بخطواتي تعثرت

الحادي عشر

#بــــٓــخطــــٓــواتي_تــــٓــعثــــٓــرت....
#تــــٓــــــٓــعليق_حلوو_ولايــــٓــــــٓــڪ_وصــــٓــــــٓــووو

البارت الحادي عشر (١١)
من رواية بخطواتي تعثرت
بقلم دينا ال سلمان ⭐⭐

كان من الممكن أن ألجأ اليك ..
لتخبريني أنه لا داعي للخوف ..
وإن ما كسر يمكن أصلاحه ..
أو ربما تعويضه بأشياء جديدة تماماً ..
فيطمئن قلبي أكثر  ..
ويعود كل منا ألى النوم ..
شاعرين بسخافة ما يحدث ..
في العالم لأننا معاً ..
#لكن_الحياة_ليست_بهذه_البساطة

نجود:: كام ولزمني من ايدي
يريدني اكوم واني احس رجليه صارن خيوط مااريد اروح مااريد هي غلطه وسببتلي اهواي خسائر
امي حياتي مستقبلي كلهن راحن هبائآ منثورا
ندستني خالتي وسن صحتني من صفنتي
كمت وكفت تقرب نزل البركع ع وجهي شهكت مااريده مااريد ازوج دموعي تجري تقربت اسماء حضنتني وكالت اسكتي جلبت بيها
نجود :: ترحين وياي مو
اسماء:: شلون اروح وياج والبيت مليان ناس
تقربت نور وحجت
نور:: روحي اسماء اني والحجيه موجودين روحي ليضل بالج وإذا ع ابوج اني اكله
اسماء:: اشكرج
نجود:: تقربت نور وحضنتني حجه
سيف ؛:: يله عاد كافي العالم تنتظرنه برا
نجود:: مشيت وياه دموعي تجري وعيوني مغوشات مااشوف كلشي بس سراب وهو ولازم ايدي ويجر بيه مثل الحيوان حالي
طلعنه من القاعه صعدت بسياره ورحنه الطريق جان كلش طويل اسماء كاعده هي والحجيه ورا هو يسوق واني بصفه
الحجيه:: مبارك ياسيف
سيف::الله يبارك بعمرج جده
الجده::هير هساع الناس مجمهره بابنه
نجود::يحجون واني بالي مو يمهم جسمي كله يرجف واطرافي بارده احسها ثلج رغم الدنيا حاره موت
وجان بشهر ال٧
نفسي لعبت لزمت راسي بثنين اديه وحجيت وووكق وكف راح اتقيئ
وكف السياره واني نزلت اركض واسماء وسيف نولو سيف شايل بطل مي وكلنس والسيارات الورانه يجي سبعه واكثريتها زلم لابسين عكل ودشاديش
اشرلهم يسبقونه غسلت وشربت مي واسماء مسحتلي حلكي اخذتني للسياره بجيت ودموعي يجرن صعدت بسياره حجت
الجده:: هاي عياره مابيها شي يله هير هير
مشا وصلنه ساعه ونص الطريق لكينه الناس مجمهره يركصون بالباب صاح واحد بيهم
هااسيف مبأرك خووووي نزل من السياره
واحنه بقينه بداخلها
شال سلاحه وكام يرمي واني ويه كل طلقه اعيط لاااا وساده اذاني اذكرت وجع امي بذاك اليوم انتبهو عليه واسماء من وراي تلزم بيدي وتججي لتخافين نجووود باعيلي نجووود
نزل السلاح وباوع اني نزلت ايدي وباوعت جان هو وطن جان عيونه حمر جان رافع السلاح نزله من شافني شلون خايفه تقرب ع سيف وحضنه وباركله رجع صعد سيف
دخلنه طلعن النسوان والجهال يمكن الفين واحد كل المنطقه جاييه هم وجهالهم
طشن جكليت علينه خلت وحده مي  حتى
اضربه باوعت ضربته ع كيف ورفعت البدله
بيدي جنت حيل تعبانه وهم واكفين يهوسون ويهلهلن لزمت ايد أسماء حيل باوعتلي
حجيت بهمس تعبت تعبت راح اوكع من طولي
سيف::بعدن عن طريج خلنرتاح ترا جايين من طريج ساعه ونص
وخرن
ابتعدن دخلت مخلين كرسيين بلاستك النه كعدت ع واحد والنسوان كاعدات بالكاع ع فراش اسماء ضلت واكفه هي وخالتي شوي وراح سيف كعدت خالتي يمي تفرك بيدي
وره شوي تعبت حيل حجيت خاله وين غرفتي راح اموت والله
حجت خالتي
وسن:: بلا زحمه وين الغرفه مال نجود
تريد ترتاح شوي
الجده:: مضل شي ويديرون العشا تتعشا وتروح يغرفتها
وسن:: حجيه متريد عشا البنت راح تخرب
الجده:: مضل شي اكعدي واسكتي
نجود::لزمت ايد خالتي وحجيت نصبر خاله اسكتي
اسماء تتكرضم تريد تهد واني مجليه بيدها
صارت ب٦ واحنه وصلنه ب٤ونص
جابو العشا جان ثريد وتمن فوكاه ولحم والنسوان تصيح اني محصلت اني محصلت وهن كل وحده خلت بعلاكه كومه اكل لعبت نفسي كبل واني منا دايخه والجهال يجعصون بالاكل وخشومهم وروالهم واكلهم سوى لعبت نفسي جواي كاعدات ثنين ياكلن يعني اذا اكوم اجفصهن كاعدات يم رجلي تقيأت فوكاهن هههههه