بخطواتي تعثرت

السابع والثلاثون ⭐

#بخطواتي_تعثرت..⭐⭐
#البارت_السابع_والثلاثون ⭐⭐
#بقلم_دينا_ال_سلمان ⭐⭐
"أخبرني أين يُباع النسيان ..
وأين أجدُ ملامحي السابقة ..
وكيف لي أن أعود لنفسي ....

اسماء:: يأبه الحكني ولك يأبه راح يذبححني
علي:: ياستار ياربي شبيج بابا منو وياج
اسماء: مااعرف ولد اثنين وكفوني براس الشارع واخذو كل افلوسي ومبايلي
نجود. : شفتي شكلهم
اسماء: لا ماشفت هو دنيا الضهر وماكو أحد ونزلوني اخذو كل افلوسي واليوم الراتب مالتي استلمته وراتب صديقتي هم كالت خليه يمج وهم تلكوني واخذوهن مني شلون بيه
نجود: شعجب اليوم اله وكفولج
أحمد: شو السالفة مخربطه خاف هاي صديقتج متفقيه وياهم
اسماء:. لا خطيه هي دائما تخلي فلوسها يمي من وره زوجة ابوها تاخذهن منها
نجود:: اباوع عليها مرتبكه ومبينه السالفة جذبه اني كبل ربطت الاحداث ويه الاتصال توقعت هي نطتهم اله وهيج حجيت حتى تأخذ فلوس أكثر من عدنه بحجة راتب صديقتي يمي
علي: يله بابا المهم انتي سالمه امشي احمد ندروهم شلون سيارتهم شلابسين وين وكفولج
اسماء: مااعرف لابسين اسود ومامبين منهم شي وسياره ما انتبهت الها
علي: لعد شلون ندور ؟
نجود: خلي اخابر وطن هو يدور
اسماء:: ها لا لتدخلينه بهاي الشغله
علي: ليش بابا خلي تخابر زوجها هو ايده واصله يطلعهم من جوا الكاع
اسماء: لا خلي يولي منريد مساعده منه
هسه يطلعني جذابه
نجود: وليش هيج ماخذه موقف منه رغم ماشفت شي موزين سوا وياج؟
اسماء: انتي وين واني اكلها راتبي وراتب صديقتي راح وهي تكلي موقف ومدري شنو
هسه فلوسي طبهم مرض بس فلوس البنيه شلون
فضيله: اكص ايدي اذا طلعت السالفه هيج
اسماء: شنو قصدج بيبي
فضيله: مااقصد شي يمه نجووود تعالي جيبيلي اجووي (جاي) عبن راسي صدع من هالفلم الهندي
اسماء:: بابا تسمع امك شتحجي اني قبل شوي أن بيني وبين الموت شعرايه وانتو ولا همكم تحجون برود
احمد: شتريدين انسوي وانتي شما نسأل على شي تكولين مااعرف ومشفت شي
اسماء:: اني صوجي اجي احجي شي الكم لو رايحه للشرطه احسن
علي:: اي خوش فكره يله امشي نروح للشرطه هم يعرفون هيج شكولات
نجود:: اباوع عليها جفلت عبالها مراح يوافقون من حجه بابا هيج هيه كعدت بالكاع
اسماء: خلص مااروح ولااريد احد يساعدني اني اعرف شلون اساعد روحي
نجود:: عفتهم ورحت سويت جاي صبيتلهم ودخلت وهم بعدهم يتناقشون وهي متاخذ منها لاحق ولاباطل
كعدت يم بيبي هيج وقت جانت نومة عبود وكعت دمعتي وانتبهت بيبي
فضيله: شبيج يمه بس لاصدكتي الفلم الهندي
وكاعد تبجين على كارينا كابور مدري شسمها
نجود: كوه كتمت ضحكتي وحجيت وانتي شمعرفج بكارينا بيبي
فضيله: غير هاي مرت عمج مكابلتهم وكاعده وعرفتني عليهم حتى هذا الطويل الحلو ابو شعر ابيض اعرفه بس نسيت اسمه
نجود:: ههه والله عندج سوالف بيبي
فضيله: كومي غسلي هديماتي والعصر نطلع أنه وياج نسوك ماضل شي للكليه وباجر هم الاربعين مال ابنج
نجود ؛: مااروح ولا اداوم وباجر مااروح المقبره اروح وراهم بيوم
فضيله: ميخالف كومي غسلي هديماتي لا اغسل وجهج بزاهي
