بخطواتي تعثرت

البارت السادس من رواية بخطواتي تعثرت

البارت السادس من رواية بخطواتي تعثرت
بقلم دينا ال سلمان ⭐⭐

#عندما كنت صغيرة كنت أستعجل الأيام كي أكبر ؛
#و الآن أرتجي الأيام أن تعيدني حيث طفولتي و تنساني هناك

نجود:::هسه اذكرت هذا ابو عيون نفسه الي اجه ع بابا وأخذه واني اكول شايفه هل عيون صح كل مره اشوفه بمكان وأكثر المرات لابس كمامه......
رجع حجه
ياسر :اني قبل فتره اجيت وردت احجيلك وبنتك الله يحفظها كالت بابا مريض اذا موضوع يضوج لتحجي وياه واني تفهمت الوضع وطلعت بس بهل ايام كامو ميروحون من بابكم
علي:: شكرا الك يأبه واتمنى يضل هل موضوع بيناتنه
ياسر::بدون متوصي اكيد ماراح احجي لاي شخص بس حبيت احجيلك حتى تأخذون حذركم
يله اني اترخص
علي:: مرخوص يأبه واشكرك مره اخرى
نجود ؛؛ دخلت للبيت واني جسمي كله يرجف واطرافي بارده احسها ثلج رغم الدنيا حاره
دخلت للغرفه جانت بيبي تخيط بيجامه مال صالح وصالح نايم ع رجلها وهي تحجيله قصه عن جدي شلون جان سبع
تمددت يمها حتى اكل ماكدرت اكل احس روحي بشيشه كزاز واي حركه مني تخلي حياتي بخطر تعبت من الأفكار الي منجنعه براسي سيف ناس تراقب شرطه مقتل امي بابا الي كدامي يمشي ومحد حاسبه واني الي ادانيت امي وسبب موتها صار بسببي كله ينجمع براسي واحس صدعت عطت بصوت عالي كاااااافي كااافي عوووووفووووني شتريدوون مني كااافي ياربب
كمزت بيبي وحجت
فضيله::يايمه اسم الله شبيج فززتيني
نجود::لازمه راسي وابجي بصوت بيبي تعبانه كلها براسي افكاري مخربطه مكاعد تصفه تعبت بيبي
تقربت عليه وحضنتني وتقرا قرأن عليه وتمسح ع شعري نمت وحسيت من طلعت هي وصالح
نمت وحسيت أحد كعد ع السرير الفراش نزل مال واحد كعد يعني مواحساس وانما شعرت بهل شي
ونام وراي وحضني وانفاسه الحاره حركت ركبتي كمزت من مكاني مالكيت أحد اباوع منا منا كلشي ماكو تعوذت من الشيطان وطلعت لكيت الدنيا ليل والكل نايم باوعت ع الساعه جانت ب١٠,
جانت اسماء بالحديقة تقرا كتب وروايات كالعاده
طلعت كعدت يمها باوعتلي ورجعت خلت راسها بالروايه يمكن جان اكو حدث مهم لأن الي يشوفها يكول كاعد تقرا قصة حياتها كملت الورقه الجانت تقرأ بيها وطبكتها وسدت الكتاب ونزعت النظارات وباوعتلي
اسماء:: وضعج ماعاجبني احجيلي اني اختج اكيد مراح اضرج ولا الومج بالعكس انصحج والله
نجود:: اخذت نفس وكتلها حجالج ابوج!!
اسماء::شيحجيلي اصلا هو وينه؟!
