بخطواتي تعثرت

الثامن عشر ⭐

#البارت_الثامن_عشر ⭐⭐
من رواية #بخطواتي_تعثرت
#بقلم_دينا_ال_سلمان⭐⭐🌟
‏ربما هي ضربة بسيطة وتافهة جدًا، ولكنها وقعت على جزء رقيق منك، جزء سري لم تحكِ عنه لأحد ، حتى أنت تتحاشى أن تتحدث عنه مع نفسك.

ابو شاهين:: اني ماعلي هو كال اخذها لبغداد وامنعها من الدراسه وزوجها لشاهين هاي وصيتي...
نجود:: خليت ايدي ع حلكي ودموعي نزلوو
بجت رفل مسحت ادموعي عسريع ودخلت
باوعولي بستغراب حجيت
نجود:: السلام عليكم
أبو شاهين::هلا شسووين جاايه هناا

اسماء::نجوود موكتلج ضلي بالبيت
نجود ':رفل رفل بس تبجي تريدج اخذيها
يمج
اسماء::جيبيها
نجود::نطيتها الها وضليت واكفه حجه عمي
أبو شاهين:: ارجعي للبيت نجود
نجود::بس اشوف بابا
اسماء::بابا نايم نجووود وميريد يشووفج رووحي للبيت روووحي
نجود::تحجي من بين اسنانها وعمي عيونه حمر يريدن يطكن

اني اني مااروح اذا مااشووفه ليش مانعيني منه ليش
اسماء:: نجود روحي تنتكس حالته روحي الله يرضى عليج
نجود : لااا ماااروووح مااروح مو انتي تمنعيني من بابا اذا مااشوفه واشرحله كلشي ماااارووووح تفهمييين
مااحس اله راشدي طير صفحة وجهي
صاحت اسماا
اسماء:لااا لاا عمي مو هيج لاا منو سمحلك تضربها
أبو شاهين::خااف عبالج ابوج منطيجن مجان ورراخيلجن الحبل اني افل الحب واشنقجن بيه يله انكلللعي نجووود لتخليني اتخبل عليج
نجود::فاتحه عيوني بصدمه ومخليه ايدي ع وجهي شهكت مهضومه حجيت
منووو انت وتضرربني شااايف نفسك منوو سمحلك منوووو اذا تمدها انووب اكسرها لايدك هسه جااي وصاير حنين وين جنت من ماتت امي وين جنت من ازووج وين جنت من زوجني غصب هسه جاااي تريد اصير عمناا هههه ملايك الدور ياااعميي
ابوشاهين:: تكسررين ايدي نجووود اليوم اشوف شلون تكسرينها لايدي
جرني من ايدي وطلع بيه يجر بيه مثل الخرووف بدون رحمه والناس قليله الساعه ب٣ كووه يجر بيه كم واحد ادخلوا وكال ابوها مريض وهي منهاره
عمي اتررررركني وحق الله اله اندمك اتررررك ايدددي عموووو
أبو شاهين:: اي اني اريد اشوف شلون اندم ابوج كال اخذها موتها زوجها احركها بكيفك اريد اشوف شلون تتجاوزين
باوعت وراي هسه أكيد اسماء راح تجي تلحكني راح تبعده عني بس عبث ماكو مااجت ولا حاولت تبعده عني جرني وصعدني للسياره وافتر
اني كبل طلعت تليفوني واتصلت بعدالله رن رن جااوب
ها نجووود
عبدالله الحكني عمي مااعرف وين مااخذني اندار عمي وجر الموبايل وسده وخلاه يمه اني كمت اعيط بعلووو صوتي اتررررركني عمي وكف السياره رحت للباب فتحته احاول بس هو قافله تعبت وهو ساكت ومستمر يسوق ويباوعلي بتوعد
حجيت بداخلي ميكدرلي اذا ضرب اني هم اضرب وحق الله اله اكسره
وصلني لبيتنه نزل فتح الباب وجرني فتح باب الصاله وشمرني راح للمطبخ جاب الصونده مال الطباخ
