بخطواتي تعثرت

السادس عشر ⭐

البادت السادس عشــــٓــر
من روايه بخــــٓــواتي تعثرت
بقلــــٓــم ديــــٓــنا ال ســــٓــلمان

أمّا الآن
فلا أُريد المُحاربة ثانيةً
لأجل أيّ شيءٍ
أُريد أن أستريح للأبد
وأن يأتيني ما هو مكتوباً لي دون عناء .

نجود::مااحس اله ضربت شي  وراسي انضرب بالستيرن باوعت جانت سياره كدامي ومتفلشه لمست كصتي جان طالع منها دم فتحت الباب ونزلت ارجف ....

كلي خوف خاف موتت احد يجوز بيها اطفال ماتو قتلتهم بغبائي اني كم مره المدربه واسماء نبهو عليه من اسوق ماافكر غير بطريقي
كعدت ع الرصيف صافنه اخاف اتقرب ع السياره الكدامي دقايق وانفتح باب السايق نزل واحد منها لازم راسه ويباوع ع السياره مالته ويكفر ويغلط تقرب ع سيارتي صفن ماكو احد اني كباله اباوع عليه ببرود مااعرف شنو اسوي منو الغلطان بس هو الغلطان هو لازم السايد مالتي اني امشي سرعه وهو يمشي رون سايد باوعلي لكاني صافنه صاح
هيوووو انتي صاحبتها للسياره
نجود::كمت نفضت نفسي وتوجهت عليه كتله اي اني
وحق ربج اليوم اموتج واشرب من دمج ولج دمرتيها للسياره
نجود:انتتت الغلطان لضل أصيح وتاخذني بالصوت العالي هسه أخبر عليك انت تمشي رون سايد
باوعلي ولج عوبه انتي عووووبه ولج غيرررر استداره
نجود::اي هم غلطان مشووف سيارتي قريبه شلون تستدار واني خما عندي بايسكل واوكفه غير سياره وشارع عااام
نجود::التمو العالم وهو يصيح حجيت
اليوم اله اخبر عليك الشرطه طلعت اركض للسياره طلعت التليفون جرا من ايدي ولزكه بالكاع العالم صلو على النبي كولو ياالله
كعدت بالكاع وحجيت شررررايد انت شرااايد
حجه
اصلحينها للسياره
نجود::والله لو تموت وانت الي اصلحها
العالم كلها كالت هو الغلطان وهو مستمر لاهي الغلطانه
نجود ؛:الدم يبس بوجهي وهو خشمه طاك دم طلع بطل مي يغسل واني شلت تليفوني خابرت بابا كال وين بيا مكان انطيني العنوان
نطيته وكال دقايق وجاي
وهو يروح يباوع لسيارته ويرجع يصيح عليه العالم خفت وهو كعد ع صفحه حجه
الله لايوفقج كوون أولت البارحه اشتريتها صار سنه اجمع بيهن
نجود::لضل تدعي احسن مااخليك تتمنى الموت حقير شفتني بينه وكلت خلي اطلع مراجلي عليها
كام وتقرب ولج منهوو حقير العووووبه انه حقير لوحقير جان خليتج بالمخفر هسه
انه حتى انتي مخليتج تخبرين لأن خفت ترحين للمخفر ماحقيره غير انتي
نجود::لزمت راسي وكعدت بالكاع حجيت شرايد مني هسه
كام فتح باب سيارته رجع ليوره وانطلق وراح
وقححح صيحت ورا اجه بابا ا
علي ::شكو شبيج فدوه الج السياره خما تأذيتي
نجود:حضني ويمسح بوجهي
علي:: ها بابا خوفتيني عليج عفت شغلي واجيت ركض
نجود::أتعجب مرات حنين ومرات ميطيقنه حجيت لا بابا مابيه شي بس سيارتي شلون صارت
علي ؛:ولا يهمج بأجر ارجعها جديده
نجود::إنشاءالله
علي ::هاج اخذي سيارتي وحي للبيت واني راح اخذها اوديها للتصليح
انطاني سيارته وهو اخذ سيارتي وراح يوديها للتصليح رجعت للبيت تلكتني اسماء تبجي
اسماء::هاي شنو الدم بس ردت اجي ويه بابا ماقبل كال خاف نروح للمخفر
نجود::ماكو شي هو عافني وراح صيح عليه وراح كسرها لسيارتي
اسماء::فدوه الج السياره أخذي سيارتي بس المهم انتي بخير
نجود::راح بابا يصلحها
اسماء::ادخلي أسبحي لما اسويلج اكل
نجود::هزيت راسي ورحت سبحت وطلعت لكيتها محضره الغده وتبجي
اهووو عليش تبجين
اسماء:: ضايجه مااريد ازوج كالتتها وبجت.
