بخطواتي تعثرت

الثامن والعشرون 🌟

البارت الثامن والعشرون 🌟⭐
من رواية #بخطواتي_تعثرت
#بقلم_دينا_ال_سلمان

‏" كالذي يركض بكامل لهفته تجاه الأشياء،
ثم يعود بخيبة،
يعود خاويًا وحزينا ."

نجود::منو منو مات رحت اركض مااعرف شلون دخلت بنص إلزلم من شافوني سوولي طريق صعدت وخرت الغطا أحشائه كلها بالكاع وبطنه مزروفه
وبعدها فقدت الوعي....
حسيت أحد كب عليه مي وشالني
فتحت عيوني جانت مشاعل وام ناطق وهيام والبنات ال٨كلهن موجودات ويبجن
كمزت اذكرت الموقف كبل وكفت وحجيت وينه وينه مات شبيجن تبجن شكد صارلي نايمه وشلون انجمعن البنات بهل سرعه
كامت مشاعل حضنتني وكالت
مشاعل:: اسكتي لتبجين مابيه شي
نجود:: شلون مابيه شي واني بهاي عيني شفت كل أحشائه بالكاع
مشاعل::لا والله ما بيه شي خابرنه وطن كال مابيه شي
نجود:: هو شنو بيه ليش هيج صاير وياه
مشاعل:: صاعد على الكهرباء وعايدين الكهرباء واكع من فوك ومن واكع واكع على حديده مدري طابوك وهسه بالانعاش أربعة وعشرين ساعه اذا مصحى يموت لو يدخل بغيبوبة
نجود:: بس والله اني شفته بطنه مفتوحه والله
صاحت ام ناطق
ام ناطق:: من خشيتي لبيتي  فكرتينه الله ياخذج ويخلصني من هالوجه الشر مسويه روحج متخربطه وانتي أصحى مني
نجود:: انتي شلون الج نفس هيج تحجين وتعاركين وابنج بالانعاش بين الحياة والموت المفروض ترحين ت كفين بالباب مال المستشفى لو ترحين تصلين تزورين تندعين ماشايفه هيج ام وهيج الج خلك تعاركين وفراس بحاله يرثى لها
صاحت وحده من بناتها
الي اسمها عمشه
عمشه:: ولج انتي منهو وهيج تحاجين امي انتي جاعد تعيرينها بفراس بدال متندعينلو
نجود:: انتي منو حاجي وياج عجوز وخبله لو صدك انتي اخت جان بجيتي رحتي عليه مو مكابله امج وتسولفن

عزيزه:: انجبي لابارك الله بيج انتي شكو بس اعرف شنو الي ابالج بس حلم ابليس بالجنه
نجود ؛. شتقصدين يعني هاا
عزيزه:: لاقصدو تعرفينوو عينج عن اخيي لاخليهم يحركونج مثل حركت
اعزاز
نجود:: هههه كلمن يشوف الناس بعين طبعه خاف حسبالج الناس كلها مثل اختج الحبلها رجلج وضاماتها لحد متولد وتنطيج الجاهل اني اشرف منجن كلجن
عزيزه:: لبالج انه مااعرف شنهو يدور بمخج والله اله اندمج وكولي كالت عزيزه
نجود:: على مابخيلج اركبي اني ماتهدد ولا اهدد اني انفذ ويجي وطن لو ميجي وشوفي شنو اسوي بيج
كامت جرتني من شعري وياها اخواتها
فضيله وصبريه وعمشه
ضربتني كف اني مابيه حيل ادافع عن نفسي
عمشه نامت فوكاي وهذنيج يضربن بيه مااعرف منين تجيني الضربات
مشاعل وعنود ونديمه يجرن بخواتهن واني جواهن لحد ما حسيت روحي ساحت كمت لاايد احرك ولا رجل
مشاعل ':: يبووو ماتتت يبووو موتنها راحت نجوود وينك يوطن تعال شوف شسون بحرمتك
من سمعن مشاعل وشافني مااحرك ساكن ابتعدن
كومتني مشاعل عدلت كعدتي واني سايحه روحي كوه امشي احس روحي مكسره ماكدرت اصعد دخلتني لغرفتها باوعت ع روحي شعري مشلع وجهي احمر من الضرب دشداشتي مشككه حلكي وخشمي كلهن دم
مددت بالكاع كوه رفعت راسي مشاعل خلت مخده جواي من خليته ع المخده حسيته معنجر
كوه خليته انام على صفحتي توجعني انام على ضهري شوغ روحي كوه غفيت كلساع افز من الوجع
