بخطواتي تعثرت

الثالث والاربعون ⭐🧡

البارت الثالث والاربعون والاخير ⭐
رواية بخطواتي تعثرت ⭐🧡
بقلم دينا ال سلمان ⭐⭐

‏سأسامحك لكن خطأك جعل ما بيننا ينتقل
من قلبي لعقلي
ولعل هذا اسوأ ما حصل معك

ابو ناطق:: اليوم جايين نرد حرمتو لحاتم أن قبلت خيرا على خير وان رفضت نطلك ونمش
علي :: اني ماعندي مانع بس لازم اخذ رأيها وهي تقرر
من رخصتكم اشوفها
ابو ناطق:: وعش تروح اندها ماكو احد غريب هينا
علي:: كوم احمد صيحلها
نجود:: اجه احمد صاحلي لبست شال ودخلت
السلام عليكم
الكل:: وعليكم السلام ورحمه الله
ابو ناطق::شلونج ام عبدالله شو مالج بينه معقوله هيج نحن ارخاص وماسألين
نجود::العفو عمو لا بالعكس والله انت خاصتا غالي عليه ربي يحفظكم
ابو ناطق:: انا جاي عليج تاترجعين ويانه لبيتج معززه مكرمه شكلتي يبه عش باقيه هينا وزلمتج رايدج يابنيتي
نجود::ارجع بس بشروط
ابو ناطق:: لا يبه كولي طلبات عيب شروط
وطن::خلها يأبه تحجي شنهي شروطج
نجود؛: جامعتي اكملها وسيارتي ماانطيها لواحد اني اسوق وبيت اهلك مااكعد بيه بيت وحدي مااعيش ويه اهلك
ابو ناطق::افاا عليج والله بيتنا مابه احد غير البنيات ام ناطق لخاطرج طلكتها
نجود::لا عمو مو لخاطري ام ناطق سوالفها هواي منريد نفتح مواضيع قديمه الافضل اطلع وحدي مااكدر اعيش بيتكم
وطن::قبل لتحجين انا بنيت بيت وكامل حتى اثاث كامل
نجود:: وسراب
وطن::شبيها سراب
نجود:: ماتبقى على ذمتك
وطن:: وحق الله ما وأصلها ولخاطر سيف اخذتها لو اشوفيها تبجين على حالها
نجود::اي توعدني ماتقربلها ابد وكدام هاي إلزلم اذا تتقربلها اطلكني
وطن: صار والله هاي كدام إلزلم اني اوعدج
نجود::,خلص اسبوع اليجي تعال اخذني لما الم أغراضي
حاتم ::, بعد بأجر اجي اخذج
نجود ؛:تمام
ابو ناطق::يله امشو
علي ؛:وين تعشو وكت عشا
ابو ناطق::غير مره بيت العامر إنشاءالله تسلم
نجود::عفتهم يحجون ودخلت رحت للمطبخ سويت عشا واجه بابا اسمعه يحجي ويه بيبي
علي:: كاعده وتتشرط. وهي اختها لاعبه لعب موزين اجو وقبلو يرجعونها لو اني طلقه وانومها بالكبر
فضيله :: كول ياالله ليش تكسرهن نجود ماسوت شي غلط وحقها
علي:: بس لو لازم اسماء اني بخير
نجود:: تعالو تعشو خليتلهم العشا ودخلت للغرفة بجيت بجي مصاير لحد ماقفلن عيوني
نمت كعدت الصبح بدلت وطلعت وصلت الجامعه رحت للقسم ماكو احد بعدهم ماجايين شوي ودخلو وميعاد هم كعدت يمي
ميعاد:: شلونج نجود
نجود:: بجيت وحجيت شلونك فوك النخل لوني
ميعاد:: شبيج يمعودا ليش تبجين
نجود:: مابيه شي مسحت ادموعي
ميعاد:: احجي وياج شبيج نجود
نجود:: البارحه اجو أهل وطن وبعد بأجر ارجع
ميعاد: وليش تبجين مو زين
