بخطواتي تعثرت

الواحد والاربعون

#البارت_الواحد_والاربعون
#من_رواية_بخطواتي_تعثرت ⭐⭐
#بقلم_دينا_ال_سلمان ⭐⭐

_ ‏لا أحد يبقى سعيداً على مدار الأيام، لا بد من الأيام المُتعبة، لا بُد من السقوط مراراً وتكراراً، ولولا كل ذلك لما ظهرت الإرادة البشرية في الاستمرار...
نجود::احنه ونحجي اندفر الباب ودخلو كومه زلم ملثمين ولابسين اسود بيبي كامت واحد ضربها بجعب السلاح وهي خربت
واني ضليت على كعدتي تقرب. واحد. وشالني من شعري صاح كوا..ويد وين بنتكم الزانيه....
نجود:؛ يم خوالي بالنجف هدددني انت لو رجال متمد ايدك على مره
حجه
رجال وغصبا عليج ادبسزز تفرفرن بكيفجن ومفرعات واختج المصون ختمتها تزني وتصور فيديوهات
نجود:؛ منين اجنك الصور والفيديوهات ومنو دلاك على بيتنا يا رجال مستقوي على حريم
دفعني لاكاع وصاح لواحد منهم اخذوها
حجه واحد منهم كال لا احنه مجايين ناخذ احد وهاي خاصتا البنت تعرف منو وراها خلها واطلع مابينا حيل
الثاني ضرب الميز برجله فلشه وكعد كبالي
احجي وينها اختج ولا وحق الحق اقتلج انتي وبيبيتج
هو ويحجي على الصوت طلعت رفل تبجي
من شافتهم وشافت بيبي بالكاع صرخت بأعلى صوتها
حجه حلو شنو رأيج نبدي بهاي الحلوه
نجود:: وحق الله اذا وصلتها واذيتها اله اندمك واطلعو منا كمت اريد اخذها يمي
رفع سلاحه بوجهي وعاط اكعدي بمكانج ادبسزز
نجود ؛: رجعت كعدت صاح واحد سيد دورت كل البيت مالكيت احد غير بس هنا
صاح الثاني
اخذ التليفون وفتشلياه
نجود ؛؛:: تليفوني بجيبي وإذا اخذو راح يشوف ن المكالمه اخر وحده اسماء
حجه وين تليفونج!!
نجود:: ماعندي اني مااستخدم تليفون
صاح فتشوها كمزت حجيت والله اذا لمستوني اشتكي عليكم يم قائدكم لا عبالكم مااعرف المن تنتمون انتو ( مااكدر اذكر اسم الجهه)
فتح عيونه وحجه وشنو يعني احنه عدنا إثبات انتو بنتكم اسماء علي زانيه واحنه لازم نأخذها
نجود:: وانتوووو شنو خافو الله اطلعو من بيتي كتلك بالنجف
:صوتج لاوحق الله الزمج هنا واكتلج واكلهم حسبالي اسماء
نجود:: سحب اقسام ووجها عليه غمضت عيوني واشاهدت
صاح بيه واحد يله انسحبوو البنت ماكو
::مااطلع اذا مااخذ تليفونها
نحود،:: اجو اثنين قيدوني وطلعو تليفوني من جيبي باوعلي بعيونه ورفع حاجب فتحه ودخل على المكالمات لكه اسمها وباوعلي
تتصلين بيها وتحجين وين انتي شنو كاعد اسوين كلمه وحده زياده اخلي المسدس ينام برأسج
نجود::لو تموت والله مااحجي لوكلمه
خوش هاي الحلوه تموت بمكانها خله المسدس براس رفل
حجه ها تحجين لو اضرب وها شنو من اقتحمنه البيت طلعت طلقه بالغلط وصوبت البنت مو
نجود::انطيني اخابر اتصلت عليها
اسماء:: ها يولي وين شمرتيني وانهزمتي