نجود::يعني ماكو بابا
اسماء:: لا كشخ وتعطر وطلع وكال اكو مفاجئه الكم بس يخلوني اطلع من الموصل اروح اجيبهم من بغداد
نجود::بابا مو ميكدر يروح لبغداد
اسماء:: اي يروح ختالي منو يدري بيه خما ماعدهم غير استاذ علي
نجود::اليوم المغرب سمعت ياسر يحجي لبابا وحجيتلها كلشي
اسماء::صدك تحجين ولج ليش محجه وكال حتى تأخذ حذرنه اني مكاعد اعرف بابا والله
نجود::لا والقويه اني هذا الولد اكول وين شايفته اثاري من اجو اخذو بابا هو جان وياهم وعيونه ماراحت من بالي واليوم بالكافتريا جان واكف كبالي ومن رجعت لكيته واكف كبال بيتنا يعني ماضام روحه عني لا بكل مكان اشوفه بس لا بابا متورط وياهم
اسماء اني هواي خايفه
اسماء:: لتخافين حبيبي اكو رب كريم كومي خلنسوي اكل اني هواي جوعانه ومااكلت جنت انتظرج
نجود::هزيت راسي وكمت وياها جنت حيل جوعانه سوينه اكل استونه خليناه ع الطاوله ودخل بابا كعد وكام ياكل واحنه هم كعدنه ناكل خلص جنت انتظره يحذرنه أو يكول لتطلعون كم يوم اكو ناس تراقبه بس عبث اكل وشبع وكام مافتح الموضوع ولا جاب طاري
راح واني باوعت ع اسماء حجيت شفتي مجاب طاري
اسماء::: اششش خلي احنه نحمي انفسنا منريد كلشي هو مو نفسه قتل امي كافي خلي نعتمد على ارواحنه ونوكف من جديد
نجود:: هزيت راسي وكمت رحت للحمام غسلت وطلعت كبل رحت طلعت كتبي وكمت اقرا لحد الفجر نمت لل٨
كعدت بدلت وطلعت وصلت للجامعه جانت ب٩ونص راجعت للامتحان صارت ب١٠اله خمسه رحت دكيت الباب سمعت صوت ادخل
دخلت جان الدكتور كاعد وكدامه اوراق حجه اهلا نجود
نجود:: مرحبا استاذ اني مستعده للامتحان
الدكتور اوس::: بس اني ماجاهز واممم ترا مو مجاناً ارجع امتحنج
نجود:: عفوا استاذ مافهمت شنو قصدك
كام وكف وحجه بهمس انتي عاجبتني وإذا طاوعتيني انجحج بدون امتحان
نجود:::احس النار صعدت براسي كمت مااشوف بعيوني تقربت عليه وحجيت لاانت ولاعشره غيرك ولا امتحان لوواعرف ارسب موبس ارسب لا اترك الجامعه ما اسمحلك تمس شعره مني جان بيدي الكتاب مال الماده الي ياخذنه بيها شمرته بوجها واني كل جسمي يرجف وهو واكف مصدوم مامتوقع مني هيج رد طلعت اركض من المكتب والطلاب يباعون بستغراب حسيت اني شكد تافهه والله اعلم شراح يكولن الطلاب عليه واني امشي ششبه ركض جنت حيل سريعه اريد اوصل لسيارتي انصدمت بشخص وكع مني الجنطه والكتب واني دنكت الم بيهم ودموعي يجرن واحجي ويه روحي سفيه ميستحي الله ياخذك بكد ابوي واني مستمره احجي ومتناسيه الإنسان الواكف كبالي ويلم وياي دكتور وروح وتعال طلع يدور سوالف ماصخه الادبسززز السفيه لومو امتحان لوواعرف ارسب ماادخل محاضرته بعد كمت عدلت اغراضي ورفعت راسي لكيته واكف مجتف ادينه ويباوعلي مبتسم
حجه ع كيفج اهدئي ومنو هذا الي مضوجج
باوعت نفسه هذا ابو عيون
حجيت انت انت شكو لاحكني شرايدين منعدنه ترا كلشي منملك تريد السياره اخذها بس شكو لاحكني