نجود:: لا اني مقهوره على حجي بابا حجيتلها كلشي
ميعاد:: كوومي نتريك ونطلع
نجود:: وين نولي
ميعاد ،::دكومي
نجود::رحنا تريكنا وطلعنا
ميعاد::روحي لصالون لمسه
نجود::كل عقلج شعندي موليه للصالون
ميعاد::اني اريد اسوي شعري بعد اسبوع عرس ميلاد
نجود::ترا اني مااسوي كلشي
ميعاد::اي ميخالف
نجود::وهاي وصلنه نزلت وجرتني
ميعاد::اذا حجيتي شي ادفرج اغير ملامح وجهج
نجود::لا عفيه مااريد كلشي عوفيني
ميعاد::يولي شوفي شواربج ينحلف بيهن وحواجبج جنهن حواجب شرشبيل
امشي واسكتي
نجود:: ولج عيب هسا يكول ميته عليه
ميعاد:: لا ميكول يله امشي
نجود: سلمنه وكعدنا حجت ميعاد
ميعاد:: وجها وجسمها كله نضفنها وشعرها سرحنا صاير جنه جلافه مال مواعين
رتبنها جنها شرطي
ام الصالون:: شصيرين منها
ميعاد:: خطيبته لخوي ومااعرف شنو شاف بيها وأخذها احنا كلنه منريدها يمكن طاكته بسحر
إم الصالون ؛: خطيه ليش هيج تحجين لتسمع
ميعاد:: ماعدها احساس يمعوده اشتغلي
نجود:: الله يعثرج ميعاد العوبه
ثلث ساعات واني جوا اديهن صلخني صلخ لحد ماكملت دخلت للحمام سبحت وطلعت شسورتلي شعري رادت تخلي مكياج مقبلت
كملنه وطلعنه ورحنه لبيتنا
فضيله:: هلا بيجن يمه شو جايات من وكت
عزا بعينج نجود هاي شمسويه بعمرج
نجود:: ها بيبي شمسويه
فضيله:: ها يله بالمبارك
نجود:: الله يبارك بعمرج
فضيله:: لمي اغراضج يمه والعصر نطلع نشتري كم لبسه بيها روح وكافي لابسه اسود يمه حرام هو طفل صغير يايمه
نجود: لا بيبي ماانزع الاسود
ميعاد:: موبكيفج. سمعتي يله امشي انلم اغراضج وبعدها نطلع نشتري ملابس يله
نجود:: دخلت الغرفه لميت اغراضي كلهن بجنط ورفل تبجي
رفل:: راح ترحين وتعوفيني مثل اسماء
نجود::لا يوميه اجي عليكم والله
رفل:: اسماء هم هيج كالت وراح وبعد مااجت وماما هم وهسا انتي
نجود:: حضنتها لا وعد يوميه اجي عليكم لو اخذج وياي
ميعاد:: رفوله شو كومي جيبي الرسم مالج خلشوفه لو بطلتي
كامت تركض جابت الكراس وضلن يرسمن واني رحت ويه بيبي اكمل الغدا
كملنه واجو بابا والولد اخذت غدا ورحت لغرفتي اني وميعاد ورفل اكلنه وراحت ميعاد احمد وصلها
مر اليوم والثاني اجه وطن هو ومشاعل
وعنود
مشااعل:: شلونج البذات شخبارج
نجود:: والله زينه انتي شلونج والله دائما ابالي بس تليفوني راح والارقام كلهن راحن
مشاعل:: يله مصار شي راح ترجعين وتنورين البيت
عنود:: ترا بيتج بنفس الحديقه مالتنه وطن صارله سنه يبني بيه
نجود:: المهم بعيده حتى لو متر
لميت أغراضي وطلعت ودعت بيبي ورفل وبابا والولد ماكو
صعدو الجنط
رفل:: عليج الله لتعوفيني تعالي يوميه
فضيله:: ولج رفيله دخلي هو بيتها بصفنا اني كل يوم اخذج ألها روحي يمه يحفظج الله وعلي