نجود:: عسريع حجيت ولج ابد لترجعين ال... كاعدين يدورون عليج انهزميي احجي بصوت عالي وعياط ومجلبه بتليفون وهي صيح عزا بعينج اسماء
جرا مني وضربني كف عطت ورجع ضربني بوكس على وجهي نومني بالكاع ودفرني بطني تقيأت دم رجع على رفل عاط بيه واحد منهم
هاي طفله عوفها واطلعووو من التليفون طلعو الموقع يله
رجع دفرني بطني حسيت معدتي تكطعت وخشمي مكسور تفل عليه واشرلهم يطلعون
رحت ازحف على بيبي لاصوت ولانفس تخبلت كمت كوه لازمه بطني وسانده روحي بالحايط جبت مي وكبيته على بيبي بس عبث ماكو طلعت اركض للشارع نسيت وجعي لازمه بطني ومخليه ايدي الثانيه على خشمي واركض وكفت بشارع وصحت ياعالم ياناس الحكوووو اباوع الناس كلها واكفه وتباوعلي بخوف اريد احد يساعدني من شافوني هيج كلها دخلت وسدت الباب حقهم يخافون كعدت بالشارع اشيل تراب واشمر على راسي ياناس بيبي راح تموت عليكم الله ساعدوني بس احد يشيلها وياي يخليها بسياره محد تدخل طلعت مرا تركض كومي خاله اني وياج نشيلها
دخلت كوه وهي وياي بيبي متروسه وصعبه شيلتها كوه شلناها وخليناها بسياره شغلت وصعدت رفل وياي قفلت البيت والمره راحت اسوق واني بطني موتتني وخشمي ينزف وجهي الهوى يأذيه أحسه ورم وصلت للمستشفى نزلت اركض صحت على سديه اجو يركضون نزلو بيبي اخذوها واني هنا خلص حيلي انهد حسيت الدنيا اضلمت وبعد مااعرف شصار كعدت لكيت روحي نايمه ومخلين مغذي بيدي كمت عسريع  وكفت وسحبت المغذي ودخلت الممرضه
الممرضه:: على كيفج ماما
نجود:: الدم ينكط من ايدي جرتها واني احجي وياها بيبي وين اختي رفل
الممرضه::اختج يم الممرضات لتخافين عليها نامت خطيه وبيبيتج ادعيلها دخلت بغيبوبة اذا ماصحت بهل اربع وعشرين ساعه معناها تنجلط  لوتموت
نجود::دموعي نزلن وحجيت بداخلي الله ياخذج اسماء شسويتي بينا
جريت ايدي وطلعت اخذت رفل وكعدت كدام باب الغرفه دموعي تجري وادعي ورفل تكرر وراي مرت ست ساعات واني ماتحركت رفل تبجي تريد اكل كومتها وطلعت للسياره اخذت فلوس ورحت اشتريتلها اكل وماي ورجعت كاعده تاكل واني دموعي تنزل دخلت الدكتور وياه ممرضات ساعه اله طلع
كمت كتله ها دكتور
الدكتور ؛:الحمد لله استفاقت ساعه ونخليها بغرفه خاصه من كال هيج اني كبل سجدت
عافني وراح
اخذت لفه من رفل واكلتها حتى يصير بيه حيل باوعت خشمي مخليله لزكه وجهي كله زراك بس وجع بطني مو طبيعي
مرت ساعه واجو نقلوها بغرفه ثانيه
دخلت يمها ولزمت ايدها بستها وبست راسها
تون خطيه لافين راسها واكو بقايا دم على وجها وركبتها ملابسها مغيريهن
جبت قطن وماي وكمت امسح بالدم فتحت عيونها
فضيله::ها يبيبي شصار
نجود::ارتاحي بيبي ماكو شي
فضيله:: اخخ يمه راسي