كمت باوعت دنيا ليل صعدت لغرفتي اخذت ملابس ودخلت للحمام فتحت المي خليته دافي من ينزل على جسمي اشوغ روحي لحد ما خلصت وطلعت اخذت المشط اريد امشط مااكدر راسي يوجعني شمرت المشط وكعدت منين مالزم جسمي يوجعني باوعت ع روحي وجهي مورم حلكي مااكدر افتحه مشكوك ويوجعني شعري مكطع كمت كوه عدلته ولبست الشال وطلعت نزلت دخلت على مشاعل لكيتها كاعده تقرأ القرآن وتبجي من شافتني صدقت
مسحت دموعها
نجود: هاا خابروكم
مشاعل::اي صحى بس عندو كسر برجلو وايدو
نجود:: الحمدلله مزال ما مات حتى لو مكسر ويعيش عادي احنه نعالجه لحد مايوكف على رجلينه
شوكت يطلع
مشاعل:: أقل شي اسبوع
نجود ': اكدر انام يمكم
مشاعل ':'اي نامي
نجود: تمددت يمها
مشاعل,:: تدرين نجود امنيتي شنو
نجود::انكلبت ع صفحتي وحجيت شنو
مشاعل ؛:بيت وحدي واعيش اني وجهالي وزوجي وماكو أحد يتأمر عليه من انضف مطبخي مو خوفا منهم لا هيج حتى احس عندي بيت واني الي اشتغل لنفسي وافرح من اسوي عشا لو غدا وأبو بيتي يمدح بيه واسوي جداري صغار واني اختار الاكل وونطلع نسوك واختار الاشياء الرايدهن لبيتي
بس هسه ابني بطولي وهذن كلهن ماعشتهن
نجود :: الله كريم هسه تطلعين وتخلصين وكلشي بنفسج اسوينه وإذا زوجج العار مسواهن ابنج يسويلج كلشي
مشاعل:: هه اتأمل برجلي خير وماتأمل باابني
نجود:: وليش
مشاعل:: جدتو غاسله راسو
نجود::وليش تنطيها مجال
مشاعل:: من صار عمرو سبع سنوات اخذتو يمها حتى نوم مينام يمي ولافد يوم خلتو يحضني هسه صار عمرو ١٢ وميجي يكلي جوعان أو اريد فد شي اي شي يريدو يروح ع جدتو لو عماتو
نجود:: وانتي ليش ساكته ليش متكليله اني امك وتفهمينه الي يسوو غلط
مشاعل:: اذا احجي وياه كبل ادكول كاعد تخربو علينه ويجي ناطق يكتلني
نجود:: الله يساعدج
زين سؤال
مشاعل::اي كولي
نجود:: فراس و وطن شلون ازوجو وشلون عافوهن
مشاعل :: اذا متعرفين راح تموتين ادري بيج
نجود:: اي والله فضول
مشاعل:: يولي جان فراس يحب وحده وهي تحبو وصارت القسمه من راح يخطبها وطن شايف رسل وكال اريدها جان بعدو يمكن عمرو بالعشرينات المهم اخذوهن ثنينهن جانن البنات دره مال الله يشتغلن هن وساكتات ابد مافد يوم تعاركن ويه وحده وجانن البنات بعدهن مو كلهن مزوجات وكل الشغل عليه وعليهن وحتى الحلال جان عدنه قيامه احنه قايمين بيه لحد ماحبلت اعزاز حرمتو لفراس والدكتوره منعتها من الحركه وهنا شدن وياها راحت عمتي وجابت بنت اختها وكامت تحجي انو ايناس  اريدها لفراس وفراس يضحك عباله شقه المهم استمر الحال لحد ما ولدت وصار عمر ابنها سنه 
صارت يضغطن عليه حتى يزوج ايناس بس ايناس كامت تهتم بروحها ابد مانطتهن مجال
المهم فد يوم ام ناطق كالت اريد ازور الكاظم اخذت فراس وطن وخالد وناطق وراحت
دنيا الضهر والجو حار وهي كاعده فوك بغرفتها
ماكو ولا واحد من الولد وعمي بيت اخو جان الكل نايم جنت اني بالحلال انطيهن ماي واكل سمعت صوت صريخ وعياط دخلت
اركض واسمع عياط رسل وعياط عزيزه والبنات
ولازمات رسل
رسل::بس عوفني خلي اصعد اجيب ابنها ولج راح يحترك وخرن
مشاعل::شايله بطانيه مبلله وهنه مجلبات بيها لو هاداتها جان لحكت لان جانت النار مو حيل بعدها بس هن اتعمدن ميخلنها تصعد