نجود:: بست أيدها ورأسها وطلعت حاتم بسياره كاعد صعد الجنط ورجع صعد
محجا لو كلمه
صعدت وره اني وعنود ومشاعل يمه وصلنه للبيت واني گلبي وجعني مسحت ادموعي ونزلت حجه وطن
وطن::اليوم ابوي مسوينا غدا نتغدا ونروح للبيت خلي اغراضج بسياره
نجود::هزيت راسي ودخلت الكل منجمع البنات ال٨كلهن ورساله بس هيام ماكو بعد ماطلكها مااعرف شصار بيها
سلمت عليهم بس جان سلامه بارد بس رساله وخالد سلمو عليه باليد ورساله بوستني
كعدت والولد راحو للاستقبال وكامن يذبن سمعت
دلال:: رديتي مو عساس ماتردين  لو يذبحونج
رجعت حجت عزيزه
عزيزه::غير انفضحو وابوها خابرو لوطن تايرجعها
دلال::صدك والله انا سمعتو من كال لابوي
ابو نجود خابرني يكول
لو تجون ترجعوها لو اطلكوها
نجود:: كاعده ومخليه ايدي تحت خدي واباوع عليهم بملل تثاوبت وخليت رجل على رجل وحجيت
الله فلم يخبل اي وبعدين
كاعدين عماتهم وبنات عمهم
اممم بله دلول وينه ابنج شومااشوفه
الكل التفت عليه حجيت اوو اقصد عزيزه عيني وينه ابنج الصغير اخر العنقود
دلال :: كامت راحت للمطبخ وعزيزه حجت
عزيزه::هذاك يلعب ويه الجهال تعال يمه شاكر
نجود:'اممم يشبه دلال سبحان الله.
عزيزه:'يشبه خالته غير
نجود:: اممم صح
اجت مشااعل جابت الاكل خلت السفره وكامت تنكل وهن كاعد ينتظرن الاكل ومشاعل بطنها لخشمها
حجت مشاعل تعالي نجود وطن يصيحج
نجود::كمت وياها لكيته كاعد بالمطبخ وبيده ماعون
وطن::هاج هذا معلاك شوي اكلي ادري بيج متاكلين ثريد
نجود::اخذته منه ورحت اخذت صينيه وخضره وطرشي وولبن حجت مشاعل
مشاعل::روحي اكعدي أنه اجيبو الج بس روحي
نجود:: رجعت كعدت بمكاني وهن يتبسبسن
اجت مشاعل شايله الصينيه.وحجت
مشاعل:: هاج نجود هذا وطن دزو الج يكول متكدر تأكل ثريد شاوي بيدو
نجود:: اي بعد عمري يعرفني شحب وشنو اكل
اخذت الصينيه وتربعت بالكاع وكمت اكل هن تخبلن خاصتا اخواته الكبار
كملت وشلت الصينيه وهن كعدن ياكل غسلت ورجعت كعدت حجت مشاعل
مشاعل:: اجيبلج جاي
نجود:: لا عيوني تسلمين مااشرب
كملو اكل واجو وطن وأبو ناطق وناطق وخالد
سلمو وكعدو
ابو ناطق:: شلونج يبه ام عبدالله إنشاءالله بخير
نجود ؛: تسلم عمو الحمدلله بخير
ابو ناطق:: كليتي لو لا
نجود:: الحمدلله الله يديم النعمه
ابو ناطق:: يستحق الحمد كوم وطن اخذ حرمتك للبيت هنيها (مالتها)
وطن:: يله نجود
طلعنه بعد ماودعناهم ومشينه شوي ورا الحديقه باني وبابنا وحد وحديقتنا بس اكو باب بيناتنا دخلت وسميت البيت كامل من كلشي الحمد لله دخلت اخذت ملابس من الجنط وسبحت وكعدت امشط دخل عليه
وطن:: شلونه البيت
نجود::الحمد لله
وطن:: اني اسف نجود على كلشي نفتح صفحه جديده ونعيش!
