج راح تخبصيني وتكصين راسي
نجود:: ميجي بعينج كلشي ولا تتغيرين
كمت كوه رحت للحمام سبحت من اخلي ماي على رجلي حسبالك تيزاب كوه كملت وطلعت
فضيله:؛ شبيج تكزلين
نجود ؛: عضاني جلب
فضيله::يايمه وين لكاج الجلب
نجود:: سالفه طويله بيبي تمشطيلي
فضيله:: تعالي يمه ليش ماامشطلج
نجود ،:: كعدت يمها وهي تمشطلي وتغني حسيت روحي عمري سنتين
فضيله:: يمه البنات يمه البنات
عشره واگول اگليلات
يمه البنات
تلبس الشال الجليله
حلوه جن ورد الخميله
والعمر بعده مفات....
يمه البنات يمه البنات
عشره واگول اگليلات
الله يحفظهه الي
تزيح همي وينجلي
بالله وحيدر علي
بالحجاب مكلفات...
يمه البنات يمه البنات
عشره واگول اگليلات
ليش متلبسين حجاب يمه
نجود:: مااحبه بيبي يخنكني
فضيله:: يمه الحجاب ستر يايمه
نجود:: بيبي مااكدر البس ومامقتنعه بعدني
فضيله:: يمه عمرج راح يصير ٢٥وانتي بعدج ممحجبه حرام يابنتي
نجود:: الله كريم
جوعانه بيبي شنو السالفة شو محد سوا اكل
فضيله:: تغدينا اليوم من وكت وهسه اكوم اشوعي عشا
نجود: لا بيبي أنا اسوي
فضيله: لا يمه وين بيج اني اكوم واصيحن اسماء
كامت بيبي وصاحت ال اسماء
راحن يسون العشا واني مددت رجلي توجعني وحسيت راح اتمرض
مااعرف شلون نمت كعدت ع واحد يلعب بشعري فتحت عيوني جان بابا كاعد يمي ويلعب بشعري ويلزم بكصتي
علي:: شبيج نجود ليش نايمه المغرب بابا
نجود: مااعرف شلون نمت جنت انتظر العشا جوعانه ونمت بدون ماادري
علي: شعجب بيبيتج اسوي وانتي نايمه
نجود:: مااعرف احس روحي راح اتمرض
احنه ونحجي دخلت بيبي واسماء وراها شايلات الاكل كعدت واكلت وياهم بس كوه حسيت جسمي نحل وتعبت
كمت غسلت ورحت كبل لغرفتي نمت
كعدت ب٢شبعانه نوم واسماء تخابر مااعرف ويامن
نجود:: ها ويامن تحجين!
اسماء:: ها ويه صديقتي حور يله بعدين احجي وياج
نجود:: مجوزين بس ثقي برب العباد لو تموتين بعد ماعليه بيج
اخذت تليفوني وطلعت للحديقه كعدت بالمرجحانه فتحت تليفوني لكيت مكالمات من وطن وميعاد
ورساله من وطن
كاتب بيها
من تشوفين المكالمه خابريني
جان الوقت متأخر مخابرته
خاف نايم مااخابره الصبح اخابر
رجعت للغرفه واسماء جانت نايمه رحت يم بيبي ونمت بحضنها وهي هم حست حضنتني غمضت عيوني ونمت حسيت ع بيبي
فضيله:: ولج مو راس هاثكله
نجود:: صباح الخير بيبي
فضيله:: يسعد صباحج حبيبه كومي يمه نصلي
نجود:: هزيت راسي وكمت توضيت وصليت وهي وياي لازمه السبحه بيدها واني اجه أبالي عبود بجيت ودعيت الله يريح گلبي
فضيله:؛ ادعي يمه اقري قرأن القرآن ربيع قلوبنا ونور صدورنا
نجود:: بيبي مشتاقه لعبود حجيت هيج وشهكت
فضيله:: انتي مؤمنه بقضاء الله وقدره لولا
نجود:: هزيت راسي
فضيله::: قال تعالى: "ما أصاب من مصيبة في الأرض ولا في أنفسكم إلا في كتاب من قبل أن نبرأها.."
و قال:"لكي لا تأسو على ما فاتكم ولا تفرحوا بما آتاكم"
أنت تقرأ
بخطواتي تعثرت
ChickLitها أنا الآن اصنع حياتي بنفسي واستمتع بمحاربة تذكرين ياامي ذاك الزمان يوم كان يجمعنا الحنان؟ تذكرين ذاك الوله و إحساسنا في أوله؟ الله يا ذاك الزمان الله ياامي ''''' كل ما رجعنا إلى الماضي كان الزمان أحلى كان الحنان أغلى امي لقد اخذني منك القدر وان...