اني رجعت ليوره خايفه وهو يتقدم ضربني أول ضربه اجت بزندي اني حاميه وجهي بيدي ضرب الثانيه اجت ع وجهي وراسي وشعري ايدي شاغت شهكت وكمت عليه دفعته حيللل وفتحت الباب وطلعت اركض بشارع العالم تباوعلي اركض باوعت وراي ماكو هو رحت اركض وصلت لام سالم
خاله خبيني خاله الله يخليج احميني بس اليوم راح يموتوني
هيه صافنه عليه
ام سالم ::ادخلي ادخلي جوا
نجود::دخلت وهي وكعت الفراش فوكاي وطلعت برا مرت الساعات سمعت تحجي ويه جهالها دخلت وسدت الباب وخرت الفراش وحجت ماكو احد اكعدي صار الليل ومحد اجه ودزيت سالم يروح يتفقد المنطقه
نجود:: اشكرج خاله مااعرف شلون اجازيج
ام سالم::لا حبيبه لتحجين هيج اخليج بعيوني
نجود::رخيت روحي وغمضت
حجيت خاله شلون اريد انام واخاف خاف اغفي ويجون
ام سالم::نامي محد يوصل هينا نامي ارتاحي
نجود::غمضت عيوني ونمت
امي واكفه لابسه ابيض وتصيحلي تعالي نجود لتوكعين ديري بالج هاي حفره كدامج
مااما اخذني وياج اخاف عمي يريد يزوجني شاهين واسماء عافتني ودارت ضهرها وبابا متحلفلي ماما
عافتني ودارت وجها حجت ديري بالج حفره كدامج لتتقدمين
نجود: عافتني وراحت باوعت كدامي حفرا جبيره فزيت خايفه لكيت صاير الصبح وام سالم والجمال ماكو
دخلت ام سالم وبيدها صينيه بيها اكل
خلتها كدامي وحجت
ام سالم:: صباح الخير
نجود:: صباح النور
ام سالم::اكعدي اكلي
نجود::كمت رحت غسلت وجهي ورجعت اكلت كم لكمه وكمت دزيت سالم يشوف الوضع
كال بيتكم مابيه أحد وحتى السيارات ماكو
رحت للبيت طلعت جنطتي خليت ملابسي واغراضي وتليفوني لكيته شامرينه يم التلفزيون اخذته ورحت اخذت فلوسي وطلعت لبست بنطلون جينز وبدي وستره ولفيت شعري وطلعت باوعت بشارع ماكو احد خابرت وطن
حجه
وطن:: الوو
نجود::وطن اني نجود واريدك تساعدني
وطن ::كولي عد عيناج
نجود:تعالي اني ع الشارع
وطن::دقايق يمج
نجود:: سديته منه خابرت اسماء
اسماء::ويينج نجووود وحق الله بس يلزمونج يموتونج كلها ادولج وين انكلعتي
نجود:: موجوده اسماء صدك يريدون يزوجوني
اسماء::كل عقلك كالو بس نلكاها نموتها
نجود::اني هواي احبج
اسماء::حبيش نجود روحي روحي راح اخابر عمي اكله خابرتني انتي وين حتى ادزهم الج
نجود؛ محاجه راح ارجع للبيت
سديته منها وحضرتها اتصل عبدالله
عبدالله::ها نجود لتخافين والله تحركهم بس يوصلون الج
نجود::عبود حتى اسماء وياهم حتى اختي كرهتني اني ماعلي والله هو دخل وابوي شافه وقتل امي والله اني ماعلي
عبدالله::شنوووو نجووود شبيج شنو السالفة امي شدخلها
نجود::سديته منه عرفت ميعرف كلشي خابر وطن
جاوبت
وطن ::ها وينج ها اني واكف براس الشارع
نجود::هياتني وصلتك
اشرتله تقدمت وصعدت وياه حجيت اسرع اطلع منا بسرعه
محجبه شي طلع
بعدنه شوي وحجه
وين اوديج
نجود:: مااعرف وديني لاي مكان مجد يلكيني بيه
وطن ::شششنو السالفة شبيج!!
