بخطواتي تعثرت

الرابع والعشرون

البارت الرابع والعشرون
من #رواية_بخطواتي_تعثرت ⭐⭐
#بقلم_دينا_ال_سلمان...,⭐⭐⭐

‏سلام علينا
نحن الهادئون وفي داخلنا ضجيج معركة
الباردون وفي القلب نار
الموجوعون بلا أنين
الضائقة عليهم صدورهم
المتعبون الذين ليس لديهم وقت للاستلقاء لأن الجنود لا يستلقون أثناء المعركة وإن أثخنتهم الجراح
المخلوعة أكتافهم ولكنهم يسندون الجميع
حُماة ثغورهم كي لا يُؤتى أحد من قِبلهم

نجود::عزاا بعيني ولج اني شعليه عزاا وين مااروح المصايب وراي
مشااعل:: انتي عش تنطيها تليفونج
نجود/::كسرت خاطري ولج
احنه نحجي انفتح الباب ودخلت اختها عزيزه
عزيزه ':الله لايوفقج هجمتي بيتي
مشاعل ':كولي ياالله عزيزه هي شعليها
نجود: اني مدخلني لتحملوني اغلاطكم
عزيزه::لو ما انتي شلون تخيرو
نجود:: هي اخذت التليفون بدون مااعرف
عزيزه::يبوو يبووو راح ابو بيتي
نجود:: انتي شلون الج نفس بعد السوا تكولين ابو بيتي ترا هو خانج ويه اختج وحبلها
عزيزه:: تعال ليه يخيي انه تالي عمري وحده اجنبيه تعيرني يبووو
نجود:: كامت اشلع ابشعرها وتعيط دخل وطن وفراس ع عياطها
وطن ': عش تصارخن متكولين عالم جوا
عزيزه: ولك حرمتك تعيرني
نجود:: والله محجيت كلشي
وطن:: انلصمي يويل مااسمعو لحسج والله اذا طلع الج يد بهزيمتها اله انحرج ومايرفلي جفن
نجود:: والله اني مدخلني هيه اخذته بدون علمي
عزيزه:: يخيي كلي شلون اخذتو وراحت مفكرت بجهالي وبخيتها انهجم بيتي يخيي
فراس:كومي انزلي جوا والله يحلها
نجود:: اخذها فراس ونزل ومشاعل اخذت الاكل وطلعت
وطن:: نجود احجيلي اذا تعرفين شي
نجود:: والله مااعرف كلشي هي اخذت تليفوني واني رحت كالت اريد العب بيه
وطن؛:   نجود انه موجاهل اكيد متنطينها اذا محجتلج
نجود:: شتحجيلي مثلا ترا اني ماعليه بمشاكلكم اخذت التليفون كالت اريد العب ضايجه
وطن:: يصير خير الكاها خما راح اطير
نجود:: عافني وطلع وركع الباب وراه
كعدت ارجف عزا اذا عرفوا حجتلي واني نطيتها تخابره يحركوني أستغفر الله اني شعليي امداني
طلعت ملازمي وكمت اقرا لحد مصار الليل حسيت بطني وجعتني من الجوع
كمت طلعت الجو هدوء ماكو احد يمكن كلاص نايمه دخلت للمطبخ طلعت كلاص خليت بيه مي اسمع صوت أحد يخابر بره تقربت ع الباب فتحته على كيفي وطلعت اتمشا بهدوء والكلاص بيدي
لكيت وطن كاعد منتجي ع المرجوحه ويخابر

وطن:: اصبري حبيبي
::
وطن؛:اممم حقج بس يابه والله المشاكل واصله لرأسي
::
عجل شلون غير انتي ام ابني
::
هههههههههههه احبج والخضر ابو محمد

