بخطواتي تعثرت

آلبارت التاسع من رواية بخطواتي تعثرت

البارت التاسع من رواية #بخطواتي_تعثرت...
بقلم دينا ال سلمان ⭐⭐

‏يؤلمني أن قلبي لم يعُد يتحمّل، وأن روحي ماعادت تتلهّف إلى شيء، وأن ابتسامتي لم تعد تحب الظهور حتى مجاملةً، تؤلمني الكثير من الأشيـاء من بينها فكرة أن أبدو ثابتًا من الخارج بينما انا اتالم من الداخل كل يوم ..!!

وفتحت الباب مال السايق خليت ايدي ع اليده مااحس اله انجريت من ايدي ومااعرف شنو خلو ع وجهي شهكت وبعدها مااعرف شصار

مااعرف شكد مر وشكد الوقت مر
كعدت لكيت روحي نايمه بغرفه ضلمه مابيها اي ضوء تلمست جسمي جان عاري خالي من اي شي يستره لميت روحي وعيوني مفتوحه واهز بجسممي ودمووعي مقبلو ينزلو واهز براسي بنفي اريد اصيح احجي مطلع صووتي ابد تخبلت شنو السالفة منو هذواه واني وين لفيت نفسي بالشرشف وخايفه حيل كعدت بالكاع مرتين تكوم واكعد احس روحي مسلوبه مني امشي واتلمس اريد اوصل لشباك لحيتط اي شي كلشي ماكو تلمست وصلت حايط كمت اتلمس وامشي ادور مكان افتح نور منه الغرفه ضلمه حيل وصلت لباب اريده ينفتح حاولت بكل قوتي بس جانت قوتي موكافيه لحته اشيل ريشه بعدها حسيت بدوخة وكعت بعد مااعرف شصار
كعدت لكيت روحي بسرير وهم ملابسه اي ملابس بس الفرق جان اكو ضوء من جوا الباب وجان الجو نهار يمكن الضحى
كمت اصيح بعلو صوتي انتووو منوشرايدين مني ماكو احد بس صدى صوتي جان يرجعلي كمت وخرت الشرشف جان خفيف حيل بسناني شكيت فتحه منا  وفتحه منا سويته مثل الروب هو مال  نفر واحد
شكيت منا ومنا ولبسته ولفيته ع روحي حيل وشكيت من جوا مثل الحبل ولفيته ع الشرشف حتى ميطلع من جسمي شي ولفيت شعري جانت اكو مرايه مكسوره ملزوكه بالحايط مااعرف ليش كمت ع السريع اباوع لكيت ركبتي كلها مطعنه ازرك عرفت اني معتدين عليه كعدت بالكاع ماطلعت مني اي رد فعل انفتح الباب ودخل
شايل صينيه بيها اكل خلاها بالكاع وتقرب عليه
سيف::مبروك حبيبتي صرتي زوجتي
نجود::تف عليك ياحقير الله ياخذك
مسح وجه وحجه بهمس
سيف؛؛: وحق الله اذا ماربيتج مااكون انه الذيب
نجود:: مصدك روحه ذيب انت واوي هواي عليك

عافني وراح يمشي حجيت
نجود ؛:: ملابسي وين
سيف:: شسوين بيهن هيج احلا
نجود::: الله ياخذك ياسيف الله ينتقم من عزيز قلبك
سيف::: تمام اكلي زين
نجود::شلت الصينيه وشمرتها بالكاع شلت صحن فرفوري وشمرته عليه وكع بضهره باوعت منا منا شلت ماعون ثاني هو يتألم ويصيح والله اله اربيج بس صبري

شمرت الماعون الثاني وكع بجتفه وخر صار بعيد عن الباب وضهره انمله دم طلعت اركض واصيح الحكوووني ساااعدوني ياناس ياعالم الحكووني

