بخطواتي تعثرت

آلبارت الرابع من رواية بخطواتي تعثرت

البارت الرابع من رواية #بخطواتي_تعثرت....

تبدو مخيفة سرعة الأيام .. تجري بنا دون ان نشعر .
تمشي بأقصى عداد سرعتها ..
ثم نتفاجأ أننا وصلنا للنهاية ونحن نشعر أننا لم نبدأ بعد ..!

نجود ؛؛: صوت انفجار وطفت الكهرباء كلنه انجمعنه يم بيبي ونرجف جان الموقف مخيف إلى درجه نريد من بيبي الأمان وهي اصلا خايفه أكثر من عدنه
شغلت ضوء تليفوني واسماء حجت
اسماء:: عبدالله تعال وياي نطلع بالكراج نصيح أحد يساعدنه بلكت الجيران يسمعون صياحنه
عبدالله::خاف واكفين ورا الباب ويموتونه اني اخاف مااطلع
نجود::كومي نطلع اني وياج اذا بقينه كاعدين يجوز يدخلون يذبحونه ويطلعون
كمنه اني واسماء بعدنه مامشينه وجان نسمع صوت مشي فوك البيت وهو طابق واحد وباب البيتونه خايس أقل ضربه ينفتح طلعنه نركض وبيبي كامت تصيح يبوووو نولينه يبووو راح يذبحونه الحكوووونه يبووو
طلعنه اني واسماء وكفنه بالكراج وكمنه نصيح بعلو صوتنه الحكوووونه حراميه ياعالم الحكوونه
اسماء,::باعي هذا انهزم
نجود ؛:باوعت جان اشوفه يكمز من فوك البيت وطلع من باب الخلفي ويركض أجو ناس كامو يدكون بالباب رحنه نركض فتحنه الباب جانو جوارينه كلهم ملتمين ع صياحنه دخلت ام ياسر ورجلها وابنهم ياسر جانو اقرب الناس علينه ودائماً ام ياسر تجي يم امي من نروح للدوام دخل مشغلين ضوء كالو شكو خما اكو شي ليش تصيحون
اسماء:: حرامي جان هنا وصوت انفجار سمعنه والكهرباء طفت وبعدها كمنه نصيح نريد أحد يساعدنه لان بابا بالمستشفى وامي يمه واحنه ماكو احد غير بيبي
ابو ياسر:: شو ياسر شوف الكهرباء وانتو يأبه تعالو اندور خاف بعدهم هنا ولو اني متأكد اذا اكو احد وسمع صياحكم هسه طفر
نجود:: جان يحجي بمزح يريد يخفف علينه لان جان حالنه يرثى له خايفين نرجف وكهرباء ماكو وحالتنه حاله
دخلو إلزلم يدورون وياسر راح ع الكهرباء
طلعته بيبي واخوتي بالحديقة وام ياسر يمنه وره نص ساعه اجو الشرطه وكامو يحققون
ويه الناس واجه دورنه كل جسمي يرجف اخاف اي اخاف من شي اسمه شرطه لأن شفت شلون عذبو ابن عمي صحيت من صفنتي ع صوت اسماء
اسماء::كومي وشيسألوكم كولو منعرف ماشفنه شي
الكل::اي صار
نجود::اجه الضابط وجان لابس قناع اسود ما مبين منه شي غير عيونه وهاي العيون اعرفها بس هو ماحجه شي وياي ولا ويه اخوتي دخل واحد ثاني ومبين مثل رتبته هو سألنه واحنه كلنه جاوبنه مثل مكالت اسماء عافونه وراحو بعد ما هجمو  البيت بحجة يدورون ع الحرامي
شغل ياسر الكهرباء وكال
ياسر ؛:؛ترا شغلت جطل لازم اجيبون بأجر كهربائي