, نجود:: وكع الكلاص من بين ايدي وشهكت
هو كبل كام وباوعلي
وطن: لتفهمين غلط نجود
نجود:: كعدت بالكاع وخليت ايدي ع حلكي اكتم شهكتي
تقرب عليه دفعته حيللل وفتحت عيوني وشهكت مصدومه اني اول مره كلبي ينبض لشخص وكسرني
كمت اريد اهرب من الاني بيه كمت لزمني من ايدي وحجه
وطن:: نجود بس اصبري خلي افهمج
نجود:: رفعت ايدي بوجهه وحجيت
طلكنيي
وطن:: كولي ياالله شجرالج يبه عش هيج تحجين بدون عرفه
نجود:: طلكنيي طلكنيي كمت اضرب بوجهي واعيط طللللكني هسه اطلكنيي الله ياخذك حقير تقرب عليه دفعته وكمت اضرب بيه بصدره وهو اصلا محاول يدافع عن نفسه أو يبعد أو يلزم ايدي
ع صياحي طلعو فراس وخالد وام ناطق وعزيزه ومشاعل
حاوطني وحجه بهمس فضحتيني سدي حلكج
نجود:: هسه اطلكنيي بعد ماابقى لو سااعه هناا طلكني
اجت مشااعل اخذتني من يمه وحضنتني
مشااعل: عش هيج تحجين شعامل وياج يخيه
نجود:: اخووج مززوج وعنده ولد هماات يضحك عليه ويستغفلني سلمته نفسي وكسرني
احجي بحركه كدامهم كلهم من حجيت هيج
صاح فراس
فراس:: صددك مزوج وعندك جاهل يويل
وطن::: اي مو اليوم قبل اسنين يويل ماتنلصم
نجود::  طلكني احجي واشهك
مشااعل:: تعوذي من إبليس وتعالي نخش جوا والصباح رباح يحلها الحلال
نجود ؛:: كعدت بالكاع وكمت الطم واصيح محد يحس بيه
تقرب وطن كعد كدامي وحضن راسي
وطن:: وحق الله السالفة موهيج هاي بنت خالتي عقلها موشي وإذا مااحجي وياها تتخبل وامها واكفه بعيني واصلا ماكو لاجاهل ولاشي
هاج اسمعي
نجود:: رفعت راسي خابر خالته
حجت
ها حاتم يمه نامت رويده
وطن:: خاله احجي الصدك اني مزوج رويده وعقلها شبيه
خالته:: لايمه بس رويده عقلها موشي من ماتو رجلها وابنها انت تكفلت بيها ولما انت جان انتحرت ربي يرضى عليك
نجود:: اخذت التليفون من ايده وحجيت
خاله بداعت عزيز كلبج مزوجها لو لا عدهم جاهل لولا
الخاله: وحق الحق ماعدعم جاهل وصح بس عاقد عليها بس ما فد يوم تقرب عليها لأن عقلها موشي وكلما تذكر ابنها ورجلها تتخبل وحاتم يخابرها حتى يخفف الضغط عليها وانه بأجر اجي واجيبها وياي وشوفي وحكمي انتي انتي نجود مو
نجود:: اي اني احجي صوتي مطبك من الصياح
الخاله:: متدرين شكد يحجي بيج اني بأجر اجي ونحجي كلشي
نجود:: هلا بيج خاله
سديت الخط وكمت بدون تعليق صعدت لغرفتي وقفلت الباب كعدت اباوع على روحي
اني ليش هيج سويت وإذا خابر ليش هيج وحتى إذا مزوج اني شكوو هو كال اتكفل بيج لحد متخلصين دوام اني ليش هيج فضحته كمت غيرت ملابسي وحضرت ملابس للجامعه ونمت حسيت أحد يدك الباب كمت بين النايمه والكاعده فتحت الباب ورجعت نمت  كعدت ع صوت المنبه فتحت عيوني لكيت وطن نايم بالكاع وحده بدون غطا كمت غطيته وبدلت وطلعت لكيتهم يتريكون صبحت عليهم
حجيت
فراس تكدر تأخذني للجامعه
ام ناطق:: اي ليش لا روحي باليل سويتي فضيحه وهسه لابسه بنطلون ومفرعه وتريد فراس يخدمها
فراس:: عش يمه فضيحه شنو غير زلمتها وتحبو من حقها تسوي كلشي اتريدو
يله امشي
طلعنه اني وفراس
فراس:: تحبين وطن
نجود:: باوعت عليه يحجي وياي ويباوع على الطريق ويضرب باصابيعه ع الستيرن
نجود:: موقصة حب بس زوجي وشريك حياتي اكيد لوغيري هم هيج اسووي
فراس:: تحبينو موو
نجود:: اني وين احجي وانت وين
فراس :: حجابج وين
نجود:: بعدني مامتعلمه عليه وزوجي قابل اطلع بدون حجاب انت شكو تدخل اذا ع التوصيله بعد مااريد احد يوصلني اشتري سياره واخلص
فراس:: اعتذر هم صح أنه شلي دخل
نجود:: سكتت وهو شغل الراديو
طلعت اغينه
نفحه من الورد ومن الكمر طلعه ولك عمري نكضه
نفحه من الورد ومن الكمر طلعه
ولك عمري انكضى شمعه بأثر شمعه
ضوكني هواك الضحكه والدمعه
نطرت هلال وصلك والحصاد غيوم
ليله يوم
اباوع عليه يغني وياها
حجه وصلنه
نجود:: شكراً
فراس:: ادللي
نجود ،: نزلت دخلت للقسم لكيت ميعاد كاعده تقرا كعدت يمها بدون سلام خليت راسي ع الستول
ميعاد::. شبيج نجود
نجود::. اريده لوطن ومااريده اغار عليه ومااحبه
ميعاد:: انتي منتهيه حالتج ميؤس منها اكيد وكعتي بحبه