حجه
منو لاحكج ترا اني هنا معيد بقسم علم النفس
والصدفه الحلوه ترا اني بنفس منطقتكم
حجيت لعد من خطفو بابا انت موجنت وساهم ولابس قناع
حجه ؛؛هوب هوب سويتيني مجرم ع بختج
نجود::دفعته وحجيت أبتعد شكو واكف كبالي
عفته وراي وطلعت اخذت السياره ورحت افتر بشوارع والأسواق مااريد ارجع للبيت دخلت لمحل ملابس كمت اشتري مخليت شي بنفسي بس كله اسود
طلعت واني محمله باوعت مكتب تليفونات
دخلت اخذت تليفون وخط وطلعت رجعت للبيت دخلت واني وعلاليكي تلكتني بيبي
جانت تطبخ الغدا خليت الاغراض بالغرفه وبدلت وطلعت
نجود::شلونج بيبي
فضيله:: الحمدلله أربعين امج ماطلع وانتن تفرفرن هوواي حزينات ع امجن اختج نفرفر بحجة الشغل وانتي بحجة الدوام ويوميه محلات علاليك وجايات وابني خطيه ملتهي يجيب اكل وسيارات وفلوس
نجود::بيبي ماعندي ملابس سود وتعرفين انتي عندي دوام ولازم ابدل خما البس الوان
فضيله:: انه شلي دخل بس ابد مااحس بيجن حزنانات ع امجن وخاصتآ اسماء
نجود::نزلن دموعي والله محد يحس بالي جاي أمر بيه بيبي هاي امي البيت بدونها اظلم شلون منحزن
فضيله:: اي واضح هواي حزينات
نجود::عافتني وطلعت واني كعدت وشبعت بجي معقوله اني رحت اشتريت ملابس وامي مصار سبوعين من دفناها رحت ع العلاليك وكمت اشمر بيهن بكل مكان طلعتهن وجبت المكص وكمت اتفنن بكصهن دخلت بيبي عليه حجت
فضيله:: بيبي من كتلج محزنانه مااقصد تملخين ملابسج لا اقصد من اجيت لليوم ماشفتكم قريت قرأن أو صليتو لامكم اني مره جبيره وجانت امج اضوج مني كلما اصلي ادعيلها بصلاتي
نجود ؛::صدك صار من ماتت امي لليوم ماصليت الها ولاصليت ولافتحت القران الكريم كمت توضيت وجبت السجاده وصليت لحد ما تعبت رفعت راسي ودعيت ياارب انس روحها آلتي بين يديك واغفر ذنوبها ياغفور واجعلها لمحتي الأولى في الفردوس الاعلى
لميت السجاد واخذت دفتري وكعدت اكتب ودموعي يجرن
أمي هناك أوقات حزينة تمر بي
اقول فيها إذا كنت أنتِ موجودة لما حدثت تلك الأوقات،
فلو البكاء يُرجعك إلي ويُرجع أيامك معي لبكيت أبد الدهر يا أمي، كم أشتاق لك
لم يكسرني شيء سوى غيابك  عني،
أمي سيقتلني الصمت الذي يشتت عباراتي كلما ناديتك،
مازلت احتاجك معي بكل لحظه امر بها يارب مدني بالصبر
مسحت ادموعي بعصبية وكمت غسلت وجهي وكعدت بالصاله دخلت اسماء واخواني
سلمو ودخلو بدلو وطلعت اسماء اصب اكل دخل بابا هم سبح واجه كمنه ناكل حجه بابا لازم بأجر اروح للبغداد اليوم رحت للمركز وسمحولي اطلع من الموصل بأجر اروح االصبح وارجع الغطعصر وياي مفاجئه كلش حلوه
فضيله::: خير انشاء الله
نجود:: اسماء انطيني اللبن من يمج
اسماء::هاج اخذي
نجود::اخذته من أيدها شربت وكمت الحمدلله