نجود:: ياعمري
اسماء:: تخيلي انتي تحبين واحد ويحبج وتتزوجين اخو شيصير بيج شاهين خابرني باركلي وحلف بس ادخل البيت مالهم بعد مااشوفه يسافر يريد
نجود:: هو مو رجال ليش مواجه أهله ليش ماكاللهم اني اريدها بس هو موكد كلمته كومي لواني منج افرح كلشي اسوي بنفسي ماضل غير شهر لزواجج
اسماء ؛:: شلون افرح شلون ولج احبه والله مااكدر
نجود::: كمت حضنتها وهي تبجي كافي سومه شنو بيدج بعد حتى المهر صرفتي ههههه لوتريدين تبطلين وتقطين علي
اسماء::ههه امداج اني وين وانتي وين
نجود::كومي خلنام واليوم باليل عازمتج ع ايس كريم
اسماء::,عبالي عازمتني ع عشا ام فليس
نجود:: يولي سيارتي بتصليح وادورين عشيات اني حاليآ متهضه لازم انتي تفزعيلي حتى اجمع منج ومن علي تصليحها
اسماء:: عذرا الشخص الذي طلبته غير متوفر حاليا
نجود::عافتني وراحت صحت وراها أكدته هيج اخووه
طلعت راسها وحجت
اسماء::وين ضلت اخوه خاله انتي منو اني مااعرفج
نجود::هههههه يخرب بيتك ههههههه
اسماء::رجعت حضنتها حيل نجودا لوتريدين عيوني انطيهن الج والله
نجود::بستها وحجيت فدوه لعيونك سومه مااحس اله واحد يدفع بيه وعععررريي وععرري عن اثمااء
(وخري وخري عن أسماء)
ها رفوله ترا موبس الج اسماء هاي اختي قبلج
رفل:اي هي احتجواني امي مو اثماء(اسماء)
شالتها اسماء وتبوس بيها وتفتر كعدت اكمل اكل شبعت وكمت غسلت وكعدت اقرا
واسماء تلم بالبيت صار المغرب رجع بابا
علي::حيل مدمره السياره
نجود:: دمعت عيني وكعدت بصفه يعني صارت خرابه
علي:: لا بابا مال اسبوع وتكمل انتي أخذي سيارة اسماء ماعدها بيها شي
نجود:: شكد تكلف بابا
علي:: شعليج بابا بهل سوالف اني الصحه واجيبها الج
نجود:: الله يخليك بابا النه بسته وكمت
اكمل قرايه صارت ب ١٠اتصل رقم عليه فتحت خط
حجه اني وطن
شلونج نجود
نجود:: شررررايد ومنين جبت رقمي
وطن :: جبته ومحتاج احجي وياج
.نجود:: واني مااريد احجي ويه أحد سديته وحضرته ونمت
كارهه شي اسمه رجال مااريد أحد بحياتي مااريد احب وأضعف خلص لازم اقوي نفسي وادوس على مشاعري
غفيت وفزيت على صوت المنبه لبست ملابسي ورحت للمطبخ لكيت أسماء ومحمد وصالح وبابا كاعدين يتريكون
نجود؛:،صباح الخير
الكل ::صباح النور
اسماء:تعالي اكل
نحود::  رحت كعدت اكلت شوي وكمت
يله محمد وصالح استعجلو. ترحون وياي
حجه بابا
علي ::روحي بابا اني اوديهم
نجود::صالح قريب على شغلك بس محمد بعيد وبطريقي خليني اخذه وياي
علي::براحتج بابا سوي الي يريحج
نجود::كام محمد لبس حذائه اخذت سويج اسماء ورحت وصلته واني رحت للجامعه نزلت دخلت والأمن يتهامسون بيناتهم مره ثانيه
هم غلست عنهم ودخلت رحت لقسمي لكيت ميعاد كاعده وينها بنيه اسمها مها
سلمت عليهن كامت مها
ميعاد::شلونج انتي
نجود::حال النعال حالي
ميعاد ؛:ليش يولي
نجود::غير دعمت واحد وفلشت سيارته
ميعاد::يا عزا الحمدلله على السلامه كلبي
نجود::,الله يسلمج فوكاها وقح حقير يحجي عليه
ميعاد::منو العايل انتي لو هو
نجود::العالم كلها ادكول هو
بس معاند يكلي لا انتي عوبه
ميعاد::عزااا كالج عووبه
نجود::اي والله كالي هوبه وصيح عليه ويكلي السياره تسوا راسج
ميعاد::ياا هذا مامؤدب
نجود::شبيج ميعاد تحولتي جنج جلي
ميعاد::وانتي شنو كتليو
نجود::ماكتلو كلشي غير حقير
ميعاد::لا والله ماكايله شي زين هو حلو لولا
نجود:؛ يخرع جنه ثور
ميعاد::ها زين انتي شكو مقهوره
نجود::غير سيارتي مصار شهر من بدلتها وهو فلشها
ميعاد::يله معوده فدوه المهم انتي سالمه
نجود::ياسالمه غير راح نص عمري عبالي بيها ناس جهال ودعمتهم كلبي وكع مني والله
