بخطواتي تعثرت

السادس والثلاثون ⭐

#البارت_السادس_والثلاثون ⭐⭐
#بخطواتي_تعثرت ⭐
#بقلم_دينا_ال_سلمان ⭐⭐

"كنتُ دائمًا حريصة على إبقاء مسافة أمان بيني وبين الآخرين ،
المره الوحيدة التي سمحتُ لأحدهم بالإقتراب مني ما زلتُ أدفعُ ثمنها حتى الآن بطريقةٍ مؤذيه".

نجود::كاعده بالمستشفى وشعري مشلع وجهي مخرمش وملابسي مشكوكه وحافيه فاتحه عيوني بصدمه واباوع على باب العمليات

مشااعل:: اجه فراس جايب عبدو وكلنه مكيفين بيه وطن وعمي والولد كلهم يلعبون وياه لحد مصارت ب٨ونص كال فراس
فراس:: اروح اودي هسه امه تخبلت
مشاعل: اي والله اعرفها اذا يبقى يمنه أكثر من ساعتين تتخبل متعلقه بيه حيل
وطن:: اخذه واني بأجر اخذها أعقد محكمه واسجلو بااسمي
فراس: اي والله اسوي زين يله اكوم اروح جيبي أغراضو
مشاعل: اخذو هو وأغراضو وصعد يسوق وهو بحضنو
كتلو فراس خليه بالكرسي اليمك وركز بالطريق الدنيا عتمه
فراس:: لا متعلم من اجيبه وارجعه ينام بحضني
مشاعل: الله وياكم رجعت للبيت طبعاً من طلعت نجود لليوم البيت انكلب كلاب ناطق طلك هيام واخذ جهالها واني رجعت حبلت وهسه الي خمس اشهر ام ناطق شاده وياي كله براسي ودلال جابت وعزيزه اخذته وهسا دلال رجعت تدرس ومحد يحجي وياهن وخالد هو وزوجته ماعليه بااحد تكمل شغلها وتصعد
كملت تعزيل وتنظيف البيت ورحت لغرفتي
ناطق: تعالي افركيلي ضهري يولي
مشاعل:: صار ادلل رحت افركله
ناطق:: اي والله رحمه الله والديج
مشاعل:والديك ليش متضعف روحك
ناطق: مو شوفين حتى خبز وتمن ولحم مااكل بس مااعرف ليش هيج جسمي كالو اكو عمليه قص مدري شنو من تجيبين اخذج ونسافر برا نسويها
مشااعل:: اي إنشاءالله خير
نحجي ودك تليفونه
ناطق:: ها فراس ها عجل منو شنو لا ياالله خما بيه شي وين وين انت تمام تمام

مشااعل:: شمر التليفون ولبس دشداشة وطلع واني احجي شككو شكوو
ناطق ؛ فراس مكلوب
مشاعل:: ها شكو وعبود ملحك يوصلو لامو
ناطق: الولد وياه
مشااعل ؛: هنا وكف الزمن بيه وكمت اعيط بعلووو صوتي يبووووو يبوووو والطم عافني وطلع نزلو كلهم يركضون عبالهم تعاركنه حتى يشمتن
ام ناطق:: شكو وجع وسم ولطم بكلج بعد ايدي كون كسرو لراسج
خالد:: شبيج خويه
ناطق:: ولك فراس مكلووب امشينا
ام ناطق:: ها يناطق شنو
ناطق:: يله خاااالد موكت حجي تروح لو اروح بوحدي
خالد:. يله ماعندي شي
مشاعل:: طلعو يركضون وعمتي تخربطت
عنود ودلال تخبلن كبن عليها مي وصحنها اني كل همي عبود بعده مشاف شي من دنياه
ام ناطق:: خابري ابوج ولج خلي يجي دنيا نص الليل ورايح لبيت عمج خلي يجي يوديني كلو من وره نجود وابنها وطن خلي يرتاح كسح ابني مخلي مرسال بينو وبين هذيج العايقه كون موت يأخذها وياخذ ابنها والله اذا صار شي باابني احركها واحرك اهلها يبوووو وليدي راح يبووو يفراس مشفت شي من حياتك
عنود: حرام يمه تدعين عبود هم ابن اخوووي وحاله حال فراس ادعيلهم يطلعون مو تدعين عليهم شوكت نخلص يمه كافي رحمه لموتاااج
دلال: عنود موكتج كومي خابري ابوج