نجود::يريدون يزوجوني غصب عني
وكف السياره بسرعه وباوعلي
وطن:: مجنووونه انتي محد يكدر يغصبج ع شي انتي بيج شي تريدين تعوفين بيتكم وتهربين حتى يذبحونج
نجود:: فر السياره ورجع واني دموعي تجري
حجيت والله راح يزوجوني لشاهين ابن عمو
بابا كاله اخذها لبغداد وحتى الدراسه امنعها
وطن::محد يكدر يحاجيج اني راح أحاجي ابوج وعمج تخليهم ينسون شي اسمه زواج
نجود::لزمت ايده بدون وعي وحجيت
عليك الله تكدر تحجي وياهم
وطن::انتي يجيج الصافي بس اتحملي خاف يضربونج يأذوج اصبري
نجود::هزيت راسي وسكتت وصلني لبابنه وراح دخلت لكيت أسماء وعبدالله وأحمد كاعدين بالحديقة
جنطتي بكتفي
كام عبدالله اتقرب وضربني كف بدون مااحجي اي شي
كام احمد دفعه وخلاني ورا
احمد::اتركهاااا اتركهااا موكلكم عليها
نجود::جلبت بااحمد وبجيت والله والله اني ماعليه وحق الله هو دخل لو ماامي تجي بالوقت المناسب جان الله يعلم شنو سوالي
عبدالله::ليشش محجيتي ليششش ممنعتي بابا حتى ميقتلهاا
ليش نجود ليش مدافعتي عنها
نجود::والله كلشي صار سريع مالحكت حتى احجي والله انصدمت ولساني انعقد والله ممتوقعه بابا راح يقتلها خلاص
اسماء انتي تعرفين شكد عانيت وشكد امي غاليه عليه اني مو انانيه والله بس خفت خفت والله والنبي رحت جلبت بااسماء
اسماء::ادخلي نجود ادخلي
نجود:: بس فهميهم والله اني ماقصدي الصار والنبي ولا اعرفه وحق الله هو دخلي بدون مااعرف لو ماامي تجي جان اغتصبني
دفعتني أسماء وكعت بالكاع دحجت
اسماء:: اني مااعرفج ولااعندي اخت اسمهاا نجوود ممنوع تتقربين وتحجين وياي كاارهتج
نجود::اجه احمد كومني ودخلني للبيت فتح غرفتي ودخلني بيها جلبت بيه
احمد والله اني ماعليه والنبي
أحمد::اني مصدكج نجود وراح اوكف بوجه الكل انتي اختي اذكر امي شلون باوعتلج قبل لا تموت وصتنا بعيونها عليج لأن تعرف راح يجي هذا اليوم
نجود::حضنته حيل خلاني بحضنه وضل يلعب بشعري واني الشهكه تطلع من صدري تحركني حرك
وهو مستمر يلعب بشعري وبعدها مااعرف شصار اخذتني النوومه
كعدت ع دفره بخاصرتي كمزت وباوعت لكيت عمي وشاهين وحسين وعمي وعمي الثاني اخو بابا الح اسمه صابر هم ذوله اخوان بابا وبعد اثنين مجايين وابن عمو صابر غسان
رجعت ليوره لزكت بالحايط تقرب عليه غسان الجان وحش موبشر من كبره بس كف ايده بكدي ضربني راشدي وحجه منووو هذا الحايبته للبيت مالكم
نجود:: احترم نفسك سمعت الجان وزوجي سيف هو الجان ومن ورا شغل بابا اني مااعرفه هو راد يلوي ايد بابا. بيه روح اسأل عمك موتج تضرب بيه اني موحيووان عدكم سمعتت
ابتعد عني ابتعد
دخل عبدالله وأحمد دفعوهم وحجوو
عبدالله:: اطلعوو اني احجي ويه اختي انتو لتدخلوون رجاءآ
شاهين: شووف منو يحجي حبيب خواله يحجي
عبدالله: اي وافتخر خوالي على اقلها ميمدون ايدهم ع مره ضعيفه وحتى اذا نرجع للصدك فهو زوجها وجان خاطبها ودخل عليها وبابا يعرف سيف منو. لوماا نجوود جان بابا هسه بالسجن لومقتوول هي ضحت بعمرها وازوجت سيف مزوج ثنين واكبر منها حتى تنقذ بابا