نجود:اي كمت اخذت ملابسها غسلتهم ورحت اشرهم فتحت باب السطح دنيا الضهر والشمس تسمط شهر الثامن
سمعت صوت أحد وكفت ادور على الصوت لكي. اسماء واكفه ورا التانكي وتخابر هي موكالت اخذو تليفوني
اسماء: خلص راح اكسر تليفوني وامسح صوري اليمك والفيديوهات واني كتلهم اخذو تليفوني حتى إذا تنشر تليفوني مبيوك والباكه نشرهن
:
اي عادي هوا ناس اسوي تركيب صور وتخلي على فيديو واكيد راح يصدكوني
::
كاافي لخاطر الله والله ماضل شي عندي حتى فلوس بابا وبيبي أخذتهم خاف الله
نجود: وكعت من ايدي السطله وسوت صوت التفت اسماء عليه واني سويت روحي ماسمعت شي
شلت السطل وشريت الملابس وهي واكفه صافنه لازمه تليفونها وتباوعلي
كملت عالسريع ونزلت اركض وصلت ليم بيبي ودخلت بحضنها
وابجي
فضيله: ها العروبه بس لا تبجين لأن غسلتي اهديماتي
نجود: اشهك وابجي ومجلبه بيها وهي تمسح براسي
شكد حقيره حتى فلوس بيبي وبابا أخذتهم شلون وهو واكف على تك رجل حتى يوكلها وهي بكل برود تأخذهم ليش متحجيلي واني اساعدها
نمت واني الشهكه بصدري
كعدت على يعاط بيبي
كمزت رحت اركض لكيتها بالصاله وشايله جزدانها واتنكت بيه
نجود: شكو بيبي شبيج
فضيله: ولج نجيده فلوسي ماكو
نجود: ها بيبي وين راحن وشكد هنه
فضيله. :: ولج راتب جدج صار شهرين ضامته ماامحتاجه وقبل لااجيكم هم راتبين ضامتهن وجامعتهم وماصارفه شي  اصرف شي قليل بس دواي ومرات احمد يجيبه الي فوك المليونين ونص ولج تعالي دوري وياي
نجود: عزا بعينج اسماء طلعت من غرفتها وتباوع لبيبي وتبجي
فضيله: ها ولج سميه ليش تبجين
اسماء: اني أخذتهم تعبت كافي أنقذوني ماضل شي عندي حتى راتبي يأخذه مني
نجود:: تقربت عليها وحضنتها حجيت منو هذا احجيلي بالكت اكدر اساعدج
فضيله:: يالعوبه يالفاهيه يالمتخافين من ربج لوجايه طالبه مني مااعزهم عليج بس شلون تمدين ايدج اله اخلي علي يكسرها الج
نجود:؛ كافي بيبي اني انطيهن الج احجي اسماء شنو السالفة
اسماء:: من اطلكت ورجعت نفسيتي تعبت وميلاد يلح ومن سمعت امه رافضتني قررت نطلع من يمهم ونجود مرفضت بالعكس كيفن طلعنه ومن طلعنه تعرفت على بنات جيرانه ومن ضمنهم بنت جيرانه ابو ياسر
عدهم ثنين بنات وحده مطلكه وحده طالبه المطلكه تشتغل بصيدليه وشغلتني وياها اسمها دعاء جانت خوش بنيه وعدها اخوه ياسر مزوج وعدها بعد اثنين ايمن وعمر
ايمن جانت عينه عليه حتى من اروح عليهم يكعد ويكابلني وضل يقرالي لحد ماوكعت بحبه وهو هم حبني وهنا قرر نطلع وحدنه ونتعرف على بعضنا بس اني رفضت وزعل وضل اسبوع ميحجي وياي واني لأن احبه وافقت طلعنه بشقه صديقه وهناك نام وياي
نجود::لطمت على صدري وصحت عزا بعينج
اسماء:: قاومت والله بس هو كال انتي راح تصيرين زوجتي وام جهالي واكل بعقلي حلاوه وكام يتماده يوميه ياخذني وإذا رفضت يزعل لحد قبل ثلث اشهر كام يهددني لودزيلي فلوس لو انشر عبالي جذب بس دزلي فيديو شلون وشوكت مصوره مااعرف بس وجهي طالع وهو مطالع منه كلشي
نجود: دخيلك ياربي شلون وهسه شرايد
اسماء:: يريد ٢٠مليون حتى يسافر وبعدها ينطيني التليفون
نجود:: هههه ومنيني اجيبين هيج مبلغ ووانتي مصدكه راح ينطيج ويمسح التصوير!