اني صعدت بدون شعور اركض فتحت الباب وهي طلعت شايله ابنها وهي وياه النار تاكل بيهم جانن قافلات الباب من بره حتى متطلع من طلعت وكعت من الدرج  خطيه اختها من شافت المنظر وكعدت وفقدت انه اخذت البطانيه ولفيتها هي وابنها بيها وطلعت أصيح العالم التمت وناس اخذوها وناس طفو البيت اني رحت وياها اخذناها للمستشفى بس جانت تون كوه حجت كالت هن حركني اذا متت ديري بالج ع عبودي
وبعدها سكتت وصلنه للمستشفى ونزلنه نركض اخذوهم جانت لازمه ابنها ولازك بيها
أخذوهم خابرو الناس على وطن وفراس نص ساعه مواكثر طلع الدكتور كال الولد مات والمره حامل واحتمال هم تموت
عافني وراح اخذو عبود مااعرف وين
ساعتين وأنه على كعدتي الناس الي اجو وياي راحو واني بعدني مااعرف شسوي كاعده لازمه راسي وابجي اجو وطن وابوي والولد كلهم صاحو ها ماتوو وينهم
مشاعل:: عبود راح يخووي راح فرحتك
فراس:: ليش وين راح ولي مشاعل لتشاقين كومي جيبي خلي احضنو روحي لهفانه عليه
مشاعل:: وطن لزم خالد وكعد خله وجهه بحضنه وبس اكتافو يهتزن
فراس:: اشبج ياخيه دكومي صيحيلو خلي يجي عش هيج تشاقين
ناطق:: البكه برأسك يخوي كول ياالله
فراس:: يايمه وليدي وينوو لا يربي لاتفجعني بيه لا يربي لا ماعد بيه صبر
مشاعل :: حضنو خالد وكامو يبجون
اجه الدكتور مخبوص ويركض
دخل وره نص ساعه طلع
الدكتور:: البقيه بحياتكم
وطن:: شلون دكتور هم ماتت
فراس:: لا ليش صدك ماتت
الدكتور:: جانت حامل ودمها تسمم لو ما حامل احتمال تعيش بس حروقها حيل صعبه ادعولها برحمه
مشاعل:: فراس وكع وناطق وخالد اخذو للغرفه
اجو ناس عمامنه واهل إعزاز اخذوها واخذو الجاهل وطلعو دفنوها وره اسبوع اجه ابو اعزاز اخذ رسل وجبر وطن يطلكها وفراس حلف ميزوج بعد اعزاز وهسه من اجيتي اله كام يركد بالبيت جان ميلفي مكضي وكتو بالسفر يمكن شافج وحدج وخاف يحركنج انه اعرف فراس بشنو يفكر يخاف يسافر ويحركنج بس قرن براسو لوطن ودخل لراسو الشك بس بعدين عرف لعبتهن
نجود:: خطيه الله يرحمها
ويشفي فراس
ترا وطن اخذني لمكان يخوف وحبسني بيه لو ما الله جان اني متت من الخوف
مشاعل:: والله حاتم كلبو طيب ويحبج وأنه اعرف منو كاعد يقرأ براسو لحتى يعوفج
نجود:: لا ياحب اني وياه متفقين بس اخلص جامعه وبراها يعوفني
مشاعل:: هه كل عقلج يعوفج
نامي هساع بأجر ورانه كعده من الصبح والناس راح تجي مثل الدود
نجود ذ::بس اني اروح لجامعتي مااكدر اغيب ماضل شي للامتحانات
مشاعل::بكيفج خيه بس هينا الناس ماتسكت ويطلعنج ممهتمه
نجود ؛: اووف مااروح بس اخابر ميعاد تاخذلي اجازه ولو كثرن غياباتي بس لا انفصل
مشاعل:: ومنو يكدر يفل حرمتو لوطن انتي متعرفين منو بضهرج
نجود:: اثاوبت وحجيت ومنو بله وطن
مشاعل::اكلج انه نعست نامي لا اكوم احجي بدون مااعرف وتسحبين شكو سر بحجري
نجود::شلون اسرار والله تقصدين اجرام
مشاعل::اذا تريدين تعيشين هينا لتدخلين بشي ميخصج حتى إذا اشوفين شي غمضي وإذا تسمعين سدي اذانج يله تصبحين على خير
نجود: وانتي بخير
شلون ربي خليتني بهل عائله تعجب من المشاكل والأسرار يارب احميني منهم لحد ما اخلص جامعه
