بخطواتي تعثرت

البارت السابع

السلام عليكم ورحمه الله
طبعا الي يسأل ويكول شلون اختصرتي موت ام نجود بسطرين احب اكلج اني كوه صار ايام احجي ويه البنات اله اخذت منهن كم معلومه من يذكرن موت امهن ومن يذكرن الموقف ينهارن واني متعمده ماذكرت تفاصيل اكثر حتى لا اعذب البنات بهذا الموضوع واتمنى منكم محد يغلط على الابطال وشغله ثانيه ترا بعدنه بسابع بارت والأحداث بعدها با اولها
كل الحب والتقدير الكم اختكم دينا ال سلمان ⭐

البارت السابع من #رواية_بخطواتي_تعثرت
#بقلم_دينا_ال_سلمان
أحن إليكِ في كل موقف عصيب أمر به،
في كل شيء أبكي كطفله صغيره قائله :ماذا لو كنتِ هنا يا أمي؟!
كانت كلماتكِ تخفف أوجاعي مهما كانت كبيره ، أتذكر ابتسامتڪِ الجميله تلك التي كانت بمثابة مخدر لألامي.
أفتقدكِ حقًا اليوم وكل يوم يا أمي.....
نجود: اباوع بيبي لطمت ع صدرها واسماء عيونها فاتحتهن بصدمه واني اخ اني احس كل الدنيا أظلمت بعيوني كرهت كلشي حتى بابا كرهته
علي::شبيجن تلكيتني هيج ملكه ادخلي جوا معليج بيهن
هاي غرفتي ادخلي بيها منا وهيج هاي غرفتج
نجود::جان يحجي وياها وهي مدنكه ومرات ترفع عيونها تباووع علينه وع البيت وترجع ادنك حسيتها تتهرب أو تخاف من شي اني الي بوضعي مينتبه لهيج اشياء بس اني جنت كاعدا كدام الكاونتر ومدده رجليه واباوع عليهم مارمشت ابد اريد اشوف يشنو تختلف عن امي أو بشنو احسن من امي جانت بعمر الخمسه وعشرين هيج تقريبا يعني من اخذها جانت ٢٠ رفعت راسها وتقربت ع بيبي
نور:: مرحبا شلونج خاله
فضيله::هلا يمه هلا ادخلي اتفضلي
اسماء:: عفوا وين تدخل!!!
نجود::رفعت عيونها وباوعت ع اسماء
نور :؛؛ترى اني مكاتله روحي حتى اجي اعيش وياج مثل ما انتي ماتريدني اني اضعاف مااريدكم!!
بس تعرفين شنو تعبت واني عايشه بالختله وجهالي مثل ما انتي الج حق باابوج جهالي هم الهم حق وإذا كان انتي متفاجئه بوجودي راح تتعودين واكيد لازم اخوتج يتعرفون عليكم
علي::كااافي لغوا ادخلي جوا وبدلي الجهال وتعالي تغدوو
نور ؛:وين الغرفه!؟
علي::هاي كدامج
نجود:::كمت تقربت ع بابا ولزمته من ايده بقه يباوعلي ورافع حاجبه
بابا اخذو غرفتنه لتخليها بغرفة امي
علي::ابتعدي نجود ابتعدي
اسماء::كااااافي كااااافي تعبتنه امي قتلتها وهسه جايب ثلث اشخاص وخليتهم من ضمن عائلتنا وين حبكككك وين عيونك وغزلك لعليااااء نسيته يعني انت صار ٦او ٧ سنووووووات تخونها شلون انطاااك كلبك بس فهمني بابا عليك الله احجيلي امي هاي امي حب حياتك جنت اذا متشوفها تتخيل زين تمام تمام ازوجت اوك من حقك
نجود ؛؛'من تحجي تلزم حلكها بيدها والثانيه مخليتها ع صفحته انوب تأشر بيدها اباوع عليهم صارت صفره وترجف