اخذت القوري سويت جاي واسماء نقلت المواعين هي والولد وغسلتهم وديت الجاي لبيبي وبابا ودخلت لغرفتي غمضت عيوني بتعب نمت وهم تكرر وياي أحد كعد ع السرير ونام وراي وحضني وانفاسه الحاره حركت ركبتي كمزت ماكو ولا احد استغفر الله العظيم هاي صار ثاني مره واحس دقايق ومن اباوع ع الساعه الوقت فايت أكثر من اللازم نايمه باوعت جانت الدنيا ليل الساعه ب٩,,واني اذكر نمت ب ٣ بس عبالك نايمه دقايق استغفرت وكمت رحت غسلت وجهي ورحت لكيت الولد واسماء كاعدين يتفرجون ع فيلم
اسماء:::عشاج بالفرن
نجود:: هزيت راسي وكمت رحت طلعت اكلي سويت لفه ورحت للحديقه جانت بيبي تنطي مي للحديقه بس جان ريحة المي والهوى يجبرك تكعد برا
كعدت ع المرجوحه دخلت بيبي حسيت أحد يمي ويتنفس بقوة كمت باوعت كلشي ماكو شنو السالفة صايره اتخيل اشياء غريبه
دخلت جوا واني ارجف رحت طلعت كتبي وفرشتهن بالكاع وخليت كل فكري بالقرايه لأن بس اصفن الكه روحي الف موضوع بعقلي يفتر مديت ايدي بتعب وكمت باوعت ع الساعه جانت ب٢ كمت نمت واني اجبر روحي ع النوم اريد انهزم من الواقع مااريد افكر تعبت غمضت عيوني حيل كعدت ع صوت بيبي
كمت اخذت ملابس ودخلت للحمام اسبح كملت وطلعت لبست ملابسي ورحت للمطبخ
لكيت أسماء وبيبي متناكرات
اسماء::: بيبي لتلعبين بغراض امي ولاعليج بيهم ملابسها ممنوع تطلع من الكنتور
فضيله:: ولج سويمه اني شلي دخل ابوج كال من اجي والكه عرض بغرفتي العلياء احرك البيت
اسماء:: اني مااروح اليوم وأشوف شلون يحرك البيت
نجود:: اسماء أخذي جنط وخلي ملابسها وغراضها وخليهم بغرفتنه
اسماء:: لا نجود خطيه هاي امي شلون نخفي اغراضها
نجود:: ابعد عن الشر وغنيلو بابا صاير بهل ايام تصرفاته غريبه وانتي من تعاندين يزود فيا اختي اني هم مااروح للدوام ونجمع اغراض امي ونضمهن
فضيله::ولج يمستوره شضمين منهن ولج انطيهن بثوابها اكو هواي ناس فقيره تترحملها
نجود::اي اسماء ليش انضمهن خلي ننطيهن انتي أخذي ذكرا واني هم والباقي نوزعه بثوابها
اسماء:: كلبي ميينطيني انطي ملابسها شلون مااكدر والله
نجود:: تقربت عليها وحضنتها حجيت امي كاعد اشوفنه والمفروض نصيب قويات لخاطرها حتى نساعد اخوتي يكبرون وياخذون شهايد تليق بيهم
اسماء::اي كومي لعد ماضل وكت حتى نعزل البيت بطريقنه
نجود:: دخلته لغرفتهم نزلنه الجنط الكبار وكمنه نخلي ملابسها وغراضها فتحت كنتورها جان اكو علبه حمره بيها ذهبها
طلعته اسماء وكالتلي أخذي الج اني مااكدر البسهم هي كالت هذا النجود
نجود:: أخذتهم بستهم وحضنتهن دموعي غسلنهن اخذت اسماء سوار والباقي نطته الي

كمنه كل الملابس واخذتهن اسماء خلتهن بسياره وراحت تنطيهن لناس فقره
اني لزمت كل البيت كلبته كلاب نضفته من كل كلبي ولتحسين بتعب باوعت بالصاله جان اكو دم باقي ع الحايط رحت تقربت عليه لزمته بيدي فزيت ع صوت امي تحاجيني
ها نجووود ارتاحيتي وكعتيني بشر اعمالج
وضل ينعاد الصوت عليه لحد ما لزمت راسي وكعدت بزاويه وابجي بصوت لا ماما والله اني ماعليه والله اجت بيبي تقربت عليه وحجت فضيله::شبيج بيبي تحجين ويامن
