بخطواتي تعثرت

الثالث عشر

البارت الثالث عشر
من رواية بخطواتي تعثرت ⭐⭐
بقلم دينا ال سلمان ⭐⭐
هلي وموش بهله الينكاد خسران
هلي اكثر من زعلكم كلبي تعبان
شربت الشوف زحمة بنظره الناس
وشربت اليل كله  بظيجة الكاس
هلي ول ماله اهل معنده عنوان
شمرتوني بعمر  بي بييستحي  الشيب
وتخليتو بوكت مايعرف العيب
هلي وكون الكه روحي هواي وهمان
امس ناغيتكم غافي بوكتها
هلي هواي الحمل وشوي المتون
وركض بيه لوكت بجفوف سكران

انفتح الباب ودخل سيف الدين حجه منو هذااا التحجين وياه !!

نجود ::باوعت عليه وحجيت ماشي سومه بعدين نكمل سلميلي ع بيبي
سديت الخط وكمت الملم بالغرفه دخل كال
سيف؛::حضريلي ملابسي اريد اروح احتمال اسبوع اله ارجع
نجود:: وين تروح
سيف:: للشغل خما اضل كاعد يمج
نجود:: خلروح سم اهلي لما ترجع
سيف:: لا اني سبوع هينا وسبوع بالشغل خما كلما اروح انتي ترحين لهلج!؟
نجود ': لا بس هالسبوع حباب
سيف:: كلت لا هذن موياج شو محد تروح من اروحن!
نجود:: مو اني مريضه
سيف:من اجي اوديج نشيل الجبيره هو كال عشر ايام وتعالو
نجود:: هزيت راسي وبرطمت وكعدت
سيف ؛' شبيج كومي حضريلي ملابسي لو اروح ع ركيه(رقيه)
نجود:: كمت بملل حضرتله جنطه ملابس رفعت راسي
اكول اني منو يسوكلي من تروح!
سيف:: بأجر اروح اني وهسه نروح اني وياج للسوك الي تريدينه أخذي مال سبوع
نجود:: كملت بدلت وطلعت وهو وياي
حسنه ': خير وين
سيف:: اريد اروح اجيب علاج الها
حسنه:: وهي شكو ماخذها
سيف:: جده لعد اني شمعرفني بعلاجها
يله نجود
نجود:: تقربت ولزمت ايده عناد بيهم
وهو وكف باوعلي بستغراب
طلعنه صعدت بسياره يشغل متشتغل
خرب شجاها
نجود:: خاف الباتري مالتها هابط
حجيتها بعفويه.
باوعلي وحجه
سيف:: ماشاء الله فيتر حضرتج
نجود::موصججك اني شعلي
طلع تليفون وخابر
ها حاتم تكدر تجيني
::
اهوو يمعود السياره مدري شبلاها
::
يعني شكد وتوصل
::
يله تمام انتظرك
نجود:: منو هذا
سيف:: صاحبي هو ياخذنه
نجود:: تمام ربع ساعة واجت سياره عاليه نزل
حجه وياه واشرلي
انزلي
نزلت صعدت بسياره
جنت مدنكه بس مااعرف شنو صار بيه من سمعت صوته هذا وطن والله وطن
رفعت راسي فاتحه عيوني بصدمه باوعت جان هو وطن معناها اسمه حاتم
صعد سيف وكامو يحجون واني مانزلت عيوني جنت اباوع عليه
وهو ابد ما رفع رأسه وباوعلي
جانت ايده الي بيها الساعه والعطر كل التفاصيل منتبها عليها حتى من يفر الاستيرن ومن يبدل النمره
هزيت راسي برفض معقوله ليش هيج سيف سوى معقوله لعبه منه
وصلنه السوبر ماركت نزلت وهو نزل لزم ايدي وحجه شنو رايده اخذي اخذت سله ورحت ادفع بيها والله مااعرف شنو خليت بيها وشنو اخذت جنت امشي بس أحس بخوف تملكني
باوعت ايدي ترجف مسحت وجهي بقلة حيلة
شنو اسوي يارب اذا عفته ورجعت لهلي راح يأذي اخواني واذا بقيت راح اموت من الخوف
باوعت كملت احتياجات رحت للفواكهه والمخضر هم اخذت ورجعت اخذت لوزيره هم كلشي اخذت الها خطيه
كملت دفع وطلعنه لكينه وطن واكف مجتف ادينه
تقربنه وهو اندار فتح الباب وصعد واحنه هم