مشاعل:: عمتي كطعت حالها واني كاعدا وابجي والطم والبنات هم عنود خابرت ابوها اجه هو ولد عمامه وعمه اخذو عمتي واني جلبت اروح وياهم كوه قبلو ياخذوني
لبست عباتي وطلعت اركض صعدت يم عمتي وهي تصيح الطريق كله وتدعي على نجود و وطن لحد مصاح بيها عمي
ابو ناطق: وحق ربج اذا مبلعتي لسانج ابلعه الج وارجعج انتي ام وهي أم اذا صار شي باابنها وابنج عاش احركه واحركج وياه نص الليل ورايح واكيد مثل العاده متعدي السرعه المحدوده وسايق سريع وحق الله اذا طلع هو سبب الحادث و اذا عاش اله ارجع اخليه جوا السياره ادعسو وادعس راسج وياه
مشاعل:: سكتت وصلنه دنيا ليل الساعه ب١٢
نزلته نركض عفتهم كلهم ودخلت لكيت أهل نجود كلهم جايين حتى اختها نجود شاكه دشداشتها من يم صدرها وشعرها مشلع وعيونها تجري وجها مخرمش حتى من يم حلكها مخرمش ويجري دم
بس الغريب ساكته
تقربت عليها وحضنتها وهي ابد مصدر منها اي شي ابوها كاعد ويبجي ويضرب براسه بالحايط وأحمد لازمه واسماء واكفه ودموعها تنزل وخاله أيدها على حلكها
ماكو وطن يمكن ميعرف
باوعت ناطق وخالد واكفين وصافنين
تقربت عليهم وكتبهم حاتم وينه
خالد: اني مجايب تليفوني ونسيت أخبره
ناطق: اني هم شمرته من الاستعجال
مشاعل: هم يحجون ودخلو عمتي وعمي وابن عمهم
ام ناطق:: ها ولج العوبه عفتيني وانهزمتي جعلج بالعمى كون
مشاعل:: نسيتج
عمي نطيني تليفونك خلي اخبر وطن
ابو ناطق: خبرناه يبه من جنه برا ها يناطق شلونهم ولدي
ناطق ؛: ماادري مارضى ينطينا اي خبر
أبو ناطق: وهسه وينهم
ناطق:: بالعمليات حيل وضعهم خطر
ابو ناطق:: الله اليستر
مشاعل:: رحت تقرب منها وحجيت ليش ساكته نجود
نجود:: من ابجي حلفو يطلعوني وإذا سمعو صوتي هم يطلعونه يشمرولي عبود برا وسكتت
مشاعل ؛: تحجي كوه صوتها مطبك مبين مصيحه لحد متعبانه
ادعيله مو تبجين ياعمري ادعيله انتي ام والله يستجيب دعائج
عوده بالاحداث
نجود :: كاعدا الوب بيبي صارت ب١٠وهم ماكو وهو كال ساعتين وهاي من الخمسه اخذه كلبي نار عليه
فضيله:: كولي ياالله يمه شجاج دوختيني يايمه
نجود:: واكفه لازمه صفحتي اروح منا وارجع منا دخل احمد يركض
احمد:: نجود امشي ابنج وفراس مسوين حادث بس لتخافين موخطر خابرني خالد استعجلي
نجود:: يمه ابني يبووو دخيلك ياربي
احمد:: ضلي نوحي اني رايح
نجود:: لا لا اروح والله مااحجي
اخذني احمد وبابا واسماء وطلعنه وصلنه للمستشفى ونزلنه نركض
سأل اهل الاستعلامات
ابو الاستعلامات: حيل حالتهم خطره خاصتا الطفل الظربه كلها بيه اذا عاش ميعيش طبيعي
نجود:: من سمعت هيج كعدت بالكاع وكمت الطم واصيح واشك بدشداشتي والصبح يبوووو راح ابني يمه الحكيني المستشفى كلبتها كلها طلع ناطق وخالد على صياحي واجو الدكاتره بعد نص ساعه من البجي والصياح
الدكتور:: اذا تبقين هيج تصيحين اطلعي منا لو اشمر مريضكم برا
نجود:: سكت كوه بعد ماا باابا واسماء اكلو راسي سندي احمد وكومني كعدت كبال الغرفه الي عبود بيها وسكتت حتى دموعي نكطعو
طلعت من صفنتي على صوت وطن
وطن :: ها خير شنو السالفة شبيكم