نجود ؛: كامت تون وتصرخ من راسها طلعت اركض على الدكتور
اجه وياي خلالها ابره بالمغذي وشوي ونامت
كاعده بالكاع ولازمه أيدها وراسي ساندته على السرير و رفل نايمه على رجلي مااعرف شلون نمت حسيت على بيبي تكعدني فتحت عيوني وكمت
ها بيبي شتحسين
فضيله:: زينه بس شكد صارلنه هينا
نجود:: كمت طلعت برا سأل واحد على الساعه جاوبني ب٧المغرب
رجعت كتلها اجه الدكتور شافها كال زينه تكدرون تطلعون
جابو كرسي وطلعنا لازمه رفل بيدي والممرضه تدفع بالكرسي  وصلتها للسياره سندتها وجع بطني وخشمي فضيع حتى وجهي
انداريت صعدت رفل  شغلت وطلعت وصلت للبيت نزلت ساندتها تلكاني احمد باوعلي وحجه احمد::: وين جنتن وشصار بالبيت وليش الجيران ياهو الاسأله
ميجاوب
نجود:: أسند بيبي وياي هسه دخلناها بالغرفه
غطيتها وكتلها راح اسويلج
عشا واجي
فضيله:: مااريد كلشي بس خليني انام
نجود::طلعت وأحمد وراي
احمد::شبيها بيبي
نجود ،::,وين بابا
احمد:: بالاستقبال احجي شكو
نجود::دخلو علينه ال...
يدورون على واحد هارب يكولون دخل للبيت مالكم
خفت احجيله على اسماء
احمد،؛وليش ضاربينجن
نجود:؛ والله مااعرف ليش خليني اسوي عشا لبيبي وبابا
احمد:: اسماء وين
نجود::غير بغرفتها!!
احمد:: خرب لتكفريني  مو وياجن
نجود::لا اني اخذت بيبي وحدي وهي بقت هنا
التفتلي وحجه
أحمد :::وليش اخذتي رفل وياج من اسماء هنا!؟
نجود:: هي جلبت تريد تروح واسماء كالت اخذيها
احمد:: ولج شتحجين خوالي وعمامي جايين بأجر ويريدوها شكلهم انهزمت!؟
نجود ؛: اناا شدخلني رووح دورها دفعته ودخلت المطبخ سويت عشا للولد وشوربه لبيبي وبابا نطيت صحن لاحمد كتله وكل بابا واني رحت كعدت يم بيبي اكلت شوي ورجعت نامت واني عيوني مامرهن النوم صارت الساعه ب١١ كمت على كيفي دخلت الاستقبال لكيت تليفون احمد وبابا على الشحن اخذن تليفون بابا ورجعت للغرفه فتحته واتصلت خمس مرات ومجاوب
دزيت رساله ولج اني نجود جاوبي بسرعه
شوي واتصلت
اسماء::شصار ولج
نجود::انتي شصار يمج
اسماء::حجيت كلشي للشيخ وتفهم وكال متطلعين لو على كص ركبتي ولج خايفه انتي شكو يمج
نجود:: اخذت بيبي للمستشفى واجو علينه ال... من خابرتج هم يمي وضربو بيبي وضربوني الله كون ياخذ يااسماء شسويتي بينه
اسماء::وهسه خاف يجون لهنا شلون بيه
نجود::شسوين تلزمين تليفونج تكسري هو والخط واني بأجر اجيبلج خاف يلكونج من موقع التليفون
واني بأجر اجي عليج الضهر
اسماء::اي ماشي راح اكسره بس ترا عرفو انتي
شمرتيني وانهزمتي واندلو العنوان مال بيتنا
نجود ؛: وعليش حجيتي
اسماء:: أني شعلي هم اخذو اسمي وراحو يدورون وجابو كلشي حتى انتي زوجتمن
نجود:: صخام بعينج ولج وطن كرابتهم
