بخطواتي تعثرت

الثلاثون

#بارت_الثلاثون⭐⭐
من#رواية_بخطواتي_تعثرت ⭐⭐
#بقلم_دينا_ال_سلمان
إجرحْ فدَيْتك لا آه ٌ ولا ألَمُ
واقدَحْ  زنادَك لا شكوى ولا ندمُ
أنا أمامك تحت السيف ِ مُتّكِئ ٌ
فإنْ طعنت َ فإني سوف أبتسم
لكنْ أخافُ عليك الجرحَ في كبدي
فأنت  فيه مقيم ٌ: مُهجة  ٌ ودمُ
شيطانُ ظنك أورى النارَ في جسدي
فزارني الهَم ُّ لمّا زارك السقمُ
ذكرت ِ قولا على قهر ٍ فزلزلني
فلا  ملامةَ  إنْ هاجت ِ  بي َالحِمَمُ
لامست  ِ فيَّ مَقامَ العشق  ِفانطلقت ْ
زوابعُ القهر  ِ-لا عهد ٌ ولا ذِمَمُ
ظلمتُ نفسي َ لمّا جئتُ منتقماً
فأنت  ِ مني- ومني رحت ُ أنتقمُ
فاتحه
فتحت عيوني بصدمه منو ماتت انوب ياربي ما اتحمل فراك احد بعد
وطن:: هاي هيام ماتت
نجود:: شلون وشوكت
وطن:: ورا مارحتي بيومين
نجود:: شلون ماتت خطيه وجهالهه
وطن:: ادخلي وبعدين تعرفين
نجود ':دخلني ورجع البيت متروس نسوان وعياطهن ولطمهن يقشعر البدن
تلكتني مشاعل دموعها يجرن وتكرب وياهن وجها اصفر حضنتني وتبجي واني اريدها من الله مخنوكه واريد بس اطلع الي بكلبي
نجود::' يبووووو يبوووو كعدت بالكاع وكمت الطم وابجي من كل كلبي حتى شعري كطعته مجلبه بيه مشاعل واني الطم واضرب بوجهي لحد ما حسيته انفخ حضنتني وكالت اسكتي الله يرحمها
نجود:: راح اخيي ولج مشاعل راح عبود ابو ضحكة الحلوه
مشاعل:: الله يرحمه كومي خيه ارتاحي
نجود::صوتي رايح وكوه احجي تلكتني عمتي ام ناطق
ام ناطق:: لا هلا ولا مرحبا من اجيتي لليوم ماشفتو للخير كسحتي بكصتج الفكر
نجود: مابيه حيل حتى اوكف على رجليه مو ارد كمت كوه ودخلت لغرفة مشاعل
لكيت بيها كم مره هي وجهالها
نزلت فراش وبطانيه ونمت لفيت روحي لف وادموعي مابطلن لحد مانمت والشهكه بكلبي
حسيت على أحد يمسح بشعري فتحت عيوني بتعب حتى جفنهن يوجعني
وطن كاعد يمي ومدنك يم راسي
وطن:: خوفتيني عليج عش هيج تأذين نفسج واخوج
نجود:: ادموعي ينزلن وهو يمسح بيهن
حجيت بصوت مطبك كوه يطلع
اخوي هذا الي ماشبعت منه من صار شاب اخذه بابا وشمره على خوالي ومن اجه رجع زوجني ومن شفته صاير شاب يخبل مات كلشي مافهمت من عائلتي من ماتت ماما لحد اليوم اني أمر بحاله يرثى لها.
امي بابا وهسه اخوي يارب تعبت ارحمني....