اركض بكل قوتي جان الوقت تقريبا ب١١الضحى
طلعت اركض واصيح مثل المجنونه مالابسه شي غير الشرشف الصار مثل الروب ومشدود بخيط وشعري انفل لأن ماربطته بشي واركض لحد مالكيت روحي طالعه من هذا المكان جان كله سكراب سيارات مكسره وحديد وماكو أحد ع صياحي طلعو ٥زلم لابسين لبس اسود وملثمين وشايلين سلاح خرطت العافيه لوباقيه يم. سيف ارحم
رجعت امشي واباوع عليهم لحد ما نطخيت بهاي البنايه تقربوا عليه وحجه واحد
:: شطلعج انتي وين الذيب عنج
حجه الثاني:: خاف نايم
طلع سيف يصيح من الالم تقربوا عليه
سيف:: هارون جتفلي هاي واشمرها بالمخزن وممنوع تنطوها اكل ولامي
وانت عيدان تعال شوف ضهري
هارون:: صار
عيدان ':: شصار وليش هذا الدم
سيف:: بلا حجي زايد يله
نجود:: لا لا عوووفوني الله ياخذك ياسيف ياحقير كون بعزيز كلبك تغ عليك
اجه تقرب يريد ياخذني الاسمه هارون كمت اكمز وابجي لا حباب لا عوفني والله مااسويت شي هذا صاحبكم ناقص مروه كادر ع مره ضعيفه انتو لصيرون مثله جنت احجي وابجي اريد ينكسر خاطرهم عليه جان واحد من بينهم مدنك مارفع راسه باوعت عليهم كلهم جانو يباعون بستغراب ع سيف شلون بنيه مثلي هيج ضاربته حجههذا المدنك عوفها هارون اني اوديها رفعت راسي جان هو نفسه ابوعيون
اشرله سيف وحلكها هم سده
اخذني من ايدي ويمشي صعدني للطابق الثاني وفتح باب مال غرفه صغيره حيل بيها غراض سكراب سيارات كال اكعدي هنا اصبريلي واني اطلعج منا
نجود:: انت شسمك
::: اسمي عوفج من اسمي صيحيلي وطن
نجود:: عليك الله ساعدني
وطن::اني لازم اروح وانتي لطلعين صوت حتى ميأذيج أحد
نجود::هزيت راسي هو راح واني كرفصت بالكاع وخليت راسي بين رجليه وبجيت هسه اهلي هم فكرو بيه مااعرف شلون نمت حسيت ع صوت وطن يكعد بيه كعدت
وطن::هاج هاي اللفه وبطل المي عسريع اكلي وضمي المي ترا مانع الاكل عليج
نجود::أخذتهم منه اكلت اللفه جنت كلش جوعانه وشربت نص البطل وضميته يم السكراب وهو راح واني كمت جان العصر همزين المخزن بيه كلوب وبنكه ندليت وين الكهرباء جان اكو شباك بس السكراب ساده مااكدر اوصل اله كمت اشيل بالغراض والسكراب لحد ما وصلت للشباك جان مصبوغ كلشي ميبين منه اكو حديده صغيره بالكاع كمت اشخط بيه لحد ما صارت فتحه صغيره خليت عيوني جانو الخمسه كاعدين يشربون نركيله وسيف نايم نازع البدي ولافين كتفه وحتى ضهره نايم ع بطنه كمت وخرت من الشباك اباوع لازم اطلع منا رجعت اباوع جان كل الاماكن سكراب وين ما التفت سكراب واكو اصوات مال سيارات اتوقعت شارع العام قريب لزمت راسي بثنين اديه وكعدت بالكاع أشهك  من يجي اكله موافقه هو شرفي وأخذه بعد شكو مسحت ادموعي وباوعت ع الباب تقربت وكمت ادك بهسترياواصيح سيف الددددددين وينك شيف ياااامرا وينك جنت اريد استفزه حتى يجي كمت اصيح بكل صوتي نععاااال وينك سيف الدين صيحت لما تعبت محد اجه ولا وصلني واني متأكده يسمعوني ضليت اصيح ولدك بالباب تعبت كلش كمت اضرب بالباب برجلي وادعي
كعدت منهاره وفحطانه ادور مي بس ماكو اني اذكر وطن نطاني مي بس وينه اكيد راح جوا السكراب كمت كوه رحت الشباك واباوع عليهم جان سيف ماكو والولد ماكو بس اثنين واكفين يحجون بيناتهم ومبين نقاشهم راح يتحول عركه بعدني ما رمشت وتلازمو واحد موت الثاني طلع سيف يعرج ولازم بطنه صاح بيهم واشرلهم يبطلون عركات اني مااسمع كلشي بس اشوف رفع رأسه وباوعلي اني كبل نزلت وجهي اكيد شافني وراح يجي يغير مكاني ويحبسني بضلمه كمت رحت كعدت بزاويه وابجي واصيح سيف الددددددين وينك غمضت عيوني بتعب وبعدها حسيت بجكه بيدي وخله شي ع خشمي اني مابيه اقاوم شهكت وتنفست وبعدها مااعرف شصار
......
في مكان ثاني