بخطواتي تعثرت

الرابع والثلاثون ⭐⭐

#بارت_الرابع_والثلاثون ⭐⭐⭐
#من_رواية_بخطواتي_تعثرت ⭐⭐
#بقلم_دينا_ال_سلمان ⭐⭐
كان الخوف ينهش رُوحي في كل مره أُقرر بها أن أتجاوز كل شيء وأمضي .

نجود:: هذا ابنك تعرف شنو ابنك
وطن: هش حسج منا الناس
وهيج ابن مااريدوو
نجود:: وكفت مصدومه لميت أغراضي وكمت وكع تليفوني وانخبصت شلته ورفعت راسي
عيوني صارن بعيونه
حجيت بعد تحلم اشوفني وبس اجيب اطلكني
بس شي واحد رايده منك تكطع مهر حتى ابني يصير عنده جنسيه
وطن:: اذا على الجنسيه والمستشفى لتخافين امي احلها وإذا على المصرف فاني اعتقد ممقصر!
نجود: شقصدك بله شوكت ماخذه منك !
وطن: لا عبالج أحد اجر البيت مالكم وكعد بيه ترا كلها تخاف منوو ويكولون مسكون واني اخذتوو من ميلاد وكمت كل شهر ادفع ايجار فوك حقه حتى متعتازين احد وراح ابقى ادزلج مصرف وازيدو لخاطر ابنج وأبد لتفكرين وتحجين لأحد أنو هذا الي بطنج ابني لأن راح تخسرينو وتحلمين اشوفينو
نجود: اكبر حقير انت الله خلصني منك
وممنوع ادزلي فلس سمعت اني راح اترك الجامعه. واعيش اهلي وابني موبعازت افلوسك
طلعت امشي وهو وراي حسيت وجع بطني موطبيعي بس كابرت ومشيت امشي وابجي وين أروح ياربي ليش هيج امتحانك صعب فدوات عينك ياربي
سمعت صوت سياره وراي
التفت وطن اشرلي اصعدي
عفته واستمريت امشي انجريت من ايدي
وطن: انتي مو طفله اصعدي افهمج
نجود: جرني من ايدي وصعدني للسياره وافتر صعد حجه
وطن:: اني بعمر العشرين تزوجت وجنت احبها حيل جانت هي النور الي بعيني وفراس همات مشايلتو الكاع ابن ومرته وأسعد انسان يوم باليله تغير كلشي النو راح حرمتو راحت وكملتها حرمتي من عافتني وراحت ويه ابوها
ومن شفتج شفت عيونها بيج حبيتج وتمنيتج بس سيف جان اقوى مني اخذج وازوجج واني مابيدي غير اسكت سكتت وتحملت لحد ما راح لدار حقه
رجعلي الامل من جديد تمنيتج وتحملت لحد مصرتي الي حبيتج فوك متتخيلين وفضلتج عن الكل
بس انتي بالمقابل طعنتيني بااخوي ولج بعيني اشوف محادثات وفيديو شلون شايلج ويباوع بوجهج ولجج شفته شلون يوخر شعرج عن وجه ويبجي
نجود:: واني موووذنبي انت ماعندك ثقه اني مافكرت بيوم اخونك ولا فكرت اباوع لغيرك اذا انت كنت تحبني اني كنت اعشقك بس هسه خلص كلشي لو اموت لووو أتوسل بالي مايسوى مااتنازل وارجعلك
وطن: اني عالمودج
نجود: عالمودي شلووون فهمني
وطن: اذا رجعتي راح يقلوه راح ياخذونو من بين اديج ويجوز انتي هم وياه اني عندي ثقه بيج واعرف فراس الي عينو بيج بس مااكدر ارجعج
نجود: واني مطالبه ترجعني بس اعترف باابنك
وطن: مااكدر اعترف
نجود: السبب شنو اعرف حتى متخسر زوجتك الجديده موو
وطن: هواي أمور وأولها اخاف عليكم
وطن: خلص هاهيه انساني ومن تجيب اطلكني رسمي
ماحجه شي هز رأسه ومشا وصلني وراح
دخلت جوا دموعي تجري كبل رحت للحمام غسلت وجهي ورحت للغرفه لكيت رفل ومحمد كاعدين يلعبون وبابا نايم وصالح ماكو
مددت يمهم واني اشهك
علي:: ها نجود رجعتي بابا شبيج
نجود:: مابيه شي بس راسي مصدع
علي: تعالي بابا احجيلي شصار