فضيله:: عزا موبنت غضب الله روحي نجود وسولفي لعمامج ولابوج خلي يحزون ركبتها
نجود: اصبري بيبي خلي نفهم
اسماء: اني جمعت ٦ملايين بس ميقبل ياخذهم يريد ال٢٠كامله
نجود: انتي غلطتي من انطيتيه اول مره
اسماء: شسوي فهميني
نجود: صبري كليله اسبوع والمبلغ يمك
فضيله: عزا بعينج نجود منيلج بس لا ترحين تبوكين بنك ولو بعد بنات علياء كلشي يطلع منجن سوده عليه ابني تورط بيجن
اسماء: لو اعرف ولا احجي
نجود: بيبي ابوس ايدج وراسج لتحجين لااحد بداعتي
فضيله:: لا والله مااحجي شي بس اريد من الله يكسرلي ضهرها وتضل عاله لا تكدر ترفع ايد ولا تحرك رجل
نجود:. كمت وين اروح جنت اذا اوكع بمصيبه فراس اول واحد يجي أبالي وهسه هو جوا التراب اخذ أحلا شي بحياتي وراح
ماارتاح بحياتي ابد
طلعت كتلها انطيني معلومات كامله عنه ورقمه وصورته
اخذت كلشي منها حتى الفلوس وطلعت
خابرت وطن
وطن:: ها نجود شلونج
نجود: الحمدلله تعال بنفس المكان بالكوفي
وطن ؛ ربع ساعة وتلكيني هناك
نجود:اخذت سيارتي وطلعت وصلت دخلت لكيته كاعد يشرب جاي
وطن:: شلونج
وطن: زينه وانت
وطن: موزين والله انا السبب لو مخليه يمج بذاك اليوم جان مصار كلشي
نجود: لا هذا يومهم وقدر مكتوب
وطن: بأجر نروح عليهم ترحين مو
نجود: لا مااروح
وطن: عش
نجود: غير يوم اروح المهم اني اريدك بموضوع وماعندي غيرك اروحله
وطن : كولي
نجود:: فتحت جنطتي وطلعت تليفوني وشوفته صورته
وطن ؛ منو هذا!
نجود:: اريده عايش واريد كل تليفوناته وعنده لابتوب هم اريده هاي المعلومات عنه وعنوانه
وطن: هو منو هذا غير اعرف وشنو رايده منه
نجود: صديقتي عدها علاقه بيه ومصورها وكاعد يبتز بيها وماخذ منها فوك ال١٠ملايين وهسه يريد منها٢٠ وهي ماعدها ويهدد بيها تكدر اجيبه الي
وطن: بس هذا اني اعرفه وشايفه
نجود: اي هذا ابن جيرانه ايمن
وطن ؛ زين متأكده صديقتج!!