نجود:: بيبي جانت امي هنا وتحجي وياي
فضيله:: ياستار كومي كومي الضاهر تخبلتي بس لا راح تورثين الخبال من خوالج امدا حضك ياعلي لا مره مثل النسوان ولا بنات
نجود:: كمت رحت للغرفه نمت على وجهي واني اشهك وابجي احس أحد كعد يمي سمعت صوت السرير شلون واحد كعد عليه كمزت كلشي ماكو
فرشت بالكاع ونمت حسيت ع صوت اسماء تكعد بيه كمزت وباوعت عليها شبيج يمعودا
اسماء:: انتي لو اني بابا خابرني يكول حضرلي عشا وياي ٣نفرات
كومي خلنروح نسوك
نجود ':: بيش الساعه
اسماء:: ب٤
نجود:: جذب حيل كل هذا اني نايمه
اسماء:: كومي يله
نجود:: لبست فوك تراكي ترواكه وطلعت ه
باوعتلي
اسماء:: البسي شي زين لأن ننزل بنص السوك
نجود:: دخلت لبست بينصل اسود وفكاه بشت
سويت شعري كبايه وطلعت
صعدت بسيارتها ورجعت الكرسي ليوره ونمت باوعتلي وحجت
اسماء:: اخوتي صابره تنامين شنو السالفة
نجود:: جسمي يوجعني واحس بنحول مو طبيعي
اسماء:: لأن متاكلين
نجود:: شلون اكل وامي متاكل
اسماء:: ومنو كالج متاكل اكيد امي بالجنه امي ماتت مضلومه
وانتي اكثر وحده تعرفين هذا الشي
نجود:: ها ها اي بس شلون اني أعرف مضلومه شنو تقصدين
اسماء:: اقصد انتي اقرب وحده ع امي وتعرفيها كلش زين
نجود:: اي صح
اسماء:: يله انزلي
نجود:: نزلت وياها وهي راحت ع ابو المخضر تشتري وترجع ليوره
كملت وراحت ع ابو الدجاج اخذت دجاجتين وراحت ع ابو اللحم اخذت ورجعت اخذت فواكهه اباوع اني الساعه صارت ب٥
حجيت ترا ماضل وكت لوماخذه عشا من المطعم احسن
اسماء:: هو راح اخذ عشا من المطعم بس بابا كال احسبو الريوك والغدا
نجود:: ها زين
راحت اخذت ريوك وطلعنه نزلت يم مطعم اخذت عشا خطيه فرحانه وتسوك متعرف منو جاينه حسبالها واحد من عمامي وعائلته اني اعرف بيها تحب واحد من ولد عمامي بس منو مااعرف
كلنه كلشي اجت شايله لفه وعصير نطتنهن الي اني جنت كلش جوعانه اكلتهن ومشينه وصلنه لكينه بيبي كالبه خلقتها وتحجي
نجود::شلونج بيبي
فضيله:: بس يجي ابوج اخليه يرجعني لبيتي
نجود:: ليش هيج شنو سوينالج اني احجي وياها واسماء تحضر بالزلاطه وتحضر بطاوله ماضل شي ويصلون اني هم اخذت العصائر والمشروبات والبن حضرتهم وبيبي
تحجي
فضيله:: مخلياتني حالي حال الجهال وانت تسوكن ليش مااخذتني
اسماء:: والله بيبي احنه رحنه للسوك وادري بيج مريضه موحمل فراره بس منا وهيج اخذج ويانه
نجود احنه ونحجي دخل بابا سمعته صاح ها يمه وينكم
فضيله::: هنا يمه هنا
كامت بيبي تعدل بشيلتها وبثوبها
اسمع بابا يحجي ادخلوا ماكو غريب ادخلوا
اسماء:: ابتسامتها بانت وعيونها ضحكت
دخل بابا وشايل طفله بيده وراه مرا كايده ولد بعمر ٥سنوات
علي:::اعرفكم على امكم وهذوله اخوتكم.....
نجود::: بيبي لطمت واسماء بدال الابتسامه صارت دموع واني رجليه بادت وكعدت بالكاع....
يتبع....