ميعاد::الله يجفيج الشر اخوي هم داعم سيارته البارحه بس باليل كال اني ماادري ومااعرف منو داعمه وعايفه ومنهزم
نجود::خطيه خما متأذي
ميعاد::لا خطيه هم مصار هواي من اشتراها وهسه وداها للمصلح
نجود::الله يعوضه حياتي
دخل الدكتور وبلشنه دراسه خلصت وطلعت جانت الساعه ب٢
ميعاد عايفها الخط ورايح
اشرتلها تجي وياي اوصلها
صعدت منحرجه
نجود::شبيج ميعاد خما احنه غربه احنه اخوات الله شاهد
ميعاد::اعرف والله بس خاف تتأخرين والله لوما اخوي مسوي حادث وسيارته مو بالتصليح اخابره
نجود::يمعوده شتأخر خما انتي بالواق واق
تأشر منا اي بهذا الفرع وصلتها للباب وحلفت اله انزل اشرب مي واتغدا وياها
نجود ،::غير مره يولي كلشي مجبت لخاله وهي جانت مريضه
ميعاد::من تعرف انتي وصلتيني تكيف انزلي لا والله ازاعلج
نجود::صفيت السياره ونزلت مدنكه منحرجه ادخل صاحت مااامااا جبتلج نجووود الي يوميه اكل راسج بيها
صاحت امها ياهلا بيها نور البيت بيج وبيها
دخلت سلمت عليها وهي هم ميفت من عرفت الخط عاف ميعاد واني جبتها
كامت تصب اكل وميعاد تغير ملابسها اني كاعده بالصاله افرك بيدي من التوتر انفتح باب غرفه ميعاد اجت كعدت يمي وانطلقنه بالحجي انفتح باب الصاله ودخل اخوها
دنك راسه اني كبل وكفت باوعت والله هو نفسه
خرب حضي وقسمتي السوده رفع رأسه حجت ميعاد تعال اعرفك ع نجود
رفع رأسه وباوعلي مستغرب.حجه
انتي انتي شجابج هنا ياعوووبه
نجود::احترم حالك وحق الله اذا اجاوزت احركك حقير فوك ماكسرتلي سيارتي وتهرب هسه تكلي عوبه
شلت جنطتي وصلت يم الباب لزمني من ايدي
وحجه
انتي شدلاج بيتي شلون وصلتي
نجود::وخرت ايده من معصمي وتخصرت وحجيت مراقبتك من حلاتك جنك غول انت وهذا الجسم
فتحت الباب وطلعت اركض وهو لاحكني
لزم ايدي وفرني عليه
حجيت شررررايد مني
حجه بصوت انتي منووو شلووون اندليتي بيتيي
نجود::ترا اختك الخط عافها واني وصلتها ميعاااد صديقتي وابتعد ياحيوووان
نجود::دفع ايدي وحجه بنتر
انت تعرفين من. اني وهيج تحجين وتتجاوزين
نحود::ميهمي إنشاءالله تكون الوزير اني شعلي وابتعد ياحيوووان
اخذت السويج فتحت الباب وطلعت شخطت السياره بكل سرعتي الحصوو والتراب غطاه
وصلت للبيت كبل للحمام اخذت شور سريع وكبل نمت كعدت ع لمسات اسماء
نجود::اووو سومه عليج الله خليني انام
اسماء::كوومي ساعه سبعه شعندج هلكد نايمه كووومي خلي نتعشا
نجود:مطيت روحي وبستها وكمت عدلت ملابسي وطلعت لكيت بس رفل وصالح ومحمد بالصاله شلت رفل ابوس بيها تعشينه وكملنه اخذت المواعين غسلتهن ورجعت غسلت ايدي ونشفتها اخذت التليفون وفتحته لكيت كومه مكالمات من ميعاد
خابرتها كبل ردت
ميعاد::حقيره وينج ليش هيج خليتيني ابجي عبالي زاعلتيني
نجود::موانتي جاهل لازم ليش ازعل
ميعاد::لأن طلع اخوي
نجود::عادي ميموو بنيتي شسوين هو هذا بلاء من الله
ميعاد::لا عليج الله لتحجين هيج والله هو كلبه طيب بس كلشي ولا سيارته
نجود::ههه اشاقه عمري الله يحفظه الج هو شنو يشتغل
ميعاد:: ملازم اول
نجود::شكد عمره
ميعاد:: مواليد ٨٣
نجود::الله يحفظكم ويخليكم حياتي
ميعاد::باعي والله هو أنصدم من شافج بيتنه وهيج طلع ردت فعله
نجود ،::,عادي حبي مصار شي
ميعاد::,أخذي راحتج حبيبي
نجود::باي  حياتي
نجود:سديته منها ورتبت أغراضي وملازمي ونمت بفراشي واتكلب مااعرف ليش اجه كبالي عيونه والخزره وصياحه وحركاته
هويت راسي ونمت كعدت جان ماعدنه دوام
كعدت رحت ليم اسماء كالت سويت دوامه باليل بس اشغل النار جواها خلي تستوي حتى نروح نزور
نجود::وين نزور
اسماء:: لقبر امي
نجود::للنجف!!