نجود:: اي ياريت تستعجل
وطن: بأجر مااكدر لأن اريد اروح للمقبره وراها اجيبه الج
نجود ،: اخذه بمكان محد يعرفه
وطن:: صار هسه اخليهم يراقبونو واسحلو لمكان مكطوع حتى الهوى ماكو بيه
نجود:: اني اترخص
وطن:: تعالي بأجر ويانه  تاوراها نسحلو ونجيبو والي تريدينو سوي بيه
نجود: اشوف اذا كدرت اجي
وطن: يله تاوصلج
نجود:: لا جايه بسيارتي
كمت ترخصت منه وطلعت من مات عبود لليوم مطالعه اخذت السياره ورحت وكفت كبال الحديقه الي بيها السدر نزلت كعدت جواها ودموعي يجرن قبل شهر كالي خلصت منج وراح اكل منها جذاب حتى مشايله بس ورق حسيت أحد كعد يمي
وطن: هذا مكان فراس جان من يزعل من أحد لو يضوج يجي هنا يعكد وكلما نضيعو نجي نلكاه هينا وصرنه من يضيع منروح لاي مكان نجي هينا لحد ما دخلتي حياتنه جابج لهنا وخلاج من ضمن اصدقائه وأحبابه لأن بس الي يثق بيه يجيبون هينا
نجود: جان أكثر من صديق واخ جان قبل لا احتاج شي الكاه كبالي جنت اذا ضايجه ميروح اذا ميضحكني جان اخوي وأكثر والله لحد الان ممستوعبه مات ومن مات اخذ اكثر شي غالي عليه حتى بموته كسر ضهري باابني
وطن:: جان يوميه يجي يقنعني ارجعج وانا جنت اضحك عليه أحد ما اجت سراب تركض منهزمه من أهلها ولأن احنه جنه بالمزرعه القريبه عليهم دخلت دخيله واني انجبرت ازوجها كالي كلمه لحد الان تدك براس
كال انت سويت خير لسراب وخسرت نجود بس مدام سويتها لوجه الله لتتقرب لسراب وخليها حالها حال اخواتك لأن اذا فديوم ترجع نجود وتشوفك تتقرب لسراب راح تنكسر لأن نجود تحبك وانت محاس بيها
بس اني جنت احبج والله ولحد الان بس اني بعدتج حتى مااخسرج خفت عليج مدام بدن وياج مراح يعوفنج
نجود:: الماضي راح واحنه ولد اليوم ياريت من نخلص من المقبره اطلكني اني اريد ارجع لمستقبلي ودراستي وانت الله يهنيك
كمت نفضت ملابسي ومشيت صعدت بسياره ورحت للبيت نزلت لكيت أسماء وبيبي كاعدات وحده تباوع للثانيه
طلعت فلوس بيبي ورجعتهم الها ورحت شفتها شكد مأخذه من فلوس بابا
اسماء: مليون ونص
نجود: رحت رجعتهم والباقي نطيتهم الها
دخلت للمطبخ سويت عشا واسماء وياي
نجود:: بيبي بأجر نروح للمقبره نزور
فضيله: موكلتي مااروح وياهم
نجوود:: لا لازم بأجر اروح عندي شغل رايده اخلصه
اسماء:: لعد خلي نخلص على السريع ونسوي بعد كليجه ودولمه ناخذهم هناك نوزعهم
نجود:: بس كليجه وحلاوه تمر ناخذ منريد دولمه
فضيله: اي افضل
نجود: كليجه عندي هواي بس تمر نسوي وهاهيه
اجو بابا واخواني ورفل ومحمد أخذهم من الصبح خالهم رغم مانعتهم بس خالتهم الجبيره مريضه حيل وتريدهم جابهم بابا وياه صبينه الاكل وكعدنه كوه اكل لوما بابا مااخلي ولا لكمه بس كلما اريد اعوف الاكل واضر نفسي يجي بابا واخواني بين عيوني واصبر
نجود:: بابا بأجر نروح للمقبره
علي: موكلتي مااروح بأجر
نجود:: لا گلبي خلصان اريد اروح اشم ريحته لعبودي
علي: هاهيه هسه اخابر ابو سالم يجيب سيارته ونروح بيها تكفينا كلنه
نجود:: اي احسن
علي:: سويلي جاي اني رايح للغرفه ارتاح
نجود: صار كمت لميت المواعين واسماء أخذتهم مني
اسماء:: اني اغسلهم سوي جاي انتي
نجود: سويت جاي ورحت وديتلهم
دخلت للغرفه فرشت ونمت شوي ودخلت اسماء تركض
ها شبيج
اسماء: كاعد يخابر شحجي وياه
نجود: كتلج صبري كليله اسبوع وادبرلك المبلغ
اسماء:: اي
نجود:: حجت وياه مثل مكتلها وراح اني نمت وهي هم كعدت على المنبه ب٤رحت سويتلهم ريوك وكعدتهم بدلنه وطلعنهب٥ونص اجه ابو سالم سيارته ٨نفرات صعدنه وانطلقنه للنجف سيطرات والطريق زحمه وصلنه ب٩
دخلته للمقبره روحي ملهوفه هنا امي وهنا اخوي وهنا ابني اروح علمن ازور منو احضن منو اخ ياگلبي اخذنه بابا وصلنه لقبر امي وبصفها قبر اخوي كعدت بالنص ابجي عليمن عليج يمه لو عليك يبو طول الحلو
ولج يمه اخذو ابني مني اجاج موو تلكيتيه يمه ترا يخااف والله اخخخ يمه عبوودي
بست كبر امي واسماء وأحمد وصالح أكثر مني اسماء اشيل وتخلي تراب فوك راسها وأحمد هم وبابا كاعد بعيد مخلي راسه بين رجليه ويبجي بسكوت وبيبي كامت تنعي تخلي الحجر يبجي
نايمه على قبر امي ودموعي يجرن واصيح
وبيبي تنعي
فضيله :::يمه يايمه يايمه البيت شلون اطبه وامي ما بي منو غيرج اكله نوب يمه اشتاكيت ال كلامج وال حجي وياج انه عمري اعله عمرج هسه اسلمه يمه احجي ويه الكبر وتعاتب ويا جسد امي بصلافه شلون المه........
