بخطواتي تعثرت

الواحد والثلاثون

#البارت_الواحد_والثلاثون
#رواية_بخطواتي_تعثرت ⭐⭐
#بقلم_دينا_ال_سلمان ⭐⭐
جا شيصير من تنام عيني
وتنفتح والكاك كلك جاي
ومخلي وراك العيب ...
وجا شيصير من أكبر بحضنك
واصغر على الشيب
#ل_احمد_الصالحي...
الدكتورة: ها بنيتي شلون صرتي
نجود:: زينه بس دايخه
الدكتوره:: بنيتي انتي حامل ..
نجود:: لا دكتوره شلون حامل فدوه شوفي خاف اكو غلط
ميعاد:: كولي ياالله نجود هذا عوضج انتي راح تربينه وتكبرينه
نجود:: لا ميعاد هذا الي بطني راح يرجعني الف سنه اني بعد ماارجعله مااريد ارجع لذاك الظلم مااريد ارجع فدوه دكتوره عيدي التحليل يجوز اكو غلط
الدكتوره: كولي ياالله ماما حرام هيج تحجين هذا روح داخلج
نجود: ولج يايمه وين اروح يارب دخيلك تعبت والله
تقربت ميعاد وخلت راسي بحضنها وتمسحلي
ميعاد: ليش ترجعين نجود افتحي بيت وجيبي ابوج وأبد لتحجين لوطن وكملي دراستج وربي ابنج هذا عوضج الله عوضج بيه
نجود::, اي افتح بيت واجيب بابا واخواني واربي ابني واعيش باقي عمري الهم
ميعاد:: اي بس لازم تصيرين قويه واخوانج انسيهم نجود ماوراهم غير الهم والمصايب
نجود:: بس اني مشتاقتلهم
ميعاد:: وهم زرعو بيهم كره الج ومراح يحبونج انسيهم كلهم اذا تريدين تعيشين
نجود:: هزيت راسي وحجيت مابيه شي اريد اطلع
ميعاد:: هو ليل ابقي الصبح نطلع
نجود:: لا اريد اطلع حتى بأجر ادور بيت مناسب وقريب عليكم
ميعاد:: افا واحنه وين رايحين
نجود: مهما يكون مااكدر ابقى يمكم وبابا همات لازم احد يساعده
ميلاد: تعالي يمنه واكعدي بالمشتمل الي وره البيت بالحديقة الخلفيه
نجود: مشكور خويه بس مااريد اثكل على أحد
ميلاد,:: يويلي ترا مقفول مابيه أحد ومأثث كامل حرامات ماكله التراب ولتخافين اخذ منج ايجار
نجود ،:اي اذا هيج متفقين
ميلاد, : وابوج اني اساعدج بيه وحتى امي هم من ترحين للجامعه هي يمه
نجود:: شكرا الكم مااعرف شلون اجازيكم
ميلاد:: يمعودا شيوينا قابل بس اذا بنيه بطنجة الي
نجود:: هههه حيل خما انطيها لشايب
ميلاد:: حتى لو مو الي لابني
نجود::, ماانطيها لواحد اصغر منها
ميلاد: شلون راح نطلع عاد وانتي مكابله ميعاد ونوب هسه بعد مراح تتفاركن راح تنام على كلبج
ميعاد:: ي عاد انت شلونك شايب ولحد الان محد تقبل تأخذك
ميلاد: غير انتظرج تتزوجين اذا اجيب زوجتي يمج تحركينها لو تموتيها واني اخاف عليها منج
ميعاد ؛:, لا والله نصير صديقات بشرط تغسل المواعين
ميلاد:: واني ماازوج من وراج وحتى من نزوج اجيب مواعين استعمال واحد حتى مااتعبها
ميعاد:: ها شوف يعني اني مواختك ليش مخلي امي تكرب براسي صدك لوكالو الاخ اخو مرته
نجود:: كام تقرب وضربها على رأسها
ميعاد:: اي اي اضرب لأن يتيمه وماعندي ابو مرتك تريدها ترتاح واني اطك بيه
ميلاد:: افا والله اني ابوج واخوج وحتى اصيرلج ام والله انتي اغلى انسان على كلبي
نجود:: جرها وحضنها ويبوس براسها
وهي تضرب بيه
دموعي نزلن الله يحفظهم حجيت بداخلي
ميلاد:: نجوود وانتي صرتي من غلاتها والله ماعندي فرق بينج انت الاثنين خواتي
نجود:: ربي يحفظك
ميلاد::, شتريدين اجيبلجن تاكلن بس على كيفجن ترا ماعندي مصرف
ميعاد:: اممم نريد
ميلاد:: على كيفج ماعندي ترا
ميعاد: واني شحجيت اسم الله
ميلاد:: يله كولي شرايدين
ميعاد:: والله اني ميته جوع
بس نسأل نجود
نجود:: بكيفكم اني موجوعانه اريد انام
ميعاد:: هو شنو غير بنتج ميعاد جوعانه خطيه
نجود:: مني ميعاد هاي
ميعاد:: ها بسرعه بعتيني موكلتي اسميها ميعاد اذا طلعت بنت
حجه ميلاد
ميلاد::وإذا ولد ميلاد
نجود::لابربكم عووع مقتنعين بساميكم!
