بخطواتي تعثرت

التاسع عشر ⭐

البارت التاسع عشر ⭐⭐
من رواية #بخطواتي_تعثرت
#بقلم_دينا_ال_سلمان⭐⭐⭐

اينَ ستذهب تلك الكلمات التي أعتدها لمواجهته !
ماذا عن الوجع الذي قاسيتهُ !
ماذا عن الوقت العصيب الذي مرّ !؟
ماذا عن تأنيبات الضمير المُتكررة التي لم ولن تهدأ !!
ماذا عن الدمع الحارق الذي كوى وجنتاي ، و قلبي المُتفحم من الندم !؟

#ياابتي
رسولنا قال موصياً "رفقاً بالقوارير" وحده يعلم أن تركيبنا الفسيولوجي رقيق فَ شبّهنا بقوارير ، و أنت كسرتني ياابتي...

نجود::,مستتتحيل اني ماازوج اطلعيي براااا
اسماء::بكيفج راح اخليهم هم يدخللولج يطلعونج
عافتني وراحت ركضت للباب قفلته
اخذت تليفوني وخابرت وطن
وطن ؛؛'ها نجود
نجود:: وطن انت موكلت مااخليهم يغصبونج وينه كلاممكك وينه تعال ليه عليك الله تعال بروح ابوك سويلي شي جاايبين المؤمن راح يعقدولي
وطن::عش  يول ملكوفه احجي بهداي وحق ربج ماافهمت شي
نجود::وطنننن لخااطر الله موكت تصنيف تعال راح يعقدولي
وطن:: سدي ونامي لتطلعين ابد وإذا سحلوج خبري للمؤمن انتي مغصوبه مراح يعقد وإذا انضربتي طراكين مراح تموتين
, نجود ؛: حقك اني منو وشنو بالنسبه الك حتى اطلب منك مساعده وانخااك

وطن:: يويل لا تخليني اجي اطرج نصين تفهمين شحجي هسه اذا اجي شكللهم
بله من رخصتكم انطووني نجود اريدها لو اكسر الباب وادخل اخطفج يويل هي مولعبه اصبري لباجر واجيب شيوخ واجي اخطبج