يدمع العين ما بطل اعله امي
  انوح اليل مانامه اعله امي
مرات الدار أسئلتي على امي
حسافه يصير فوكاها لترب
نجود:: اخخ يمه اي والله بس ارجعيلي يمه والله كلشي مااريد اخخ يمه
حست احد يحضني باوعت وطن
وطن: حرام عليج هيج تسوين خطيه شوي ابوج واخوانج تخبلو بدال متوكفين وياهم هيج تضعفين
نجود: واني من. يوكفلي منو يمدلي ايده ويصحيني تعبت اريد امي
وطن: وانا وين رحت اعتبريني صديقج مو زوجج اعتبريني اي شي بس خلي حملج عليه وكومي وياي ابوج راح ينجلط واخوانج تخبلو دحكي على رفل نطت من البجي
نجود: كمت اسحل بروحي غسلت گبرهم وهم هم كلمن جايب مي ورد وبخور كعدنه نقرالها قرأن لحد ما حجيت
اريد اشوف ابني
وطن: يله كومو
نجود: كمنه كلنه حالنه يرثى لها
لكيت ابني دافنينه يم عمه گبره صغير كعدت يمه ابوس بيه ودموعي تجري اخخخ يمه وليدي ليش عفتني ورحت منو ينام بحضني اخ يمه ديري بالج عليهم ياربي ليش مااخذتني قبل ابني شلون هيج ياربي كسرتني
وطن:: اقريلو قرأن ادعيلوو كاافي هيج طير بالجنة حرام عليج يتعذب
فضيله:: يبني يعبدالله دللول
نايم وكلبي عليك شيكول
خافن ييمه نومك يطول
وانه اضل بعدك اتحسر
دللول يالولد يبني
يمه افتح عيونك عليه
بصوابك احس جتني المنيه
لحالك صرت اصفك بديه
وانحب واكول شلون اصبر
اخ يمه وليدي يمه
نجود:: بيبي عافني وراح اخذ حيلي وعمري وراح
فضيله: كولي ياالله بيبي كلنه على هذا الطريق الموت حق
نجود: اي حق ليش مااخذني وخلاه بعده بيبي ترف خطيه ماشاف شي من حياته
فضيله:: المؤمن مبتلي كومي يله
نجود:: كمت و وطن ساندني واسماء شايله رفل وأحمد ساند بابا ومحمد وصالح لازمين بيبي طلعنه من المقبره ورحنه نزور رحنه الحمامات عسلنه ورحنه زرنه وطلعنه بالطريق الدنيا العصر وكف السياره بابا واندار اجيبلكم هنا لو تنزلون تأكلون
فضيله:: لا جيب هنا كل واحد لفه وعصير
نجود: نزل بابا وأحمد نص ساعه واجو وزعو كلمن لفته اني مكدرت اكل
فضيله ،:: افتحي لفتج واكلي
نجود: شلون اكل وابني هناك بقى وحده خطيه
فضيله:: حرام عليج انتي بهيج كاعد تكفرين الله اخذه والمؤمن مبتلي يابنتي
نجود: وليش مبتلى!!كلما يزيد إيمانه ، يزداد بلاءه وضيمه ومصايبه ..
عود ليش ؟
فضيله:: حتى يرتفع مقامه عند الله ، ويقوه إيمانه
نجود::بس هذا التفسير مو يخلي الناس تخاف من الإيمان ؟
فضيله:: يعني شتقصدين شنو رايده تكوليه!