نمت  كعدت ع صوت مشاعل تكعدني
نجود:: اممم كعدت
كمت فركت وجهي ورجعت نمت
مشاعل ':ولج كومي الساعه ب٨ العالم ترست البيت موكت فهاوتج العالم راح تاكل وجوهنه وانه مااكدر اتحرك الدكتوره مانعتني من الحركه
نجود:: كمت رحت غسلت وجهي ورحت للمطبخ لكيت عزيزه و مدينه وفضيله والاخوات كلهن منجنعات يسون جاي وريوك كل وحده جايبه جهالها كلها وحايرات يوكلنهم
طلعت بيض سويته وصبيت كوب جاي كاعدا اتريك ودخل وطن باوعلي
وسلم وصعد صاح نجوووود
كمت ركض ورا
لمياه يصعد الدرج صعدت ورا دخل الغرفه واني  ورا
حجه
وطن ؛؛,طلعيلي ملابس اريد اسبح وخليلي كم لبسه لأن احتمال مااجي لحد مايطلع فراس
نجود::شلونه فراس صحى
وطن:: اي الحمدلله
نجود::حضرتله ملابس دخل للحمام واني هم خليت كم لبسه اله بجنطه صغيره طلع ينشف بشعره واني مدنكه ع الجنطه اسد بالسحاب جرني اله وحضني
نجود:: ابتعد عني انت مو طلكتني
وطن:: اني اسف نجود والله مااعرف شصار بيه من اجيت ومالكيتج
نجود:: اي بس حقك ماشفت ناطق شلون كسرني
وطن:: وانتي ممقصره يويل شاكه راس امو عجل شتريدينو يعمل
نجود::يعني انت عندك عادي انكتل من اخوتك
وطن:: لا اكيد مو عادي وحذرتهم كلهم الي يتقرب الج مره ثانيه احركو
نجود:: اخذني لحضنه وحجه بهمس
وطن:: اني احبج نجود انطيني فرصه ثانيه
نجود:: سكتت وهو اخذ شفتي دفعته و و جرها بسنونه اخذني لعالمه
كمت لفيت نفسي بالفرشه وهو اخذ ملابس وراح سبح واجه يبدل
باوعلي وحجه انتي اجمل شي بحياتي
نجود:: كمت اخذت ملابس ودخلت للحمام اسبح كملت وطلعت نشفت شعري وهو جاب المشط مشطلي
وطن:: اخوي بين الحياة والموت واني كاعد امشط لعيبتي
نجود:: ممم منو كالك تمشطلي روحله
وطن:: اروحلو بس انتي ديري بالج على روحج
نجود:: اني نعسانه اريد انام ومشاعل متقبل
وطن:: نامي معليج اني احاجيهم
نجود:: لبس سترته وطلع واني تمددت مرن الايام واليوم طلعت فراس
العالم ملتمه يمنه والخرافات والذبايح كومه وجابو طباخين
جابوه ودخلو للربعه
واحنه نفتر نعزب جاي مي خلصنه للضهر حيلي انهد راحو الناس الغربه ضلو بس الكرايب
جابوه للصاله جان منتهي ادينه ورجلينه مجبريهن وركبته مخليلها مال كسور وجهه مزروف وبطنه لافيها وكتفه مخلوع خطيه صاير خارطه
رحت سلمت عليه عيونه يلمعن
فراس:: الله يسلمج
نجود:: نجود كلت راح يموت بعد منو يجيبلي نبك وياخذني للجامعه
فراس:: العار ميموت لو الله راحمني وماخذني ليم عائلتي
نجود:: استغفر ربك شبيك ترا ازاعلك
ام ناطق:: شجرالج وخري عنوو تراه بعدو تعبان
نجود:: هزيت راسي وابتعدت كمت رحت للمطبخ غسلت وجهي وصعدت لغرفتي دخلت عزلتها وطلعت كتبي اقرا كملت ار سبوع ممداومه
لازم بأجر اروح

خلي اتصل على ميعاد اشوف شنو اخذنه
اتصل ومترد أكثر من خمس مرات ومجاوب
شمرت التليفون وكعدت اقرا لحد ما انفتح الباب ودخل وطن
وطن:: ها الله يساعدج
نجود:: ويساعدك الله
وطن ؛: ها شكاعد تقرين
نجود:: مااعرف والله بس اقرا المواضيع الوره الموضوع الاخذناه من جنت اداوم
بأجر لازم اداوم
وطن:: اي اني اوصلج ومن ارجع اروح ادورلج على سياره
نجود:: هزيت راسي وسكتت كملت قرايه وهو نايم على ضهره ومخلي ايده جوا راسه اني اباوع عليه وهو صاح