اسماء:: شكرا تعبناك
ياسر::لا ولو انتو تأمرون يله اني اترخص
نجود::راحو الناس وصارت الساعه ب٢ واحنه النوم مامر على عيونه
كوه جبرت روحي انام واني افكر بهذا الضابط الي شايفه عيونه بس وين مااعرف
اسماء '':: نجووود كوومي تنبل خما تنبل
نجود ،:: ها شكو شبيج
اسماء:: كومي الساعه ب٩واني راح اروح اجيب بابا
نجود ؛:: كمزت من مكاني حيل ليش مكعدتوني من وكت
اسماء:::وكع لساني ولسان بيبي وانتي مكعدتي يله ديري بالج ع روحج وع الولد وكومي كملت كلشي وسويت غدا بس كومي
نجود ؛؛: وحدج عزلتي البيت وسويتي غدا والله سبعه والبارحه الشرطه كلبووه
اسماء ':: لا اني وبيبي وام ياسر
بس كوومي راح اتأخر
نجود:: روحي كمت رحت غسلت وجهي ورحت للمطبخ فتحت الثلاجه وطلعت صمونه حميتها وخليت بيها جبن اكلت وكمت رحت يم عبد الله لكيتته كاعد يرسم جان مبدع بالرسم
حجيت
نجود::ها عبدو شكاعد ترسم
عبدالله::ارسم الشرطه من دخلو علينه
نجود::كمت رحت وكفت كبال اللوحه جان راسم بقلم الرصاص بدون الالوان
بس جان الرسم عبالك صوره حقيقيه
ماشاء الله تبارك الله عاشت ايدك يا فنان
عبدالله::هسه من اكمل هاي اللوحه ارسمج
نجود ؛؛ متفقين بس مو اليوم لان بابا راحو يجيبونه من المستشفى
عبدالله:: من يطلع بابا اكله نشيل منا اني كرهت هذا البيت أحسه مسكون
نجود:: اووو عبدالله انت هاي السوالف متبطل منها مسكون واشباح اكوم اسبح احسن
طلعت من عبدالله ورحت اخذت ملابس ودخلت للحمام كاعدا اسبح وخليت وغف ع راسي حسيت أحد يراقبني اهووو هذا عبد راح يخبلني بهاي السوالف رفعت راسي جان باب الحمام بيه زرف من يم السركي
اكو عيون كاعد تباوع عليه بدون وعي كعدت وخليت ايدي ع جسمي وعطت بصوت عالي مااااااماااااا
اسمع صوت اخواني عبدالله وصالح
عبدالله'::: ولج شبيج نجود تسمعيني
نجود ؛؛من سمعت صوت اخوتي كمت عسريع لبست وطلعت اركض واختلفت يمين ويسار وارجف تقربت ع عبدالله وحضنته اطلب منه الأمان هو هم خطيه حضني وصالح هم حضني اخذوني للغرفه غطوني ونمت واحد يقرأ عليه قرأن والثاني يفرك بديه نمت حسيت ع صوت امي تكعد بيه
كمت فتحت عيوني وحضنتها حيل وكمت ابجي
علياء::شبيج ياامي منو وياج
نجود::مابيه شي بس مشتاقه الج ولبابا
علياء::كومي ابوج اجه ويريدج
نجود ؛::كمت رحت للصاله رحت سلمت عليه وبست راسه وهو اصلا ماباوعلي حسيته متغير مااعرف ليش خفت منه رجعت لسوره وكعت ع ضهري
امي تقربت عليه وكومتني كعدت ع القنفه ووبيبي يمي تبجي وتمسح بعيونها
ماما شبيه بابا ليش ميحجي
علياء::مابيه شي بس لأن بعده يحس بوجع خلوه يرتاح ويرجع ابوكم مثل قبل
