بخطواتي تعثرت

العشرون

البارت العشرون (٢٠)⭐⭐⭐
من رواية #بخطواتي_تعثرت ⭐⭐⭐
بقلم #دينا_ال_سلمان ⭐⭐⭐
‏ لاشيء يمرُّ في حياتِك عبثًا حتى تعثُراتِك الصغيِره كانت لأجلِ أن تعرف شيئًا ما

نجود:: جر عبدالله وشمره بالكاع وحجه مع الاسف انت اخوهاا لك عااار

صاح
عبد الله ::انت منوو وشلك دخل هاي اختي انت شكوو

اني كاعده بسياره وارجف اباوع عمي وشاهين اخذوهم وعبدالله بالكع واكع يصيح عليهم

رجع حجه ولك انت اخ مصدك روحك اخيتي افديها بروحي مو اخذها مثل الحيوان اسحل بيها

عبدالله::انت منو منوو
حجه
:؛ اني وطن حاتم واريدها لحرمتي عندك مانع
نجود:: تقرب جرني وصعدني للسياره مالته وعاف عبدالله بالشارع دنيا ليل والجو بداية شتاء واني ملابسه غير ملابس بيت خفيففه لزمتني ارجفه اسناني يطكن وارجف باوعلي وحجه
وطن::عش ترجفين شجاج يبوي
نجود::مابيه شي بس بردانه
وطن:: ومنين اجيبلج بطانيه كربي يبوي
نجود::شغل التدفئة مال السياره وشمر الشماغ عليه كال
وطن:: تلفلففي بيه يبه هساع تدفين
نجود::اخذته ولفيته ع كتوفي نفسي لعبت من التدفئة حجيت طفيها راح اموت
كبل وكف السياره واندارلي
لزم ايدي وحجه شبلاج يبوي شتحسين
نجود::اريد اتقيئ ابتعد فتحت الباب ونزلت
ذبيت من راسي وكعدت بالكاع ع الرصيف احس الدنيا تفتر بيه جابلي بطل مي وانطاني غسلت وجهي وشربت شوي وكمت فتحلي الباب صعدت ليكدام يمه اندار شغل السياره واني ارتجيت ع الجامه نزلن دموعي
باوعلي
وطن '؛عش تبجين شنو يوجعج يبه
نجود::لا مابيه شي مسحت ادموعي وغمضت عيوني حيل امنع ادموعي ينزلن
حجيت وين ماخذني
وطن:: راح اخذج لبيت امي وباجر الصبح اخذج لبيتنه
نجود::هو غير يعني امك بيتكم
وطن:: لا هاي المره اخذتج يمها هاي هي رضعتني امي متوفيه
نجود::الله يرحمها اي خليني يمها
وطن::لا ميصير ابوي خبرني لازم اخذج يمهم
نجود::خما صعبين
وطن:: لا انشاء الله يحبونج
نجود:هزيت راسي ورجعت حجيت زين ودوامي شلون
وطن:: اني اخذج يوميه وارجعج ليش
نجود::يعني عادي ميعارضون
وطن::لا اختي هم اداوم بالجامعه واني معيد ههه بس تركت دوامي من ورا سيف
نجود::اي ارجع
وطن::ميصير لازم شغل ابوي مااكدر اتركه بعد
نجود::ليش من تنفعل تحجي مااعرف شلون ومن تهدأ تحجي مثلي
وطن::اني من الانبار وعشت بغداد سنين بس صارت ضروف واجينه هينا وحجيي صاير انباري على بغدادي على موصلي وقيسي
نجود:: حلو لهجت الانبار
وطن ؛:عجل احجي وياج انباري
نجود::هههه براحتك احجي اليعجبك
وطن::اي اضحكي فدوه يروحلج لتضوجين محد يستاهل
نجود:؛ هزيت راسي وحجيت أكلك احنه وين شسالفه صار كومه نمشي
وطن: غير عمج الشريف ماخذج لبغداد
نجود::عزا احنه جنه بغداد
وطن::اي بس رجعت هسه وصلنه ماضل ساعه ونوصل
نجود::أنت شدراك
وطن ::احمد خابرني وحجالي وجبت ربعي ولحكتكم وهمزين لحكت بيكم لوماا اوكف كبال فرعكم ماالكاج
نجود:: زين شلون وصلت قبلنه
وطن:: يويل اجيبين سيارتنه ع سياره مال عمج
نجود:: هم صدك
وطن:: جوعانه تريدين شي
نجود:: اي والله جوعانه
وطن :: اسفه يخسى الجوع
ننجود::مشه مسافه وكف السياره كال
وطن::شنو اجيبلج
نجود::بكيفك
نزل وره شويه اجه جابلي لفه وعصير وعلاكه بيها نساتل واجباس ومي
اخذتهن منه وفتحت اللفه اكلتها كلها ميته جوع وشربت العصير فتحت البطل وفتحت الباب غسلت ايدي وجهي اخذت الاشماغ مالته نشفت ايدي خليته ع وجهي عطره يجنن استنشقته وغمضت مااعرف شنو صارلي حسيت بشي غريب يدغدغ كلبي اجه فتح الباب وصعد حجه
وطن:: اجيبلج شي بعد
نجود ؛::لا الحمدلله
وطن::افتحي الجبس اكلي مالح
نجود::فتحت الجبس وقربته يمه هاك اكل
وطن::لا يبوي ويني وين الجبس
نجود:: ليش ترا عادي هو جبس
وطن::كولي انتي يبه
نجود::شغل السياره وطلع كملت اخذت كلنس مسحت ايدي غمضت عيوني وبعدها نمت كعدت ع لمسات بوجهي وصوته يهمس
فتحت عيوني وبقيت صافنه
حجه
وطن::ها يويل مخلصه شحن خما مطوله شبيج بنتي
نجود:: صحيت عدلت كعدتي وباوعت ها احنه وين
وطن:: يله نزلي وصلنه
نجود:: فتح الباب ونزل نزلت وراه فتح باب البيت ودخل ضليت مفهيه واباوع.
صاح
وطن::ادخلي يووويل شبيج
نجود::دخلت ركض شبيك ليش أصيح اووي فززتني
ن
وطن::شبيج يول شو كمتي مااعرف شلون تحجين
نجود::اريد انام اني نعسانه
لزمني من ايدي واخذني للغرفه
نزل فراش وبطانيه وكال يله نامي
اني هم ماصدكت وبعدني النوم بعيني كبل دخلت ونمت
حسيت أحد نام يمي جرني وخلاني بحضنه بس اني جان النوم بعيوني غطيت بالنوم كعدت شبعانه نوم باوعت نايمه بحضن وطن وهوه محاوطني بيده كمزت وهو كعد باوعلي عاكد حواجبه