نجود ::بعني الإنسان من يسمع هيج تفسير ، راح تصير خوفه بكلبه ويكول  اذا جان المؤمن مبتلي فهاي مو خوش سالفة اني ليش أعرض نفسي للابتلاء والضيم ؟ احسن شي اترك الإيمان أو ابقى على إيمان ضعيف جدا يخلصني من النار وبنفس الوقت ماراح اتعرض للابتلاء الدنيوي ، مو صحيح هذا الشي ؟
فضيله:: علي تسمع بنتك جاوبها!
علي: اي يمه حقها اسمعي بنتي
فعلا ، هواي ناس تفكر مثل تفكيرج بخصوص هذا الموضوع  بس يكولون  اكو تفسير ثاني لهذا الحديث ..
-نجود::وشنو هذا التفسير الآخر ؟
علي:::يكولون هذا الحديث مو معناه  انو الانسان اذا صار مؤمن فراح يتعذب بالدنيا وينفكر ويتمرض ووووالخ ، لا مو شرط ، وإنما معناه : انو الابتلاء على نوعين : ابتلاء شدة ، وابتلاء رخاء ..
نجود::وشنو هذا التفسير الآخر!!؟
علي:::يعني الناس فاهمه الابتلاء انو هوه فقط الشدة والامور السلبية ، والحقيقة انو الابتلاء مرة يكون سلبي (فقر ، مرض ، مشاكل ، الخ) ، ومرة يكون الابتلاء ايجابي (غنى ، صحة ، مشاكل ماكو ، الخ) ، فالحديث عندما يقول : (المؤمن مبتلى) فمعناه  انو المؤمن راح يتعرض لامتحان الهي يختبر بيه مدى قوة إيمانه ، وهذا الامتحان مرة يكون ايجابي (غنى ، صحة ، عدم وجود مشاكل ، الخ ) ، فيختبره الله بهاي الامور ؛ حتى يشوفه يشكر هاي النعم لولا ؟ فتكون هاي النعم بمثابة ابتلاء واختبار من الله ، ومرة يكون هذا الابتلاء سلبي ( فقر ، مرض ، مشاكل ، الخ) ، فيختبره الله بهاي الامور الصعبة ؛ حتى يشوف صبره عليهه وعدم انحرافه، ومو شرط لازم يكون الامتحان الالهي منحصر بالجانب السلبي ..
نجوود::اها وبالنتيجة  ماراح يخاف الإنسان من زيادة الإيمان ، لانو مو بالضرورة راح يتعرض للجانب السلبي من الاختبار ..
الحمدلله على كل حال استغفر الله العظيم
فضيله:: يله اكلي بنيتي
نجود:: طلعت الفه واكلتها وصلنه للبيت دنيا ليل كبل سبحنه و نمنه
كعدت الصبح اسماء رايحه للدوام والجهال رايحين ويه بابا بس رفل يم بيبي
صباح الخير.
فضيله: صباح النور
تعالي تريكي ويانه
نجود: غسلت واخذت كوب ورحت اكل وياهن
دك تليفوني
وطن: راح ادزلج ولد ياخذونج للمكان الي بيه ايمن هذا جبته يمي
نجود: تمام انتظر
كمت بدلت لبست بنطلون اسود وبدي اسود ورفعت شعري كبايه ولبست حذاء رياضي
ربع ساعه وسمعت هورن بالباب
نجود:: بيبي اني رايحه وطن رايدني
فضيله: روحي يمه الله وياج
نجود: طلعت جانو ولد اثنين لابسين اسود وكاعدين صعدت بدون كلام وهم هم مشو نص ساعه والسياره تمشي لحد ماوصلنه بستان وبيه بيت قديم دخلت لبيت لكيت وطن كاعد ويمه ايمن شادين عيونه واديه ومكعدينه على كرسي ومجتفينه ومبين فاقد  وطن لازم بيده تليفون وكدامه لابتوب
وطن:: ماشاء الله اختج خبره الحمدلله من مات ابني مااشرف ابني يشيل اسم وحده اهلها ذرة شرف مايملكون..
نجود:: ‏أصعب ألم هو إجبار ملامح وجهك على اتخاذ معالم أخرى تُعاكس إحساسك تماماً.
يتبع....
لاتنسون التصويت احبكم 😘🧡