وطن ؛: شمضيعه بوجهي يويل الكتاب كدامج مو بوجهي
نجود:: انت مو تباوع فوك شدراك اني اباوعلك
وطن:: بكل مكان عندي عيون يويل كملي وتعالي نامي بحضني
كملت ورحت يمه صار الصبح وكالعادة بدلت وطلعت وطن وياي
وصلني وراح دخلت للقسم لكيت ميعاد كاعده تقرا رحت سلمت عليها جاوبتني برود
نجود:: شبيج
ميعاد:: مابيه شي
نجود:: ليش البارحه اتصل بيج متردين
ميعاد:: ماجنت بالبيت
نجود:: ليش هيج تحجين وياي شمسويتلج
ميعاد:: ما مسويه شي نجوود عوفيني
نجود:: ليش شكو ليش اعوفج؟
ميعاد: انه وأخوي صغرتينه كدام اليسوى والمايسوى واحنه وكفنالج وضلينه يمج وتعاركت وياهم واخر شي تعوفينه وتروحين وياهم هيج احنه ماعدنه قيمه يمج
نجود:: لا والله موهيج بس اذا اعوف وطن اموت والله حبيته أكثر من روحي
ميعاد:: بس هو طلكج
نجود:: رجعني والبارحه نمت بحضنه
ميعاد::راح يضيعج
نجود:: ليش هو اني لاكيه روحي لحتى اضيع
ميعاد:: اني اخاف عليج والله انتي اختي الي ماجابتها امي
نجود:: وانتي بمعزتها لاسماء
ميعاد:: اطلكي واخلي ميلاد ياخذج والله مااخليج تشتغلين حتى المواعين الي مااحبهن اني اغسلهن
نجود:: تقربت عليها وحضنتها حجيت انتي اجمل انسانه الله بعثها الي اخذ اسماء وخلاج بدربي
ميعاد:: وخري راح ابجي ويخرب المكياج
نجود:: امداج عوبه وجه البومه فوك ماامدحج كومي يله ريكيني
ميعاد:: رجلج اكبر مكتب بالموصل يملك وبساتين  الموصل نصهن اله وانتي جايه عليه عايشين على راتب ارامل
نجود ؛: هاج هاج كلنكس امسحي دموعج واني راح اخذج اجدي بيج باب الجامع
ميعاد::اي واني أصيح لله يامحسنين
نجود:: واعوجي حلكج واني افكس عينج حتى يكولون خطيه عوره وضاربها هوى الشرجي
ميعاد:: عزااا تخيلت نفسي كومي كومي اريكج شسوي امري لله
نجود:: كمنه واحنه نضحك طلعنه للكافتريا
طلبنه اكل كاعد ناكل ونحجي رفعت راسي صار كبالي عبدالله اخوي يحجي ويه الطلاب والطلاب اشرو عليه وكعت اللفه من ايدي
كمت رحت امشي وميعاد وراي تصيح
ميعاد::نجود شبيج يولي وين رايحه
وكفت كباله وهو بقى يباوعلي
نجود:: عبودي اجيت عالمودي انه اعرف انتو متعوفوني
عبدالله:: نجود بابا رايدج راح يروح يكول بس اشوفه قبل لا اموت كلشي مرايد
نجود:: شبيه بابا مو كالو صار زين
عبدالله:. اي وكف على رجلينه وكام يحجي بس هسه انتكست حالته ورايدج امشي وياي وارجعج ب٢
نجود: التفت على ميعاد
ميعاد::خابري وطن واحجيله
نجود:: اي اريد اطلع الفون حجه عبد الله
عبدالله:: لا نجود منلحك بالطريق خبري
نجود:: اي اي لميت اغراضي وطلعت اركض وياه وميعاد أصيح وراي
صعدنه بسياره وهو سايق طلعنه من المنطقه وصلنه لشارع العام جان يصعد عمي وابنه شاهين نزل عبد الله يمي وشاهين السايق عرفت روحي وكعت بفخ مامنه رجعه
طلعت التليفون اريد اخابر وطن
جرا مني عبدالله وشمره من الجامه
حجيت شرايدين مني
العم': هاك عبود اضربها
نجود:: طلع ابره وشمرها لعبود جنت بحاله مااعرف شسوي حتى مدافعت عن نفسي
ضربني بيدي خمس دقايق وبعدها مااعرف شصار

كان الخوف ينهش رُوحي في كل مره أُقرر بها أن أتجاوز كل شيء وأمضي
يتبع.....
لاتنسون التصويت أحبكم 🧡🥰