اسماء:: صدك تحجين غير ادكولين اني شدراني
نجود:: يله روحي كسري التليفون وباجر جايتج
اسماء:: ماشي
نجود:: سديت الخط ورحت رجعت التليفون
ورجعت نمت كعدت الصبح سويت ريوك وجاي كعدت بيبي نطيتها ريوكها ورحت كعدت الولد واني بدلت وطلعت  للجامعه
شغلت السياره ومشيت رحت خليت بانزين وصلت للجامعه خليت السياره بالكراج وطلعت من غير مكان طلبت تكسي ورحت ليم اسماء اخاف احد مرراقبني واني وجهي متفلش وازرك مو مال جامعه وصلت يمها خلاني ابو التكسي وراح دكيت الباب أكثر من مره وماكو جواب لحد ما تعبت وكعدت بالكاع
نص ساعه على هالكعده طلعو ولد اثنين لابسين دشاديش وشماغ لافينه على رأسهم وكلمن شايل سلاح بيده صفنو عليه واني كمت
حجيت بصوت السلام عليكم اني جايه لشيخ حمادي ال خماس واريده بحجايه
حجه واحد منهم
يوميه وحده لافيه علينه مامستره خشي خشي
نجود::دخلت. للبيت ماشاء الله الحديقه يمكن ٥٠٠متر فاتحه حلكي وراسي يفتر ويباوع صح بيت وطن وسيف هيج بيتهم بس هذا اذا اطبكهن الاثنين ميطلعن بكد الحديقه فارينها كلها نخل وسدر ورمان وبرتقال ورد جوري والكاع ثيل ومرجوحتين مخلين بيها وكراسي. وطاوله واكو قفص بيه طيور الوان
صاح بيه
يويل يمصكوعه راح تضربينا بعيونج صلي على النبي
نجود::اللهم صل على محمد وال محمد
وصلنه للمضيف دخلو كال
ابگي هينا تااخذ اذنو .
نجود::هزيت راسي
عافني ودخل شوي وطلع
الشيخ يخبرج انو تخشين يم الحريم تاتفض الناس اليمو وهو يخبر احد ويواجهج بيتو تا عيبه الحريم تخش بالمضايف.
نجود:: هه اذا شيخك ماعند حشيمه للحرمه الي متعنيتلو وجايه من اخر الدنيا لحتى اتكابلو مو شيخ هذا راعي مااسرحو بحلالي
(,مااعرف شلون حجيت هيج خبطت خبط )
حجه
عيب ياحرمه خشي داخل وانه اندهلو
نجود:: واني ماعندي وقت تعرف شنو شيخك اذا ماطلع راح تصير ذبايح دفعته ودخلت
اني جنت مخليه شال على راسي
دخلت والكل وكف شمرت الشال من راسي والكل صاح استري يأمره
نجود::اني جايه عليك وعلى الله ياشيخ كولي تم. البس شالي
الشيخ :: مكضيه بحيا الله واهل بيتو
نجود::تقرب ونزع عباته وخلاها على راسي
إلزلم كلهم طلعوا حجه
الشيخ:: خيرج يبه تحجي
نجود::اختي يمك اسماء واهلي لو لزموها يذبحوها اترجاك ياشيخ احميها زوجها لااي واحد منكم بس كون محد يدنالها
الشيخ:: وانا شلون اجوزها خماني ولي أمرها
نجود:: اسماء عمرها ٢٧ومطلكه موبنت بيت يعني هي المسؤوله على نفسها
حمادي:: مكدر يابنتي هاي وراها عشائر وفصول وأنه مافد يوم طلعت من مضيفي العيبه اخلها يمي لحد ماينطوني اهيلتج الامان وذاك الوگت أنه ارجعها
نجود ،؛؛: وأن رجعتها يكتلوها عمامي وإذا موعمامي خوالي وإذا موخوالي ال ..
