بخطواتي تعثرت

الثاني والعشرون

بارت ثاني والعشرون (٢٢)⭐⭐
من رواية #بخطواتي_تعثرت⭐⭐⭐
بقلم #دينا_ال_سلمان⭐⭐
من بانت نوايا غروب
طيتك فرصه،صرت هلال..
بس كلبك هوه الثامه!!
( وفطر الجام بيده البقه من ايامه)
و واهسنه مثل شايب جزه العمرين
وبعد ماله نفس يركض وره احلامه

نجود::صوت طلقه قويه وقريبه كبل رجلي راحت بالهوى وبعد مااعرف شصار...
كعدت ع شي بارد بوجهي
لكيت مشاعل مخليتني بحضنها وتغسل بوجهي وطن راكع يمي يمسح بوجهي فتحت عيوني واذكرت الطلقه كمزت حسيت وجع بيدي بس اني من وكعت من الدرج من النص يعني مسافه قريبه جان ناطق كاعد لازم راسه وأمه كاعده صافنه والبنات يبجن بس شنو السالفة مااعرف
حجيت شنو هاي الطلقه وطن شصار
وطن:: ماكو شي كومي مشاعل وديها للغرفه
نجود:اخذتني مشاعل للغرفه لزمت ايدها
احجيلي شكو حبابه
مشاعل:: ماكو شي لتخافين
نجود:: احجيلي عليج الله
مشاعل ::ناطق لاكي دلال تحجي ويه ابن عمي
نجود::وإذا حجت شنو يعني
مشاعل::لا لاكيهم كاعدين وره البيت بوضع موحلو
نجود::وهسه وينها قتلوها
مشاعل::لا يمعوده ناطق يصيح بفراس يريد يكتلها بس اجه وطن بااخر لحضه رفع المسدس اخذوهم عمي وفراس وخالد يربوهم
نجود::خوب يزوجون ويفضوها
مشاعل::مجوز اختها ميصير
نجود::عزاا صدك عود
مشاعل::خيه ماشفتي شي بعدج بالبدايه اوو لوتعيشين شهر يشب راسج
نجود::وهسه شراح يسوون الهم
مشاعل ::يتوبونهم خيه هي جاهله بس هو ناقص غيره
نجود:: وطن وينه
مشاعل::راح يمنعهم خاف يكتلونهم
نجود ؛: زين اختها وين هي هم عدها جهال
مشاعل ::اي عدها اسمها عزيزه عدها اربع ولد وبنتين ام حسن
نجود::خطيه عزا الله يساعدها
مشاعل:: لتخافين عليهن يغركنج وهنه يطلعن
نجود::انتي جهالج وين
مشاعل ::الولد نايمين بالاستقبال وبنيتي يمي نايمه
نجود ،:: اني اخاف شلون ابقى هنا وحدي
مشاعل:: لتخافين هساع يجي وطن يله أخذي راحتج حبيبتي
نجود ؛: راحت واني تمددت خايفه عزا موبيت ضيم نايمه فتح الباب ودخل
وطن::نجود نمتي
نجود::لا كاعده
وطن:: تعالي فركيلي راسي راح ينفجر
نجود::اي كمت افركله وهو مغمض عيونه خطيه راسه ينبض من الوجع
حسيته نام اني هم مددت يمه ونمت كعدت لكيت نفسي جوا مخليه وجهي بضهره عدلت ملابسي وطلعت لكيت مشاعل ونديمه وعنود يسون ريوك عنود مبدله اكلت عسريع وطلعت
اني هم سويت ريوك لوطن اخذت الصينيه ورحت بعدني ماصعدت الدرج
ام ناطق::خيرج وين موليه بالزاد
نجود؛؛, اريد اودي لوطن مريض منام الليل
تم ناطق ؛: ماعدنه احد ياكل بحجرته لو مو مريض ردي الزاد ويله ايدج ويه البنوات
نجود:: مارديت عليها اخذت الصينيه ورحت لغرفتي فتحت الباب ونزلت الصينيه ورحت كعدته وطن وطننا كووم
فتح عيونه وكعد