نجود:: كمت اركض عليه واضرب بيه الله ياخذك ياحقير الله ينتقم منك والله اذا صار شي باابني احرك والله احركك
وطن:؛ شبيج عش هيج منهاره مو كالو حالتو زينه بس خدوش
نجود,:؛ ابني بالعمليات صار ساعتين ويكولون حتى إذا عاش ميعيش طبيعي يعني ابني اسكط ياحقير
وطن:: صدك. هالحجي يأبه كول لا كول هاي اجذب وكلبها محروك وهيج تحجي كول لا. يأبه
مشااعل ؛ اباوع على نجود تضرب بحاتم وهو ولا يمه اصلا محاول يلزم أيدها من حجت هيج وسأل عمي عمي دنك وبجه هنا عرف حجي نجود صح كعد بالكاع وكام يضرب بيده على رأسه
وطن:: والله عرفته جاي يودعني والله حسيت بنضاراته وبوساته يودعني صاحني ابه كالي والله يمشي وفراس يعلمه يكله هذا بابا وهو يكله ابه اخخخ يابه عبوودي لاتكسر ضهري يأبه
نجود:: كون تموت ولا عبد كون انت يارب
ياالله ارحمني لا تفجعني بيه
اجو على صوتنه الدكاتره والممرضات
حجو
الدكتور:: رجاءا احنه مقدرين حالتكم بس انتو هم قدرو الوضع هنا اكو مرضه وحالتهم حرجه و اي صوت يأثر عليهم هاي اخر مره احجي وياكم بهدوء ثاني مرا ادز الأمن
وطن: انت شتحجي ابني وأخوي بين الحياة والموت وتريدنه نضحك ترا اقيلك منا روح فوك مملفينكم بالمستشفى مالتنه يله منا ممنوع تشوفني وجهك
ابو ناطق:: جب لابارك الله بيك اعذرو دكتور مايدري بروحو صوابو حار
الدكتور:: حجي هذا واجب عليه خما اخلي المرضى يعانون
وطن:: بدال ماواكف اثرثر روح شوف مرضاك والله اذا صار شي على عبد وفراس احركك انت والمستشفى
مشاعل:: عافنه وراح وهو يدردم
مرت ساعه ونص وماكو اي خبر لحد ماطلعت روحنه من البجي ام ناطق تخربطت واخذوها الدكاتره وعمي وضعه تخربط العكال واكع على صفحه وشعره الابيض طالع من جوا الشماغ وطن يروح منا ويرجع منا ونجود بس تبجي وناطق صعد ضغطه وميقبل ياخذ اي علاج
طلع الدكتور وجها اصفر
حجه منو ابو الطفل
كام وطن كاله أنا
الدكتور:: البقيه بحياتكم مكدرنه نسويله شي
الضربه براسه ومهشمته والنزيف ماوكف
مشااعل:: هو هيج حجه محسيت غير صوت وكعه قويه باوعت بفهاوه لكيتها نجود ركضولها وأبوها هم وكع وطن كعد بالكاع على رجليه وبجه حرت وين اروح هذا اليبجي لو نجود الاخذنها الممرضات لو ابوها الي اخذه احمد وطار الدكاتره لو رجلي الي وجها كام يكلب اللوان لو لنفسي
اخذوهم وانطوهم مهدئات بس نجود صحت ومخلتهم ينطوها اي شي كمزت وخرت المغذي وطلعت تركض وهم يريدون يمنعوها
نجود:: ولك وططن تعااال خلي يتركوووني اريد اشوف عبوود بداعته عندك تعاااال ابعدهم عني
وطن:: ابتعدووو عنهاااا وخروووو
الدكتور:: لازم ننطيها مهدء راح يوكف كلبها
وطن:: وخرووو وخروووو
ابتعدو وطلعت اركض وصلت ليم وطن
وطن بروحه بس اشوفه يجوز نايم وهم ميعرفون اني من ابوسه من عيونه هو يكعد ويضوج ميقبل أحد يبوسه من عيونه بس خليني ابوسه من بينهن هو يكعد امشي وياي وشوف شلون يكعد
وطن:: اخذو موهسه اشوفي تعالي اكعدي
نجود:: بس اشوفه والله مااسويله شي وارجعلك هو يحبك من يشوفك يفرح اني بعد ماابعده عنك بس خلي اروح اجيبه منهم واكعده وخر خلي اروحلها اخذه منهم ونطلع