اسماء::كومي نجود خلنصب الغداء
نجود:: هويت راسي وكمت. وياها صبينه الاكل بابا امي اخذتله بصحن وكلته واجت تاكل ويانه مفتحته اي موضوع كملنه اكل وكلمن راح لغرفته اني اخذت تليفوني واتصلت بسيف بس مارد خليته يم راسي ونمت كعدت المغرب ع صوت امي تكعد بيه وتحجي عليه شلون انام بهيج وقت
هي تحجي واني اخذت التليفون وفتحته اريد اشوف رساله مكالمه بس ماكو كلشي بجيت امي من شافتني ابجي تخبلت
علياء:: ليش تبجين احجيلي منو وياج
نجود:: مابيه شي بس ضايجه
علياء:: بأجر داومي ولضلين حابسه روحج بالغرفه موعندج صديقات خابريهن واحجي وياهن غير جو اطلعي بالحديقة اقري بس نايمه وتبجين شلون تريدين ترتاحين
كمت طلعت رحت غسلت ولميت شعري وطلعت باوعت جانت الساعه ب٧
رحت اخذت لفه وطلعت بالحديقة شايله التليفون واكل اندك الباب رحت فتحته جان ياسر
ياسر:: السلام عليكم
نجود::وعليكم السلام
ياسر:: ابوج موجود عندي
موضوع وياه
نجود:: هزيت راسي وسكتت بس ترى بابا بعدا مريض. اذا موضوع يضوج لتحجي وياه
ياسر:: ها عجل خليها غير مره اترخص
نجود:: مرخوص هو راح وانفتح باب بيت سيف جان سيف بكامل اناقته وعطره وصل يمي باوعلي وحجه
سيف:: شعندج واكفه ويه هذا السكط
نجود:: جان يسأل ع بابا وجاوبته وانت شدخلك ها لواهمك جان رديت على اتصالاتي
سيف:: ادخلي جوا لا اجي اكطع راسج
نجود ': يمه خفت حيل
مااحس اله صار كبالي ولزم ايدي وحجه بهمس وحق ربج لوما الناس والعالم منا اله الزمج امسح بيج الشارع
نجود:: نتر ايدي ودفعني واخذ الباب بيده سمعت صوت سيارته حرك بس الشارع يمكن تفليش شحط السياره وراح
طميت كصتي ودخلت جوا لكيت امي تبدل ملابسها وبابا نايم بالاستقبال وبييي يم أسماء مااعرف صايرات ربع
مر الليل وصار الصبح بدلت وطلعت للجامعة بسيارتي واخذت اخواني بدربي للمدرسه مالتهم وصلتهم وانطلقت للجامعه
وصلت وخليت السياره بالكراج وطلعت اريد اروح لأن الكراج يبعد عن الجامعه ولازم اخليها هنا كاعد امشي ومااحس اله سيف الدين لازمني وحجه امشي وياي عندي موضوع لازم نحجي بيه
دفعته وحجيت أبتعد وين اروح وياك متستحي
سيف:: انتي مريضه وتفكيرج كلو اجرام امشي عازمج ع فنجان قهوه
نجود:: هزيت راسي ومشيت صعدت بسياره وهو يسوق خليت راسي ع الجامه وحجيت ليش ماجاوبني صار يومين اتصل ومترد!!
سيف::جنت هواي مشغول جان عندي شغل شفتين اسف
نجود:: ترا مااشغلك لوبس مجاوبني وكايل اني مشغول بعدين نحجي
سيف:: مره ثانيه عو اكلج
نجود:: يمشي بسياره واخذني لطريق ترابي حجيت وين رايحين؛!!!
بس جان ميرد رحعت كررت السؤال كلت يجوز ماسمع سيف الدين وين رايحين!!!