وطن:: ها يبه
نجود::كوم سويتلك ريوك
وطن::ليش زحمتي نفسج هناك اكل
نجود:: لا كوم نتريك هنا ونروح نجيب ملازم موكتلي البارحه
وطن:: ننجود مااكدر اليوم خليها للعصر لو لباجر
نجود::  لعد انطيني اخابر احمد يجيبلي اغراضي
وطن:: اهوووو من الصبح تزنين نكد لخاطر الله عووفيني كتلج بأجر لو العصر
نجود:: لصيح سمعت لولا ترا تعبت عبالك صار ثلث سنوات مو ثلث ايام لا تليفون لا دوام لا كتب وين أولي
وطن:: بيج شي انتيي كتلج عندي شغللل تعرفين لولا
نجود:: خلص خلص كمت طلعت صعدت ع السطح
وكعدت بالفي ساعتين ومحد افتقدني كمت نفضت ملابسي وعيوني حمر من البجي
فتحت الغرفه لكيت الصينيه راكعها بالكاع والمواعين والاكل بكل مكان لميت الاكل ودموعي يجرن خلصت ومسحت الغرفه خليت الصينيه ع صفحه ونمت الشهكه بصدري
اصلا اني شبعانه نوم باوعت شلون أسماء ورفل هسه حمودي صالح شلونهم احمد حبيبي الحنين معقوله يذكروني انكلبت على صفحتي الثانيه واذكرت من جنه صغار واسماء تضربني
ماما شوفي اسماء ضربتني
علياء:: ليش اسماء موهاي اختج تعالي جوجو اضفرلج
نجود::ماما صدك الي يضرب اخوه الجبير الله يذبه بنار
علياء::اي اكيد لازم تحترمين اختج
وتحبيها
نجود::والله اني احبها بس هي متحبني
علياء::لا ماما ماكو اخ ميحب اخو بس اكو مرات يضوج ويضرب بس ها بعد شوي يرجع يعتذر
نجود:: بس اسماء كل ما تضربني متعتذر
علياء ء ':موهي اكبر منج انتي روحي اعتذري
نجود,: صفرتلي شعري وكمت رحت اعتذر من اسماء
اني اسفه دنكت ورجعت باوعتلي واشرتلي تعالي
رحت اركض حضنتها باستني واني هم بستها
انكلبت على صفحتي وحجيت لعد وينها الخوه هيج بسهوله عفتوني ليش موانتو سندي
ماما هواي محتاجتج والله احس ايامي بدونج ما الها معنى غمضت عيوني بتعب احس روحي مخنوكه واريد بس اطلع منا اندك الباب حيل كمزت
عدلت شالي وفتحت الباب
طلعت هيام
نجود::خيرررر
هيام::عمتي ادكول خالتنزل شكو كارصه فوك
نجود ؛:سديت الباب ونزلت قبلها
دخلت لكيتهم كاعدين يشربون جاي ام ناطق وأبو ناطق وخالد وفراس والبنات
سلمت
أبو ناطق::تعالي يبه عش عيونج حمر أحد غاثج احجيلي وحق الحظر لاافصم راسو من لشتو
نجود::لا عمو بس اريد كتب وملازم دوامي صار سبوع ماداومه وتعرف اني طب عام واخاف يروح عليه السنه وهيه اهلي كومه فلوس خليت اله دخلت بيها
ابوناطق:: افه وانا ابو الليل اكتبي بوركه الرايدتوو وساعه يجيج الرايدتو
نجود::لا عمو لازم اني اروح لأن هواي شغلات ناقصني
ابوناطق:: فراس كوم ويه اخيتك انت اعرف بهاي السوالف عبنك ماخذ شهايد بكد عمرك
فراس:: أنه اروحن بس ورق
نجود:: لا لا اني عندي ممحتاجه اسحب من حسابي
فراس:: خوش والله عجل عندج حساب بالبنك