اطلعو منا وممنوع أحد يدخلل ونجود اختي واني موصغير عمري ١٨سنه اني اربيها من جديد
اطلعو من غرفتها يله
حجه عمي
أبو شاهين: ها عبود تطردنه من وره وحده رخيصه مو شريفه
عبدالله:::. عمييي احترم حالك الي تحجي عنها اختتتي اطلع من بيتنا اطلععع
نجود :كام يصيح ويشيل بالغراض ويشمر
عافونه وطلعو يدردمون
تقربت على عبدالله اريد احضنه
دفعني وحجه
عبدالله: لاعبالج حاجيت ودافعت كدامهم لسواد عيونج لا بابا بالمستشفى واكو ناس كاعد تهدده وهو خابرني حتى اجي اطردهم
نجود:: عافني وطلع كعدت لازمه راسي معقوله وطن الحمدلله ربي خلصني منهم
كمت دنيا ليل سويت اكل اكلت ورجعت فتحت ملازمي مااعرف وين واصله وشنو عندي
دورت تليفوني ماكو اذكر بجنطه
طلعته وخابرت ميعاد
ميعاد:: هلا كلبي شلونج
نجود:: الحمدلله انت شلونج
ميعاد:: الحمدلله
نجود:: اكلج انطيني التحضير كلشي مااندل راسي مصدع
ميعاد:: ولج انتي اداومين يوم وتغيبين اسبوع
نجود:: شسوي غير حضي الاكشر
انطتني التحضير وراحت
قريت شوي ونمت كعدت ع صوت المنبه لبست ملابسي ورحت للمطبخ سوتلي لفه اكلتها وطلعت عسريع اخذت ملازمي وطلعت الساعه ب ٩ الكل رايحين وسيارتي محد جابها
طلعت امشي سريع للشارع أشرت لتكسي
وصلت للجامعه نزلت دخلت لقسمي لكيت ميعاد كاعده تلعب بفونها
نجود::هلا ميمي شلونج
كامت بوستني
ميعاد:: الحمدلله انتي شلونج شخبارج ابوج شلون صار
نجود::كعدت يمها ودموعي نزلوو والله مااعرف شلونه محد يخليني اشوفه
ميعاد::مابيه شي إنشاءالله
نجود::خايفه يبطلووني
ميعاد::لتخافين حبيبي كله بيد ربج
نجود::والنعم بالله
دخل الدكتور وكام يدرسنه خلصنه محاضرات وصارت الساعه ب٢ طلعت فحطانه وجوعانه
أشرت التكسي وكفتلي بعدني ما صعدت أحد دكلي هورن
باوعت وطن
اعتذرت من ابو التكسي
ورحت اريد اصعد وياه جان اشوف الأمن يباعون عليه ويأشروون ويضحكون
سديت الباب وتقربت عليهم
نجود::خير صار فتره كلما ادخل تتبسبسون وتضحكوون خما اكو شي
حجو
الامن ::وانتي شكو منو يمج اوو الي بعبو عنز
بعده مامكمل واجه بوكس ترس وجهه باوعت وطن نايم فوكاه ويضرب بيه اجو الطلاب والأمن تفاكك بيهم
تخبلت اني عززا بعينج نجوود انفضحتي دمووعي ينزلو وهم مستمرين
الامن ::يوميه جايبها واحد للكليه
وانت تجي تتعارك روح روح شد كروون
من حجه هيج
وطن دفع الازمينه وضربه كله ونام فوكاه
اني واكفه اكمز واضرب بخدودي
عفتهم وطلعت اركض أشرت لتكسي وكف نطيته العنوان  وصلني نزلت دخلت للبيت
عزا بعينج نجود انفضحتي صارت سيرتي ع كل لسان اني هم زماله لومغلسه ومنجبه خرب حضي وقسمتي السوده
رن تليفوني
باوعت وطن فتحت خط
وطن:: ويييينج يااغضب الله وين وليتي
نجود::بالبيت رحت
وطن::شوداج
نجود ':رحت بتكسي فضحتني وطن هسه بأجر سيرتي اصير بكل الجامعه على كل السان