سيف:: اوكفي مفاجئه عندي الج لتخربييها
نجود:: شكت ماتوقعت يسويلي شي جيرانه ويشتغل بالدولة يعني مأمنه بيه
صار الطريق ساعه واحنه نمشي والشارع ترابي مو تبليط ومنا ومنا صحراء كلشي مابيها مااشوف غير رمال
من بعيد شفت شارع علم اخذت نفس ضعدنه والشارع العام صار ساعه واحنه نمشي طلعنه ب٨ وهسه ب١١وهذا كله طريق تعبت ونمت كعدت ع وكفت السياره وهو يصيح بااسميي لكيت كدامي مزرعه وبيها بيت جبير نزلت وهو نزل وراي لزم ايدي وكال
سيف:: شنو رأيج بمملكتي وانتي راح تكونيين الملكه
نجود:: خفت بس سويت روحي مخايفه قويت نفسي وضحكت ههههه ها والله حلوه اجنن يله خلنرجع اني راح اتأخر الوقت راح يروح
تقدم فتح الباب وصاح تعالي شوفي من جوا احلا
دخلت واني رجل ورا ورجل كدام خايفه حيل بس جابره نفسي اتماسك وأبين اني مخايفه واصلا اني خارطه من الخوف
جنت جاهله ومراهقه ومااعرف اصرف اصلا والغريب بالموضوع انو اني طاوعته واجيت برجليه وياه ومااعرف عنه اي شي غير اسمه ويجوز حتى اسمه جذب باوعت عليه لكيته يحجي وياي واصلا مااعرف بشنو يحجي تفكيري مويمه صحيت ع صوته
سيف ؛:هانجود ادخلي جوا شوفي مملكتج
نجود ؛:: دخلت وكعدت ع اقرب كرسي حجيت يله سيف خلنرجع ترا الطريق طويل واني تعبت وإذا تأخرت اهلي راح يقلقون
سيف::بعد وقت خلراويج البيت والمزرعه
نجود::لا سيف غير مره الله يخليك رجعني
تقرب عليه وكعد مقابيلي وجرني لحضنه اني جمدت بدمي حجيت بين دموعي سيف الله يخليك ابتعد عني
لزم وجهي بين أيديه وباسني من شفتي دفعته وكمت وخر وخر عني امسح بشفتي بقرف كرهت حالي اجه حاوطني وحجه
سيف::: اكدر اخذج هسه لضلين تكمزين بس اريدج بالحلال
نجود ؛::هزيت راسي بقبول بس اريد اخلص من هالمكان طلعت اركض وهو وراي فتح السياره وصعدت اباوع ع الساعه ب٣ وصلني للكراج نزلت واخذت سيارتي وطلعت وصلت للبيت ابجي منهاره وقرفانه كبل نمت بملابسي حسيت ب٦كمت اخذت ملابس ودخلت للحمام سبحت ع سريع اخاف لاتتكرر وأشوف العين الشفتها طلعت ع السريع ورحت للمطبخ لكيت  امي تكلي كبه وبتيته اخذت كبايه واكلتها حجت امي
علياء::اليوم تأخرتي
نجود::ها اي جان عدنه محضارات اليوم ورحت للمكتبه قريت شوي
علياء::خير انشاء الله
يله سوي زلاطه وياي
نجود:: كملت الزلاطه وامي طفت الطباخ طلعت اسماء شايله كتاب روايه جديده
ها سومه اليوم جايبه رواية جديدة
اسماء:: اي والله كلش حلوه هاي الروايه تحجي عن بنت خطيه فطيره واستغلها البطل
نجود:: اخذنه الاكل يم بابا بس بابا ميحجي ابد وبس صافن ومبين ضايج اخذت امي صحنه وكأنه واجت كملت اكلها بيبي ساكته وإذا تحجي لازم تخلي امي تكمز لأن كلساع تضربها بمسمار
فضيله:: هاي مره أهل علياء عزمونه ع عرس اخوها ورحنه ويه علياء واول ماوصلنه اجت امها جايبه حطب  وصاعده ع المطي ههههه
علياء::عمه موكت هالحجي
فضيله:::ليش تستحين من جهالج ترا عادي
علياء::ليش استحي امي جانت هي الاب والام جانت معيشتنه بشرف ع الأقل ماراحن وطلبت من أحد جانت تخبز ع الطين للناس حتى تعيشنه وهاي اني صرت مدرسه وأخواني كلهم واصلين