شوف وجهي البارحه رادو يموتونا اني وبيبي وإذا لزموها ياشيخ يموتوها
حمادي::يصير خير يبه خشي تطمني عليها
ويصير خير لكن جواز يابنتي مكدر
طلعت من يمه واخذني واحد دلاني دخلت وهو صاح خاله ياخاله
طلعت مرا بالاربعين حجت عونك يغانم
غانم :الشيخ خبرني تاشوف اخيتها
حجت:: خير إنشاء الله ادلف وانا اخذها
دخلت وهي تباوعلي وجهي ازرك وحالتي حاله
دخلت لغرفه لكيت أسماء وبنات ثلاثه يمها سلمت وصاحت بيهن الخاله عونجن يبنياتي تعالن نزهب الزاد
طلعن واني كعدت
اسماء ؛: هاي شبيه وجهج
نجود:: عوفج من وجهي جلبي بشيخ ديري بالج تطلعين سمعتي وهاج هاي فلوس ماكدرت
اجيب تليفون وصي احد يجيبلج وممنوع تطلعين خوالي وعمامي بطريق جايين ترا اذا لزموج يذبحونج ابد لاتطلعين
اسماء:: عزا بعيني ولج شلون بيه فهميني
انوب شكد مستحيه من الناس
نجود:: صيري قويه واني بضهرج مااعوفج
بس كليلي شلونهم وياج
اسماء:: زينين كلهم والله
نجود:: الشيخ حمادي هذا الشايب الي بالمضيف موو
اسماء :: لا هذا الجبير الي يطلع عمره ب٧٠هذا جدهم هو حجه وياي وحمادي حفيده وهاي الجابتج عمته مامزوجه وهذن اخوات حمادي حمادي يطلع بكد وطن بس هو ايد جده
نجود:: مااعرف المهم ديري بالج على نفسج وهذا رقم بابا راح اخذه يمي من العشره وفوك رمشي ترميشتين وحده ورا وحده واني اعرفج ومن راح اطلع منا اشتري تليفون الي
اسماء:: ماشي يصير خير
نجود:: يله اني اترخص
عفتها
 
عفتها وطلعت وصلت للمطبخ صاحت المره
وين يابنيتي وكت الغدا ميصير تطللعين
نجود:: شكرا خاله والله مستعجله انشاء الله غير مرا
اني احجي وياها دخل ولد يطلع عمرا ٣٨
ابيض وجها وعيونه سود كبار ولحيه وشوارب محلياته صافنه اباوعله وهو صفك ايد باايد
وصاح دخيلك ياعلي باجعفر الطيار طيرنا
الخاله:: ها يحمادي شجرالك
حمادي:: ياعمتي هاي اشنو بيها مين هيج جاتلها
نجود:: عرفته هو هذا حمادي حجيت
اني بختك ياشيخ رايده منك مساعده
حمادي:: مكضيه بحيل الله تحجي ومايكون خاطرج اله طيب
نجود:: اني اختها الاسماء والله هي مضلومه واهلي متحلفين يذبحوها اترجاك ياشيخ احميها أو زوجها حتى لو لفلاح بس كون تبقى باأمان ومحد يدنالها
حمادي:: والله ياخيه ماهو بيدي الجواز مهو الحل وأن جوزتها راح يفصلونا واحتمال يكاومونا بس خلها بحمايتي لحد ما اهيلتج ينطوني الامان واردها
نجود ؛: ههه اجيت متعنيا الك وقاصدتك وتاليها تطلع بس حجي صحت بعالي صوتي
اسماااااء يا اسماء يله امشي نطلع الشيخ الي مايحمي دخيلته هذا موشيخ
حمادي:: احترمي روحج يأمره وتحجي عدل انه شيخ حمادي الكل يحلف براسي
نجود:: وأن جنت هيج استر اختي مطالبه منك غير هالطلب واختي مهي قاصر عمرها ٢٧سنه وهي المسؤوله عن نفسها
حمادي:: وانا گبلت و من الحين راح أعقد عليها ...
‫اشتَهي أنْ ترجعُ بِي السنين لاجلِس على أرجُوحهّ ولا أفهَم مَا يدوُر حَولي...
يتبع..