وطن::انطمي انتي شوداج للأمن ليش مكتيلي واني اخذ حقج خليتيني اضربه وهسه راح يشكتي عليه واحتمال عليج
نجود::شهكت عزاا هم يدورون زله عليه عليك الله وطن طلعني من هالمصيبه بروح امك مابيه حيل والله يموتوني
وطن::ولي من وجهي نجووود لازم ناقص غير حتى تخليهم يجيبون سيرتج يله روحي
نجود::سد الخط كمت بدلت واني اكل بضافيري خايفه عزا اذا اخذوني الشرطه كبل اهلي يحركووني
دخلت اسماء تركض مستعجله
وكفت باوعتلها
شبيج اسماء شكو
محجت وياي بس باوعتلي بشمئزاز دخلت غرفة بابا طلعت بيدها اوراق وراحت
ضليت ع كعدتي لحد المغرب اتصل وطن
نجود:: ها ها بشرتي شصار
وطن:: ماكو شي لتخافين فضت
نجود:: الحمدلله

وطن ::نجود لخاطر الله قبل لا تسووين شي مصيبه احجيلي
نجود::واني شنو سويت صار فتره كلما ادخل يحجون بيناتهم ويضحكون
وطن:ليش ماكلتي اني اخذ حقج يا عيني
نجود::مااعرف نسيت
وطن::يله أخذي راحتج اني اروح
نجود::الله معاك
سديت الخط ارتاحيت كمت سويت اكل اكلت وفرشت ملازمي وكتبي وكمت اقرا
سمعت هوسه بالصاله وحجي فتحت الباب وطلعت لكيت احمد يصيح عليهم
احمد::لوواعرف تموتون متغصبونها ع شي
عبدالله::انجب انت نوب عليه المزعطه يله ولي ناام
احمد::انت رجال وابن ابووووك جرب تجبرها
مااحس غير عبدالله ضرب احمد بوكس كومه بالكاع اسماء دافعتهم وصيحت ع عبدالله
اسماء::عبد الله رووح اني اقنعه شبيك مووهيج
احمد::والله لوتطلع نخله برووسكم ساامعين لولاا
اسماء::احممممد انت لتدخلل احمد ترا تعبت والله وبابا بين الحياة والموت وانتو ماعاركيين هناا امشوو نامو ارتااحو
دخلت رفل ومحمد يمي بوستهم واخذتهم للغرفه بدلتلهم وغسلو فرشتلهم ونامو
وأحمد وعبدالله وصالح فرشتلهم اسماء بالصالة نامو كمت رحت يمهم حجيت ليش متعاركين
احمد::ماكو شي روحي نامي
عبدالله ،::شكو جايه انكلعي جوا
نجود::ليش هيج عبود مواني اختك
عبدالله ،::ابوي تبرأ منج واني ميشرفني اتكوونين اختي
نجود::ليش عبود شنو سويت ليش هيج خاافو ربكم
طلعت اسماء
اسماء::نجووود ولي لغرفتج يله امشي من وراج واحد اكل الثاااني
نجود::ليش اني شدخلني شنو سويتلكم اسماء خافي ربج اني اختج
اسماء::مو اختي موواختي ولي نامي وباجر متروحين للجامعه راح نطلع بابا وخطار راح يجون علينه
نجود::حاضر دخلت غرفتي بجيت لحد ما نمت كعدت ع صوت المنبه
غسلت وجهي لكيت بس اسماء ورفل يعزلن بالبيت
كمت انضف وياهن بس بدون كلام كملت كلشي واسماء راحت تطبخ صارت ب١١جابو بابا عمي ابو شاهين وعمي صابر
دخلو للاستقبال كلهم سلمو عليه دخلت اني
كوه يحجي
علي ::ااططللعي ممااريد اشووف وجهج
نجود:: دفعتني أسماء وطلعتني برا تغدو واني كاعدا بالغرفه ابجي لحد مااجت اسماء صاحت يله تعالي اجه المؤمن حتى يعقدلج
نجود::هاا منو يعقد
اسماء::انتي وغساان ابن عمو صابر
نجود::,مستتتحيل اني ماازوج اطلعيي براااا
اسماء::بكيفج راح اخليهم هم يدخللولج يطلعونج
عافتني وطلعت
نجود ::لماذا أنا ؟؟
لأن الله اذا حبَ عبداً أبتلاه
يتبع...