مشااعل:؛ حالها يبجي الصخر تبجي وتلطم وترجع تحجي بهدوء تريد تقنعهم حتى يخلوها تشوفه
اشرلهم وطن بدون متدري وهو ياخي بيها وضربوهاا ابره شوي وراحت بالنوم
كالو الصبح اله تكعد هسه احنه الساعه ب٢ وهي تكعد ب٩
ابو ناطق:: اي احسن حتئ مشوفو من الصبح نروح ندفنو ونرجع اذا اشوف حالو تتعذب أكثر
وطن:: براحتك يأبه بس خاف خطيه يخنكه الاتراب
مشاعل:: بجينه كلنه حتى عمي على سالفته
ورا ساعه طلع الدكتور
الدكتور:: فراس
ابو ناطق:: بروح ابوك لتكول مات كلبي بعد ما يحمل فراك
الدكتور ،؛ مابيدنه شي حجي الي كدرنه عليه سويناه ترحموله
لو عايش جان مارتاح عيونه الاثنين أنعمت ورجله مكصوصه الله يرحمه
ابو ناطق:: لا ياربي شنو سويت حتى تعاقبني هيج
مشاعل:: جانت ليله صادمه حيل فراس وعبد الله راحو صار الصبح وإلزام اخذوهم وراحو حلف عمي مايدفنهم غير اله بالنجف
كعدت نجود وكمزت جنت اني واسماء يمها
نجود ،: يولي متدرين شلون حلمت حلم اسم الله الرحمن عساس عبود
مشاعل:: لهنا وسكتت وباوعتلي ورجعت باوعت الاسماء وباوعت بالغرفه النايمه بيها نزل دموعها
نجود ،:: يعني صدك عبدالله راح مات كولن جذب كووولي اسماء انتي مجذبين احجي كوولي انتي متحبيني حتى تخافين على مشاعري كولي ماااات
مشاعل ؛:دخلو الدكاتره يركضون اشرت عوفوها راح نأخذها ونطلع
الدكتور:: شلون تطلع وهي بهاي الحاله عدها انهيار عصبي وإذا بقت هيج الله يعلم شيصير بيها وهي منا عدها مشاكل بالقلب لتجازفين
نجود:: ابني وينه اخذو موو راحو يخلون ترتب فوكااه ولج يمه جااتج عبود تلكيه يمه اجاج ابني اخخخ يمه ريت عمري على عمره اوووف يمه
حضنتني مشاعل
مشاعل:: اهدئي خلنطلع وهناك ابجي اذا بقيتي هيج مراح يخلونج تطلعين
نجود:: مااكدر اسكت ومااكدر ابقى جبرت روحي كوه تسكت نص ساعه واجت مشاعل مكمله الخروجيه وطلعنه بس اريد اوصل البيت
حجيت
مشااعل:: فراس هم انطاج عمره
نجود:: الله لايرحمه كتله ماانطيه كتله الصبح اخذه بس هو عاند ولج كلبي ناررر
اخذو بدون مااودعه شلوون بيه ولج فهميني
مشاعل:: اشش حبيبه اشش طير بالجنة يتلكاكم هناك هو شفيع الكم
نجود:: اخ يمه اجاج حفيدج خليه بحضنج يخاف من الضلمه وإذا جاع يبجي يمه تلكيه
مشاعل:: دخلته للبيت مال عمامي وجانت الدنيا مكلوبه عالم من كل مكان جايه
دخلته للصاله وتلكنها النسوان وفضيله بيبيتها وهي لكتها من الله
فضيله:. ولج عبيد لحك خاله خله حضنج فارغ
ولج شلون بيج يبيبي وين حضج خليتيه ونصح
نجود:: ولج بيبي بعده صغير خطيه شلون يدفنونه هسه اختنك من الاتراب خلروح اجيبه كليلهم بيبي والله يخاف وحده موتدرين مينام اذا موبحضني اخ يمه جاج عبوووودي ولج يمهههه
مشاعل:: فقدت وكامت تلطم وتملخ بشعرها
لزمناها اني واسماء كوه ثيتناها
كامت كلهن ينعن ويلطمن ويكمزن
عمتي وياهن ملخه روحها حتى شيلتها واكعه وتضرب بوجها منضر يقشعر البدن
البارحه جانو هنا واليوم حدر الاتراب
فضيله:: يُمَّه گلبي .. إي ولله گلبي
ترى مطرور طَرْ اللوح گلبي
نجود:: اي والله بيبي مطرور ولج يمه تعالي ليه