فضيله::شنو قصدج اني طلبت من أحد وموشريفه يبوو انهانيت بيت ابني ونهانيت
علياء::منكال هاحج أني ضربت مثل والأمثال تقال ولا تقاس
فضيله::لا قصدج اني
علي:: كااافي ارحموني كوولوو هذا الرجال نايم مريض ارحموووني
نجود:: كام ع حيله متوجع بس رحت اركض اريد إسناده دفعني ولزم الباب وطلع ايده مكسوره ورجله ملفوفه وراسه ملفوف وطلع صاح ا
علي::: اسمااااء جيبيلي مفتاح السياره
نجود::امي لطمت ع صدرها
علياء::: راح رجلي راح الظلمه يبووو وين بيك تسوق
نجود::طلعت تركض وراء
علياء:: الله يخليك ادخل والله ماافك حلكي واحجي والله بس ادخل
نجود::: كوه دخلته جوا واحته كلنه طلعنه
مرت الايام والأشهر وصار شهرين ع الحادث بابا رجعت عافيته وفتحو الجبيره وكام يمشي ورجع يشتغل جان فاتح سوبر ماركت ومخلي بيه عمال وهو يروح يشرف على العمل ومو يوميه يروح من يضوج بس بهل ايام كام يروح يوميه
وسيف جان يتصل واني ماا جاوب والدوام جنت اخلي اسماء توديني واجيبني اليوم ماعندي شي ومارحت للجامعة كاعده بالبيت صاحت امي راح اروح اجيب مسواك مااتأخر اخذت سيارتي وراحت
كاعدا اكلب بالفيس وره  ساعة سمعت صوت الباب انفتح كمت عبالي امي رجعت دخلت للمطبخ وانصدمت رجعت ليورا وانطخيت بالباب
وهو واكف مجتف ادينه
ويباوعلي مبتسم
سيف الدين:::: تتهربين مني رقمج
رقمج غيرتيه الجامعة اختج توصلج وومتطلعين اله هي تدخلج!!!
نجود:: اجه يمشي بتجاهي بثقه وحسبالك البيت بيته مخايف من اي شي واني ارجف
جليت صوتي وحجيت انت شلون دخلت للبيت اطلع منا في لا الم الجواين عليك
سيف:: اي عادي صيحي وعيطي اني اكلهم هي فتحتلي الباب وصاحتلي واني رجال وانتي بنت انشوف منو ينفضح بالمنطقه!
نجود:: انت شتريد مني احجي وارجع اريد اوصل لغرفه وادخل واقفل الباب بس هو جان اذكى مني لزمني من ايدي وحجه وحق ربج اذا فكرتي تفكير تنهزمين مني احرك البيت وانتي بيه واعوفج واطلع
نجود::: انت شرايد كلي شتريد مني
سيف:: اريدج جنت رايدج بالحلال بس هسه لا لوتموتين مااخذج بس اريد امتع غريزتي بيج واطلع
نجود:: فتحت عيوني بصدمه شنو شننو تقصد اني واحجي نزع البدي الجان لابسه وتقربلي كام يبوس بيه بوحشيه ادفع  واضرب بيه بس عبث زاد لحد ما سمعت صوت السياره وانفتح باب الخارجي
حجه وحق ربج اذا حجيتي شي ادمرج دخل لغرفة امي والبدي مالته بعده بالصاله شلته وخليته ورا القنفه وعسريع عدلت نفسي دخلت امي كالت
علياء:: يمه موت حر اروح ابدل وانتي روحي جيبي المسواك
نجود:: هزيت راسي وطلعت وامي نزعت الشال ودخلت اني طلعت وبابا دخل يباوعلي باسني وطلع اني هنا ماتتن رجليه امي بالغرفه وسيف يمها وبابا دخل عليهم
سمعت صوت بابا حجه لايا حقيره ادخلييييين زلم لبيتي وراها دخلوو اسماء والولد للبيت اسماء جايبتهم وياها هم وبابا
اني هنا  انتهيتت...
أنا مكسورة يا أمي
هنالك، ذلك الثقب في قلبي
كلما سمع بإسمه يزداد حجمه..

انا حزينة يا اماه
ارتاب من كل شيء
حتى وقع الحجر
اخاف فقداني و فقدانك..
لم ابتسم منذ ايام يا أمي
لم استطع اخفاء تلك الملامح على وجهي
ابنتك تنهار
تموت شَيئا فشيئا.
يتبع.....