ميلاد:: شوفي من راح يجيبلجن اكل لعد
ميعاد,: اني شكو بس لنجود لجيب كوم حباب جيبلي شاورما
ميلاد:: هاي لخاطر ميلاد الصغير راح اكوم
نجود::هزيت راسي وهو طلع ميعاد يولي عطشانه
ميعاد:: هاج اشربي
نجود:: شربت مي
ميعاد:: بأجر الصبح اني وماما نضف البيت مالكم وانتي وميلاد روحو جيبو ابوج
نجود:: لا بأجر عدنا امتحان نروح نمتحن ونطلع نضف البيت اني وياج ونروح نجيب بابا
ميعاد:: لا نجود مااخليج تشتغلين لحتى اجيبين ميعاد الصغيره وراها المواعين كلها عليج
نجود:: ميعاد كومي اطلعي برا كومي
ميعاد:: ليش هيج ها اواني حملت جان سميته نجود
نجود::. حملت ؟! صايع وياج الحجي كومي للأهلي ميلاد يموتج ويشمرج من اخر طابق
ميعاد ،:: والله من ازوج مااسمي بنتي على اسمج
نجود: اني مااخليج اسميها خاف يطلع حضها مثل حضي
تقربت عليه وباستني
ميعاد:: نجود كولي ياالله حبيبي
دخل ميلاد جايب اكل نطاهن لميعاد
ميلاد:: هاجن اكلن اني رايح اشرب جاي
ميعاد: تعال تعشا
ميلاد: تعشيت اكلو انتو
نجود:: عدلتني ميعاد وانطتني لفه واكفه فوك راسي شرب بيه عصير وره كل لكمه حمدت ربي الف مره على هيج صديقه
خلصت وهي كعدت تاكل اني نمت حسيت على ميعاد تكعد بيه فتحت عيوني
ميعاد::/صباحو عسل
نجود::صباح العافيه بيش الساعه
ميعاد:ب٦ كومي اله نلحك نروح للبيت نبدل ونروح للجامعه وإذا تحسن روحج تعبانه اني اخلي ميلاد يروح وياي ياخذلج اجازه حتى يمتحنج الاستاذ غير يوم
نجود::, لا انتي روحي واني بهاي الماده زينه اني احجي ويه الاستاذ هو يمتحني
ميعاد::يله كومي لعد خلي نطلع اني هم لازم ابدل
نجود::يله سندتني وكمت يولي مابيه شي اني امشي
ميعاد::امشي وانجبي
نجود: طلعنه من المستشفى امينه ميلاد بالسيارة ومبين نايم بيها
صعدنا صبحت عليه ومشينا وصلنه ونزل راح لغرفته يكمل نومته
تلكتنه ام ميعاد
ام ميعاد/: هلا يمه بالي يمكم ضل شلون صرتي حبيبتي
نجود:: الحمد لله خاله زينه
ميعاد::ماما اني لازم اروح للدوام عندي امتحان
نجود:اني هم اروح مابيه شي حسيت روحي زينه
ميعاد: خاف متكدرين
نجود:: لا اني قاريه حرامات يروح عليه امتحان
ميعاد::يله تعالي بدلي
نجود: ها ماجيت ملابس ابقى بهل لبس
ميعاد ،: كووومي أخذي مني اني وياج نتلابس
نجود::لا مابيهن شي ملابسي عود من ارجع اشتري
ميعاد::كومي عندي ملابس بعدهم مملبوسات اذا نفسج متتقبل تلبسين مني
نجود: لا والله موهيج امداج بس زحمه اخجذ ملابسج
ميعاد ،: راح ازعليني يعني اكو بين الاخوات زحمه وتكلفه
نجود::كمت