نجود:اي ننسا الماضي ونعيش بما يرضي الله ورسوله جامعتي دوامي سيارتي معليك بيهم
وطن ؛:سيارتج خليها لااحمد واني اشتريلج سياره واسجلها بااسمج مهرج مال الزعله
نجود:: ممم يي يصير
اخذني بحضنه وغمضت باأمان
قبليني
ضعي قلبك علي قلبي
لاشي ممنوع كلي متاح لك
افعلي ماشئتي مايروق لفخامه تمردكـ
قبليني
بعثريني
عانقيني
شتتيني
مارسيني
اعشقيني
اثمليني
فبعض الوقت كل العشق مطلوب
وبعض العشق الممنوع مرغوب
نجود:: حرارة أنفاسه عطره كلشي رجعني عروسه عيشني احلا ليله
الحمد لله مرت الايام واحنا رجعنا احلا من كبل وبيتي وحدي وجامعتي
مرت الايام والأشهر واليوم صارلي من رجعت خمس اشهر عايشه وياه احلا عيشه يوميه ياخذني لبيت اهلي باليل والصبح اروح لجامعتي
كعدت دايخه ماضل شي للامتحانات
اقرا وراسي يفتر نفسي لعبت كمت اركض تقيأت لزمت راسي وكعدت طلعت تليفوني وخابرت وطن جانت الساعه ب٥المغرب
اجه يركض شافني وجهي أصفر وانهت اخذني للدكتوره كبل انطه افلوس ودخلوني
تحاليل وسونار
الدكتوره:'مبروك بنتي انتي حامل الج شهرين
نجود ،:: دموعي نزلن مسحتهن وكمت طلعت برا ادور عليه بعيوني شفته كاعد ولازم تليفونه
تقربت عليه وحجيت
اني حامل كام مصدوم باوعلي وتقرب صدك تحجين
نجود ،::اي والله اني حامل
وطن ،:: الحمد لله
نجود::حضني حيل حتى نسينا احنا وين ابتعدت عنا ودخلت للدكتوره كتبتلي علاج وطلعت أخذنا العلاج وعشا ورجعنا للبيت جان طاير بيه كلساع يلزم ايدي ويبوسها
وصلنه للبيت دخلت وهو راح يحجي لابوه
سويت السفره
وخابرت ميعاد
نجود:: هايولي شلونج
ميعاد:: شلوني طامسه بنص الكتاب 
نجود:: شوفي حبيبتي اني حامل
ميعاد:: صدك ولج منين حامل
نجود:: يويل شبيج ولي موصوجج
ميعاد:: اشاقه وياج الف مبروك حبيبتي
نجود:: يبارك بيج حياتي
ميعاد:. من هسه اذا بنيه ميعاد
نجود:: ممكن اذا بنوته علياء وإذا ولد وطن
ميعاد:: موعندج وطن خما اثنين
نجود:: وطن اسم الشهره اسمه حاتم
ميعاد:: ربي يتمملج على خير وتكومين بسلامه يارب
نجود:: حبيبي تسلمين يله اني اروح اكمل العشا حبيت ابشرج
ميعاد:: أخذي راحتج حياتي
نجود:: سديت الخط وكمت كملت كلشي وهو ماكو خابرته
وطن: دقايق واني يمج
نجود:: جبت العصير وكعدت صدك شوي واجه باسني من راسي
كعد يسوي لفات وينطيني
كملنه وهو طلع واجت مشاعل هي وابنها العمره خمس اشهر
خليته بحضني وابوس بيه سمته فراس
مشاعل:: الف مبروك حبيبتي
نجود:: تسلمين حبيبتي
اكلج عزيزه  من اجيت لليوم اريد اسألج وانسه
مشاعل:: اووو شكد قديمه غير من طلكها رجلها ازوجت ابن خالتها وهسه عدها بنيه
نجود:: شلون قبل ناطق
مشاعل:: يمعوده خلص منها وجهالها شمرتهم علينه كملنه وهو طلع واجت مشاعل هي وابنها العمره خمس اشهر
خليته بحضني وابوس بيه سمته فراس
مشاعل:: الف مبروك حبيبتي
نجود:: تسلمين حبيبتي
اكلج عزيزه ليش ضاله هنا اجيت لليوم اريد اسألج وانسه
مشاعل:: اووو شكد قديمه غير من طلكها  ازوجت ابن خالتها وهسه عدها بنيه