اسماء::اي ازوجت اوك من حقك لأن زوجتك ماتت وانت كرجل محتاج مره بحياتك بس بابا انت خااااين امي قبل لا تموت انت خاينها من سنووووووات تخونها شلون انطاااك كلبك
زين تذكر مرات من تكول راح اسافر وهي متاكل اذا متخابرك وتحلف الها اكلت زين ماوكفت بعينك من عافت أهلها زعلانين واخذتك لوجدي الي حلف لوتموت ميمشي بجنازتها اذا اخذتك وهي عاندت الكل واخذتك
علي::: كااااافي كااافي تعبت تعبتت امكم امكم امكم كاافي ماتتت ماتتت تعرفن شنو ماتت اذا انفتح الموضوع مره اخرى افتح الباب واطلعجن كلجن برا
فضيله::ولك عااار تطردنه من وره وحده متسوا فلس اني اني امك مكاعده اعرفك انت مو علي مو ابني ولك علي ابو كلب الطيب وينه
اني اخابر حسن بأجر الصبح يجي ياخذني
نجود::تقرب عليها وباسها من راسها
علي::: اسف يمه اسف حقج عليه
نجود ؛؛:كعدت بالكاع واسماء كبالي نبجي بس شيفيد راحت نور لغرفة امي وابووي كام يصب الاكل طلعت نور وكامت اتساعده
بيبي جانت اول مره اشوفها هيج مكسوره كامت تبجي وتمسح بشيلتها وهي تنعي
علي ؛::كااافي ترا مسويت شي تنعن كاافي
نجود ؛:كامت اسماء اخذت بيبي لغرفتنه ورجعت كومتني والولد جانو بيت خوالي أخذهم بابا وياه بس صالح جان موجود خطيه ومن أجله بابا لحد مادخلنه الغرفه هو مجلب بثوب بيبي ويبجي اهوواي ضعفان وحتى حاله نفسيه صايره بيه
دخلت للغرفة واسماء سدت الباب
بيبي نامت و صالح بحضنها
كعدت تقربت ع اسماء
نجود:: اسماء جان كوه صوتي يطلع
باوعتلي وحجت
اسماء::كافي نجود الله يحلها شسوي مابيدي شي
نجود:: سكتت جنت رايده احجي كلشي تأنيب الضمير تعبني بس اخاف احجي لفيت روحي بالبطانيه ونمت كعدت ع صوت اسماء تكعدني حتى اروح للجامعه
كمت لكيت بيبي بعدها نايمه وصالح نايم من يوم ماتت امي هو يخاف يطلع برا وحتى المدرسه ميروح
كمت اخذت ملابس ورحت اريد اسبح
اسماء تعدل بشعرها هم تريد تطلع تغسل
طلعته سويه حجت
اسماء ''::راح اغسل واسوي ريوك وانتي استعجلي
نجود:بعدني مارديت لكيت نور كاعدا بالمطبخ واسوي ريوك ردت اروح اشيلها واركعها بالكاع بس اسماء لزمت ايدي
اسماء:: روحي أسبحي يله
نجود::امشي واحجي
اخذت مكان امي لا وداخله مطبخ امي وتستعمل غراضها
دخلت للحمام علكت ملابسي والتفت ع السريع صار أحد بوجهي شكله بشع ويخوف وخنكني وبعد مااعرف شصار
كعدت لكيت روحي نايمه بغرفتي واسماء تقرأ ايات يمي فتحت عيوني وباوعت شبيج اسماء شكو
اسماء::صدق الله العظيم ماكو شي بس لكيتاج بالحمام واكعه وجبناج
نجود:: اجه أبالي الشفته بدون وعي كمت وكفت وانداريت يمين ويسار وارجف تقربت عليه وحضنتني
اسماء::شبيج نجود اني يمج
نجود::شفت شخص بالحمام يخووف والله