اسماء::ايييي اييييي وإذا متريديييين لتروووحين
نجود::ليش اصيحين شبيج
اسماء::مابيه تعبتتت منكم من ابوج اريد اروح اذب حملي يمها اريد اكعد تشكيلها وجعي اريدها تكعد تسمعني
نجود::كعدت بالكاع وكامت تلطم وتبجي انهارت الزم بيدها اريدها. تبطل وهي موتت روحها بجي حضنتها واني ابجي حجيت  اخاف اروح اي من دفنوها لليوم اني مارحت اخاف وبابا مانعنه اخااف
اخاف اواجها اخاف اقرا اسمها امي راحت مراضيه عني جانت تبااوعلي  بتوسل حتى أنقذها من ايد بابا بس اني شنو سويت خليت بابا يقتلها واني السبب دمرت ماما بيدي
دفعتني وحجت
اسماء::شنو قصدج نجوووود كل مره اسمعج ادكولين انتي السبب واني اسكت فهمييييني نجووود
نجود::كعدت. كتلها امي مجان احد يمها غريب جان سيف من طلعتو انتو هو دخل ومن سمع صوت امي دخل الغرفه مالتهم وهي اجت مستحره نزعت العبايه ودخلت بس بداخليات وانتو فجاه اجيتو وبابا شاف امي بهيج منضر حسباله امي مدخله رجال للبيت
تقربت عليه ملختني تملخ شعري بيدها والراشديات من كل مكان تجيني كامت دفرتني وتفلت عليه
الله ياخذج يانجود كون تموتين مضلومه مثلها شلوووون عايشه حياتي كليلي شلوووون شلووون تأكلين وتنامين وتدرسين وتضحكين وانتي قاتله قااااتله امييي انتي السببب امي اشرف انسان اعرفها متغلط وتحب بابا بس انتي دمرتي حبهم دمرتي امج دمرتي حياتها الله ياااخذج
نجود::اني مستسلمه ابد ما رديت أو رفعت ايدي احمي نفسي اني استاهل
منحس غيرطبه قويه رفعت راسي لكيت بابا واكع بالكاع رحنه نركض اضرب بوجهه أصيح
اريده يصحى ماكو وجها صار اصفر وعيونه كلبهم بيض كمت اعيط بعلووو صوتي لااااا باااااباااا اكعد مووووتني بس لتروووح وتعوووفني باااباااا اكعد باااباا كمت اضرب بروحي واكمز جابت اسماء مي غسلت وجها وهو فاقد كامت تركض برا أصيح ساااعدوني ياناس ياعالم الحكووني بابا تخربط اجو الجوارين شالو وراحو وهي طلعت تركض وراهم صعدت وياهم وراحو اخذت الجهال وشغلت السياره وانطلقت وراهم رحت للمستشفى نزلت شايله رفل ومحمد وصالح يمشون وراي رحت سألت الاستعلامات دلوني رحت لكيته بالنعاش واسماء وكم رجال واكفين يم الباب من شافتني عاطت بيه
اسماء '::شجااابج لخاااطر ربج ارجعي أخذي الجهال وارجعيي
نجود::تقربت وكعدت بالكاع رفل راحت ع اسماء ومحمد وصالح يبجون اني كعدت وخليت راسي بين رجليه ودموعي يجرن
طلعت الممرضه تركض
اجه الدكتور مخبوص ويركض اسماء تخبلت كامت تلطم وادك بابا راح راح مااات مااات عاافنه وتلطم والجهال يبجووون واني اعيط لاااا فدوه لاا لتروح بابا لخاطرنه لتروح وتعوووفنه لااا اسمعهم يكولون كلبه كلبه وكف
.....
لا شيء يؤلم القلب أكثر من تلك الاحزان ، التي تأتي إليك دفعة واحدة .!🖤
يتبع...