نجود:: شلون قبل ناطق
مشاعل:: يمعوده خلص منها يوميه عركه  وجهالها شمرتهم علينه بس ربج بعد فتره طردتها خالتها
نجود:: خطيه اشوف جهالها هنا كبل وهي همات
زين سراب وينها كلما اسأل وطن ميجاوب
مشاعل::  مو ابن خالتها دوامه عشرة أيام بالدوام وعشره هنا وأمه مقبلت يأخذها وأخذها غصب وبعد ماشمرت جهالها اجت عاشت هنا
وسراب يم امي وداها وطن خطيه خبلنها بزايد
نجود:: زين اكلج شو ناطق فد مرا ضعفان
مشاعل:: غير سافر سوى عمليه قص معده مدري شنو
نجود:: مرت الايام والأشهر ماكو شي جديد كله نفسشي وطن زين وياي واسماء ماشفتها ولاسمعت اي خبر منها لحد ما فد يوم كاعدين اني وطن ودك رقم غريب على وطن فتح خط وسمعت صوتها جانت تبجي اخذت التليفون وحجيت
نجود:: اسماء
اسماء::اي اختج الي بعتيها اختج الي صار سنه عايفتها ببلاد الغرب اختج الي انهانت وانضربت بس هسا خابرتج حتى اكلج انسي وحده اسمها اسماء اني طلعت لغير دوله وعفته لاايمن
نجود:: سدته بدون مااحجي اي شي وهنا وكلشي خلص كلشي ويه اسماء انكطع حتى رقمها انغلق
مرت الايام واليوم بطني حيل توجعني وحسيت راح اجيب خابرت وطن وميعاد اجو اخذوني واني عياطيي شال المنطقه
وصلت للمستشفى كبل اخذوني لصالة الولاده
ساعه واني على عيطه وحده لحد ما جبت واجا وطن للدنيا نور عيني
ومرت الايام والأشهر والسنين وابني وطن صار عمره ثلث سنوات
خلصت جامعه واليوم التخرج 
لابسه الروب مال التخرج وميعاد وياي جان احلا يوم مر بحياتي ضحكنه وفرحتنه الي ماواسعتها الدنيا التفت وطن جايب فرقه موسيقيه وبيده باقه ورد كبيره واهلي كلهم فرحانين على فرحتي
تقرب يمي ونطاها الي وحجه انتي النور الي يضوي حياتي لتحرميني منج ...
اشرلهم صعدو على
صعدو على المنصه كامو يعزفون وهو يغني مخليه ايدي على حلكي وعيوني تلمع فرح حب كلشي حلو
وبلش يغني
يا معشر العشاق جيت أشكي حالي
ظالم حبيب الروح، ظالم الغالي
ظالم حبيب الروح، ظالم الغالي
يستاهل نضحي (طبعاً)
آه وأعطي له من روحي (طبعاً)
بغازلك غصبا عنك ترضى ما ترضى
حسيت واحد يحر بروبي باوعت وطني الصغير نزلت لمستواه رفع ادينه الصغار
ولبسني حجاب عرفت هذا من أبوه وابوه مستمر يغني عدلت الحجاب وبسته وهو هم اخذ ايدي وباسها
نزل وطن وحجه
حاتم:: هاي الي اتشوفونها كدامكم حاربت وعاشت ايام بخوف جانت تنام وهي عيونها مفتوحه جانت تبجي ومتحجي تحملت هواي مصايب تحملت هواي وجع صبرت ونالت ربي يوفقها واشوفها احلا واجمل دكتوره بالكون
نجود:: الحمدلله على كل حال صبرت ونلت احلا عائله وخلصت جامعتي وفتحت اكبر مركز طبي بالموصل والان اشكركم يامتابعين اشكر كل من دعالي واشكر كل من حجه عليه واشكر من تعاطف وياي واشكركم كلكم واشكر الكاتبه الحبوبه ام كلب الطبيب واتمنى تسامحونا وتذكرونا بدعائكم وهسا اترككم مع دينا...

اشكركم ياحلوين واشكر كل من دعمني انتظرونا بروايه جديده ونعيش احداثها من جديد احبكم 🤗🤗🤍
مع السلامه....اختكم دينا ال سلمان