اسماء::يتراوالج حبيبي سمي بالرحمن بهاي الفتره هواي ضغوطات صارت عليج وحتى الجامعه إذا تريدين تأجلين هاي السنه اجلي
نجود::لالا الساعه بيش اكوم اروح مابيه شي
ككمت نفضت نفسي ونزلت من السرير لأن جنت واكفه فوكاه
بدلت وطلعت للجامعة بسيارتي
دخلت للجامعه لكيت انس بالكافتريا وياها امل
سلمت عليهن وكعدت
كامت امل جابتلي جاي واجت
نجود:: رحمه الله و الديج شدراج مصدعه
أمل:: ادري اني احس احساسي كلي
نجود:: فديت الاحساس أنا
أمل:: يله بنات اني عندي شغل باي
نجود:: أخذي راحتج حبيبي
راحت امل وحجت انس
انس:: نجود باعي تذكرين من طلعتي من مكتب الدكتور تبجين
نجود ؛: رفعت راسي اباوعلها
حجت
انس ؛؛ هنا كلها تكول تريد الدكتور وهو رفضها ولهذا السبب تبجي وهواي حجي طلع عليج
نجود::اخر همي حجي الناس
انس ؛: باعي ترا امل ماعدها الشغل ولاشي بس حبيبها منعها عنج
نجود:: فتحت عيوني بصدمه شنو ليش اني شنو سويت وليش هيه متعرفني اني شنو
انس::لتزعلين بس كلها هنا كامت تحجي عنج اشكال والوان
نجود::كمت وكفت لميت كتبي وباوعت عليها حجيت انتي هم متريدين تمشين وياي موو؟؟؟
انس::تفهميني انتي نجود اني هنا متت لما وصلت للجامعه اهلي عرب
وحذروني اذا يسمعون كلمه وحده عني يبطلووني اني صح اعرفج واعرف اخلاقج
نجود::ماخليتها نكمل رفعت اصبعي وحجيت من بين ادموعي لتكملين معذوره
صاحت وراي بس اني مارديت اخذت اغراضي ودمووعي يجروو من عيوني باوعت هذا نفسه الي دائماً اشوفه يركض وراي أو يراقبني بس هو يكول اني هنا معيد بقسم علم النفس
رفعت عيوني هو باوعلي بنظره ماكدر افسرها جان حزن ع لوم وعتاب كلهن بعيونه وخرت شعري عن وجهي ورحت للمكتب مال العميد
دكيت الباب سمعت صوت أحد يسمحلي بدخول
التفت لكيت هذا نفسه ابوعيون واكف يباوعلي
فتحت الباب دخلت لكيت ماكو بس معاون العميد
استاذ اكرم
نجود ؛:: السلام عليكم
اكرم::وعليكم السلام ورحمه الله
اتفضلي بنتي
نجود::وين العميد
احجي وعيوني يجرن وامسح بيهن
باوعلي وحجه
اكرم::بابا اني هنا بمكانه احجي اذا محتاجه شي او اكدر اساعدج
نجود::استاذ اني مااعرف شلون ابدي بس لازم انت اصدكني
اكرم:: احجي شنو السالفة
نجود:: نزع النظارات الطبية ويباوع عليه بجمود صح يحجي بسلوب حلو بس نظراته محبيتهن
استاذ الدكتور اوس بعدني ممكمله اندك الباب ودخل هذا ابو عيون وياه دكتور ثاني
حجه أستاذ اكرم لازم تجي صارت عركه بالحديقه
نجود::طلعوو كلهم يركضون واني بقيت وحدي
ضربت رجلي بالكاع شكد كرهته
طلعت من الجامعه وقررت ااجل وشيصير خليصير
اخذت سيارتي وطلعت رحت افتر بكل الشوارع لحد ما وكفت يم شارع والشارع بيه بساتين والزيتون ع السور نزلت كعدت كبال سيارتي بالكاع وخليت ايدي ع وجهي وكمت اشهك بصوت عالي مااااااماااااا وينجج