وطن ؛ كولي ياالله حبيبي كومي اصعدي لغرفتج زحمه من ناطق دخل ولكاج وطلع
نجود:: اي كمت كوه صار ايام مماكله شي واحس الدوخه موتتنني اني كمت دخت ورجعت كعدت
سندني وطن
وطن::عش هيج تعملين بحالج كومي يبه اكلي شي كومي وياي
نجود:: كومني وشاف حالتي هيج شالني
وصعدني لغرفتي وطلع
وره شويه اجه وبيده صينيه
كوه اكلت كم لكمه وشربت لبن
كمت كوه غسلت ورجعت دخلت بفراشي وهو هم اجه يمي خلاني بحضنه ويمسح براسي لحد ما نمت
كعدت الصبح لكيت وطن كاعد يباوع بوجهي
نجود:: شبيك
وطن:: مابيه شي بس وحق ربج كل ضربه بيج ارجعها أضعاف
نجود:: اني استاهل لو ما رايحه جان حتى عبود مامات
وطن:: استغفر الله
قال تعالى
أَيْنَما تكُونُوا يُدرككُّمُ الموتُ ولو كنتُم فِي بروجٍ مشيدةٍ
نجود:: صدق الله العظيم
وطن::كومي انزلي زحمه من العالم الساعه ١٠
نجود:: حيل كل هالوقت نايمه وانت ليش مانزلت
وطن:: خفت عليج خابرت خالد وكتله
نجود:كمت عدلت ملابسي غسلت وجهي ورجعت بدلت بدشداشه سوده وعدلت شعري وطلعت
البيت متروس لأن اخر يوم والعالم كلها جايه
نزلت وباوعلي ويحجن ويباوعن وراي التفت وطن مدنك يعدل بردن قميصه لابس قميص اسود وبنطلون اسود وشعره مخربط ونازل على عيونه ولحيته عاليه
قريت المعوذات وكفت بمكاني وانداريت
رفع رأسه وباوعلي
نجود:: حجيت بهمس اذا دخلت للبيت احركك وحق الله
وطن ؛: ها يول شجرالج
نجود:: شوفهن راح ياكلنك
وطن:: واني مابعيني غيرج
نجود::خربط شعري ونزل
نزلت ورا سلمت ناس ردت وناس ماردت دخلت لكيت مشاعل مخبوطه بالجاي وملابسها مطكعه من ورا
مشاعل ثوبج مطكع
مشاعل::صدك يا ليش محد حجت
نجود:: روحي بدلي أنه اكف على الجاي
مشاعل:: دقايق واجي
نجود:: راحت واني صبيت جاي وطلعت صمونه اكلت شوي واجه أبالي عبود هو ويضحك لو من جنه نروح للمدرسه هو اصغر مني بس مسوي روحه اكبر ويحميني واذا احد باوعلي يروح يتعارك وياه
دمعتي نزلت دخلت عزيزه وصاحت
عزيزه :: وينو الجاي عش جاعده مسويه حالج حزنانه وانتن كيفتن
نجود:: هذاك الجاي وصبي للعالم بيت اهلج هذا ومصابكم
عزيزه::اي طلعي سمج عش مسويه روحج متكدره وانتي مكيفه
نجود:: اذا انتي هذا الي يدور بخاطرج وكاعده اطبقيه اني مومثلج اني مااكدر أمثل أخذي جايج وانكلعي لتخليني افضحج كدام العالم
عزيزه:: هين يجي اخيي لو مايجي وانه اخليه يفصمو لراسج الاعوج
نجود:: مثل راسج ليكول راس حيه
عفتها وطلعت رحت على مشاعل
كاعده ولازمه ملابسها وغرفتها متروسه نسوان تنتظرهن يطلعن حتى تبدل
حجيت
من رخصتجن حبيباتي اطلعن اكعدن بالصاله ناطق دزاني يريد يرتاح متخربط وراح يجيبونه
حجت وحده يا خطيه الله يساعد فارك هيام وهي حب عمرو يله يبنوات نطلع
طلعن واني باوعت لمشاعل
انتي لشوكت راح تبقين بهل فهاوه ماخوذ حقج وتبتسمين صيري قويه محد يستاهل اتنازل واسكت كومي بدلي وتعالي كولي شبيج انتي موحامل شلون مطكعه ملابسج
كامت بدلت واجت
مشاعل::انتي خسرتي اخوج وانه ابني
نجود::شلون راح
مشاعل::هيام الله يرحمها ضربتني بخاصرتي والدكتوره كالت ميت سوولي كرداش
نجود ؛: شوكت هالحجي
مشاعل:: مصار هواي قبل لتموت
نجود:: يعني قبل اربع ايام لو ثلاثه هزت راسها
مشاعل::اي
نجود:لعد ليش ماتت
مشاعل ؛: طلكها بثلاث لأن من وراها مات الجاهل وهي راحت تركض على الصوبه خلت نفط على راسها وحركت روحها ومالحكنه عليها بسرعه احتركت طفوها بماي ومن راحو اخذوها كالو حامل ومتسمم دمها وماتت
نجود::الله يرحمها وانتي انطمري اذا كمتي من مكانج احركج والحكج بيها
مشاعل::لا شلون من. يعزب العالم
نجود:: الف وحده اكو وانتي بعدج نفسه ترا هم تعتبرين نفسه وحرام عليج رحمج تعبان لازم ترتاحين يله نامي بس اشوفج بالمطبخ لو برا اموتج والله
مشاعل:: اي اني محتاجه انام بس عمتي متقبل
نجود:: ماعليج انتي نامي واسكتي
هي نامت واني اخذت تليفونها اكلب بيه دخلت للواتساب