نجود:: ردتك عون طلعت فرعون اني ماازوج تعرف شنوو
وطن::يويل شايفه حالج انتي لاعبالج انه ميت بيج اخطبج لحد ماتخلصين جامعه وبراها اني افسخ وإذا متريدين بكيفج
نجود:: احجي وياه والباب اندك واندفر
سديت الخط مااعرف ماسديته شمرته وكمت حجيت من وره الباب
وروح امي ماازوج ولااوافق
صاح عمي ابو شاهين وعمي صابر
أبو شاهين::يولي افتحي الباب لا اكسره على راسج
نجود::رووح عمي روح منا والله مااوافق وإذا غصبتوني احرك روحي وافضحكم
صابر:: انتي الج خمس دقايق ووراها اخلي الولد يكسرون الباب ويكسرونج
نجود::عمو صابر روحو منا مااوافق ولاازوج لو ينزل الوحي رووحو منا بخيرهم ماخيروني وبشرهم عمو عليه
عاط بيه بكل صوته
صابر:: ولجج عررررمه منوو الشر ادبسزز وحق ربج اليوم موتج يصير على أيدي
شاهين غسااان تعالووو كسرو الباب وجيبوها ليه اليوم اشوفها الشر ع أصوله
نجود:: تقربوا وكامو يدفرون بالباب اباوع ع الباب عرفت هاي اخرتي كسرو الباب ودخلو ليكول وحوش لزمني غسان من شعري وطلعني واني اضرب بيه
وخر حقير وخررر عبووود احمد ساااعدوني عليكم الله اني اختكم بروحها لماما احمدددد
وهو مستمر يسحل بيه احس شعري انشلع شمرني يم رجلين عمامي واخواني احمد يبجي كل عمره ١٦
شيكدر يسووي وعبدالله واكف يفرك بدينه ومحمد وصالح يبجون
واسماء شايله رفل واكفه ماباوعتلي
وكعت كدام رجلينه صار وجهي يم رجلي دفرني ع وجهي شاغت روحي رجعت ليوره وعمي ابو شاهين لزمني من شعري وكفني وكام يضرب بيه بكل وحشيه جنزوني مااعرف منين تجيني الضربات اخر شي ضربني بوكس بنص وجهي وكعت وانضرب راسي بالميز وبعدها فقدت الوعي
كعدت ع شي بارد انكب عليه كمزت من حلات روحي ورجعت دخت وكعدت بالكاع وكورت نفسي حسيت بروحي حيوان بيد كصاب  وكاعد يتفننون بتعذيبه اجتني دفره بخاصرتي كمزت جان غسان وعمي صابر رايحين بس عمي ابو شاهين عمي الي يضرب بيه وشاهين شايل سطل بلاستيكي بيه ماي وكباه عليه
زحفت لحد ما وصلت لاسماء لزمت رجليها اتوسل بيها
نجود:: اسماء اني اختج احميني بروحها لماما اني اختج نجووود مو ادكولين انتي بنيتي وين كلاامج كوه احجي احس وجهي مشوه ولساني. ثكيل
رجعت ليوره باوعتلي ودموعها تنزل وترجع تمسحهن كعدت كبالي وحضنتني حيل
جلبت بيها ودموعي يجرن واشهك لمتني بحضنها وكومتني دخلتني للغرفه
ابوشاهين::وين رايحه بيها جيبها اذا متكول موافقه ع غسان تحلم ترتاح
اسماء:عوفها عمي اني اقنعها لتخاف
دخلتني للغرفه ونومتني بفراشي غطتني لميت روحي مثل الجنين ونمت جسمي يحركني وملابسي مببلله ارجف من البرد جابتلي ملابسي لبستهم وهي راحت واني رجعت نمت سمعت صوتها وهي تحجي
اسماء::رووح عمي منزوجها خلي تخلص جامعه وبعدها الله كريم
ابو شاهين::مو بكيفج سمعتي لو ولا
اسماء:: لا بكيفي وإذا ع حجي بابا اني كتلك بابا غلطان وماكو هيج شي
وره ماخطبها ومكطعو مهر هو دخل يعني وره وفاة ماما
أبو شاهين:: هههه والله عدجن امكانيه موهي كالت اعترفت بالسانها
اسماء:: حتى لو صحيح انت متحكمنه عمي رجاءآ لتخليني اتخارب وياكم واشتكي اختي ماازوجها
سمعت صوت الكف
اسماء:' منو انت وتضربني عممممي اعرررف حدودك مووحيووان اناا اسمااااء بنت عليي الي بعمري محد ضاربني موانت تجي تضربني
أبو شاهين:: هههههه لا صدك بس ابوج دماج قبل فتره الجن لحد بأجر انتي ونجود نعقد الجن وتنجبن فضحتنه
نجود::سمعته من طلع فتح الباب وهي كعدت تبجي
حجيت بداخلي صار ساعتين يكتبون بيه ماوخرتخم وضربها عمي كف تخبلت
غمضت عيوني ورحت بنووم كعدت ع صوت رفل تبجي فتحت عيوني لكيتها يمي كاعده وتبجي اخذتها بحضني وبستها وهي تأشر ع وجهي
رفل:: اوو بيج واوا
نجود:: حبيبي عادي مابيه شي لتخافين بستها وكمت اخذت ملابس ورحت للحمام فتحت مي حار ودخلت جوا احس روحي شااغت عبالك ملح وكاعدا اخلي ع جروحي وجهي يحركني وجسمي كله طلعت رحت لغرفتي اباوع ع وجهي شفتي مشكوكه وجهي كله كدمات وآثار اصابع وراسي مضروب وصاير عنجوره بيه باوعت من الشباك دنيا ليل رحت اخذت رفل بحضنتي ونومتها شوي ونامت خليتها يمي وغطيتها اريد امشط مااكدر راسي يوجعني شمرت المشط وكعدت اباوع ع سكف الغرفه باوعت شلت التليفون لكيت٥ مكالمات
من وطن وميعاد ٣مكالمات
خابرت وطن رد
وطن:: احتركو اهلج وينجج صار من الضهر اخابر لحد هسه
نجود::جنت نايمه
وطن؛؛احد ضربج شسوولج
نجود::لا جابولي هديه مرسيدس
وطن:: زين عجل حتى افرفرج بيها ع الكبر
نجود:: اي خوش
وطن::يولي لاتورين كلبي خما اذوج
نجود::لا كم دفره ع كفين ع بوكس ع ضربه بالميز وع مي بارد عادي اشياء بسيطة
وطن::منو منوووو منهم
نجود::عمي ابو شاهين وعمي صابر وغسان وشاهين حجيتها وشهكت
اسمه يصيح ويكفى ويفشر
وطن:: نجووود موكتلج قفلي النعال
نجود::قفلته وكسروا ودخلوو
وطن::هم هسه وين
نجود ؛:يمكن رجعو لبغداد
وطن :,يصير خير اذا ماخليتهم جنايز مااسمه حاتم
نجود:: تعرف اني ما احب اسم حاتم انت وطن بنضري موبس اسم
وطن::ول يابه يروحولج فدوه العشيره و وطن
نجود::سكت عرفت جفصت بالكلام اني وين وهالكلام وين حيري بكتلتج وبجسمج مو مال سوالف تعبانه
حجيت احمم
ترا مااقصد شي
وطن:: همم يويل اكو شي يوجعج
نجود::لا بس كل جسمي أحسه مكسر
وطن ::خلاص روحي نامي وباجر اني احلها لايضل بالج
نجود::صار تصبح على خير
وطن:: على مثله وخير
سديت الخط ورحت اخذ ڤاليوم ونمت
كعدت ب١٠حيل شكد نايمه عزاا
اذكرت اخذت اربع حبات ڤاليوم
كمت كوه غسلت ورحت للمطبخ سويت ريوك اخذت الصينيه ورحت لغرفتي اكلت وكمت بدلت وكعدت خابر وطن
وطن:: صح النوم