نجود:: مصار شي بابا خليني انام الله يخليك
علي: نامي بابا نامي
نجود:: لميت روحي ونمت كعدت على صوت اسماء تكعدني وأصيح
اسماء ': ترا مصايره نايمه والساعه ب٣ ولحد الان بابا والجهال بدون غدا
علي:: عوفيها بابا اني كتلها نامي موجوعان
اسماء ،:: والجهال شنو ذنبهم يا بابا لحد الان مماكلين شي ورفل لكيتها تاكل بخبزه وتشرب ماي
نجود:: كمت طلعت رحت للمطبخ بدون حجي غسلت وجهي وطلعت بتيته وبيض سويتلهم وطلعت لبابا من الثلاجه شوربه حميتها اله ونطيتهم بدون كلام ورجعت نمت وهي راحت تسبح
تليفوني رن جوا راسي شلته لكيته فراس جاوبت وجاني صوته
فراس:: ها نجود
نجود: ها اسمعك
فراس: شكو شصاير بينكم وشلون وطن عرف الي بطنج ابنو؟
نجود: اني خبرته
فراس: وليش انتي موجنتي رافضه يعرف
نجود: جنت بس من مصلحته لبني لازم يعرف لأن بأجر وراي مستشفى ومصاريف واني طالبه بس جنت غلطانه لو محاجيه احسن
فراس: وطن متخبل كسر البيت وطلع
نجود: ليش هو مو مال ماعليه ولا اعترف باابنج
فراس: ترا عالمودج يخاف على ابنج ليصير بيه مثل مصار باابني
نجود: انتو تحيروون شلون تعرفون ابنك وزوجتك ماتو مقتولين وانتو ساكتين بس فهمني!
فراس: شكدر اسوي واني ماعندي ولا دليل يثبت هذا الكلام
المهم عوفج مني اريدج تبتعدين عن وطن هسا واي شي تحتاجين خبريني
نجود: وليش ابتعد!
فراس: عالمودج هسه صاير اعصاب وخاف يحجي شي لو يسوي شي ويخسركم
نجود: اصلا خسرنه من زمان من اول ماطردني من بيتكم
فراس: ترا هواي يحبج والله
نجود: اي والدليل ازوج
فراس: ازوج سراب اختو لسيف اجت دخيله منهزمه منهم وهو اخذها غصباً عليهم بس لحد الان هي نايمه بغرفه وهو بغرفه
نجود ؛: سراب هيه نفسها هاي الي جانو حابسيها
فراس: مااعرف والله بس هي اخت سيف لو شوفيها تبجين على حالها ماباقي شي بجسمها صاحي حتى عقلها موحيل
نجود: صفنت اذكرت من شفتها بالمستشفى صدك هي سراب نفسها خطيه
حجيت الله يسعدهم خلص اني لازم اروح
سديت الخط وكمت لميت البيت وكعدت مرت الايام والدوام بلش واني بطني كبرت مرت ٣اشهر نقلت اخواني لمدارسهم هنا واني رجعت اداوم بس احمد بطل كام يشتغل اي شي واني كل شهر وطن يحولي مبلغ زين بالبدايه ماردت اخذ بس فراس اقنعني وحتى فراس مامقصر وياي ميعاد رجعت علاقتي بيها احسن من قبل بعد مااجتي ام ميلاد وميلاد يعتذرون عن اخر موقف
اليوم عندي وجع بطني فد مره مارحت للجامعه اروح منا وارجع منا احس اليوم أولد
خابرت اسماء
نجود: الحكيلي ولج راح اجيب
اسماء: اني بالشغل مااكدر اعوفه خابري ميعاد
نجود:: ولج أنتي حتى سيارتي ماخذتها شلون اروح أخذي اجازه وتعالي راح اموووت
اسماء: قبل يومين اخذت اجازه والله مينطيني
نجود: سديت الخط. منها وخابرت ميعاد
ميعاد: ها جوجو
نجود: ولج الحكيني راح امووت
ميعاد: ولج شبيج نجود ها شنو تحسين
نجود: راح اجيب ولج واسماء ماخذه سيارتي وماكو أحد يمي
ميعاد: يله خلي اخابر ميلاد وامي يجوج واني اروح مناك للمستشفى
نجود: استعجلي راح اموت
ميعاد:سديته ونخبصت خابرت ميلاد
ولك الحك نجود كاعد اجيب