بخطواتي تعثرت

الخامس والثلاثون ⭐⭐

#بخطــــٓــواتي_تعثرت...
السلام عليكم ورحمه الله
التفاعل مالكم ميسوي واهس الانتقادات هواي الي ميعجبه ليش يتابع ويعلق وين الكذب والافلام الهنديه بيها اني من دون الكاتبات ماانزل لا صور ولا محادثات والحساب الابطال لأن اعرف راح اصيرلهم مشاكل ولا اكو شي بالقصه خيالي أو شي يفوق الخيال احنه بالعراق العظيم كلشي شفنه واكو هواي قصص اجتني اذا اكتبها راح ادكولون افلام هنديه صدك والعجيب بالموضوع اكو ادله واثباتات تثبت أنو القصص حقيقيه اني فكرت اعتزل وارجع واكول هذا حلمي ومااكدر اترك الكتابه
الرجاء دون تجريح احبك والرب

#بارت_الخامس_والثلاثون ⭐
#رواية_بخطواتي_تعثرت ⭐
#بقلم_دينا_ال_سلمان ⭐⭐
ثم تستوعب أنك استهلكت نفسك أكثر من اللازم في مسارات تمشي إليها لكنها لا تمشي إليك...
نجود: هزيت راسي بقبول وكمت وهنا حسبالي راح خلص ارتاح واعيش مجنت حاسبه بهاي رجعتي راح ارجع الف سنه ليوره...
نمت واني مخنوكه اجه ابني نام بحضني ضليت العب بشعره وهو مغمض بعدها مااعرف شلون نمت
احد يركض وراي وكلب اسود كبير يركض وفاتح حلكه ويطلع من حلكه دم ورجال لابس اسود يركض همات وراي وكفت من التعب وأشوف امي تركض عليهم من شافوها راحو وهي حجت
روحي روحي منا بعد لترجعين لهنا ترا يأذونج
كعدت ارجف وعركانه سميت وكمت رحت للحمام غسلت وطلعت توضيت وصليت الدنيا نص الليل كاعدا على سجادتي واسبح ودموعي يجرن اخاف ارجع واخاف اضل هنا وابني بعدين يكرهني
رفع رأسه وباوعلي طفل عمره سنه وكل البرائه بيه شافني ابجي بجه وياي كمت مسحت ادموعي وشلته سويتله ممه واني احجي وياه واسكته سكت ورضع ونام
مددت يمه ونمت كعدت على صوت اسماء تكعدني
اسماء: كومي اني رايحه للدوام مو تكضيها نوم سوي غدا ونضفي البيت
نجود: ليش شوكت اني نايمه مو يوميه كل الشغل عليه
اسماء: الي يسمعج يكول صدك
نجود: ماهتميت كمت غسلت وسويت ريوك وكعدت الكل كلمن اكل وراح على شغله بابا صارت روحه بالكهوه واخواني الصغار يمي وصالح كام يطلع ويه احمد
بدلت لعبود وكاعدا امشط بشعر رفل
رفل: اريد تسريحه
نجود:: اي
رفل: واريد بيها كومه ماشات
نجود: صار
رفل: صدك انتي متحبيني
نجود ،: منو كالج
رفل: اسماء ادكول نجود تحب بس نفسها حتى عبود متحبه بس مستفاده تاخذ فلوس من أبوه
هو أبوه مو بابا علي
نجود: اسماء تشاقه ولا ابو عبود عمو حاتم
رفل: زين ليش متحبيني
نجود: شلون مااحبج انتي اختي واني احبج
رفل: اني هم احبج بس اسماء ادكول نجود تحب بس نفسها
نجود: لا اسماء تشاقه وياج يله تعالي شوفي نفسج صرتي تخبلين
كامت تفتر بفستانها الاصفر وهي اجنن
رفل: اني صرت عروسه
نجود ،: اممم لعبي عبود وياج لما اكوم اشوف محمد وينه واسوي غدا
كمت لكيته يلعب بلي
رحت سويت تمن وتشريب دجاج ورجعت كعدت يمهم رفل حيل تحب عبدالله وأبد متأذي اندك الباب طلعت شايله عبود ورفل وراي
فتحت الباب شاهين وأمه وبيبي
سلمت عليهم ودخلتهم جبتلهم ماي وبيبي بس تبجي
نجود: يا بيبي ليش تبجين
فضيله: كون ميته يايمه ولا مفاركتكم
نجود: ليش بيبي مخبرتيني جان اجيتج
شاهين ،: اي والله انتي مشهودتلج
نجود: شوف شاهين اذا تريد تكعد وتفتح مواضيع قديمه الافضل تطلع من بيتي واذا تريد تكعد بااحترامك اكعد بدون سوالف تعبانه
ام شاهين:: تطردين ابني اي والله كادرات كلشي يطلع منجن انتي مو نفسها امج لكوها ويه واحد وقتلوها وبعدين طلع حبيبج
نجود: احترامي حالج خاله اذا اجيبين سيرتها لامي بالباطل بيتي يتعذرج
شاهين:: شخبصتينه بيتي وبيتي هو بيت مسكون كله أرواح
نجود:. مسكون وبيه شياطين ولا واحد من الانس من فصيلتك يكعد بيه ساعه اني لحد الان ساكته ومستقبلتك انت وامك واني حالفه متدخلون بيتي بس لخاطر بيبي ساكته كول شرايد وشنو جيتك!
شاهين ؛: مالي حجي ويه النسوان ابوج وينه
نجود:: هسه اخبره طلعت تليفوني وخابرت بابا
علي: شوي واجي
رحت سويت جاي وجبته الهم حجيت
بيبي جوعانه اصبلج اكل
فضيله: لايمه خلي يجي ابوج ونتغدا سوا
نجود: براحتج بيبي
فضيله: هذا وليدج
نجود: اي عبد الله
شاهين ؛؛ منو أبوه هههه اكيد متعرفينه
نجود: تريد اخابرلك أبوه هو يفهمك ؟
اباوع عليه بلع لسانه وسكت شوي ودخل بابا سلم عليهم وباس راس بيبي
علي:: شعجب يمه اجيتي
فضيله:: يمه أنه مره جبيره ومحد يقبل يجيبني يمكم
وهسا سمعتهم جاينكم واجيت غصباً عليهم
علي: هلا بيج يمه
خير شاهين شذكرك
شاهين: والله عمي مناسيكم بس تعرف بابا وعمي لحد الان بسجن ومحد يقبل يطلعهم واجينه على الله وعليك
ابوي فد مرا تعبان وحتى مرض خبيث صاير بيه
علي: واني شنو من هاي السالفه كلها
شاهين:: انتو تعرفون منو سجنه نجود جابت سلابه واخذو
نجود: انت مريض يمكن شوكت جبت سلابه اني بس خبرت الشرطه لأن حابسين بابا لاعلي باابوك ولا بعمك
شاهين: عمي الله يخليك والله بابا فد مرا موزين ورجلينه كاصيهن صاير بيهن مرض كنكري متقدم بس نجود تخبر وطن هو يحلها ويطلعهم
نجود: انت يمكن متعرف شنو احجي اني ماعلي ولا وطن عليه
علي: احنه هاي السوالف لدخلونه بيها كومي بابا نجود صبي الغدا
شاهين: عمي الله يخليك بس خبر وطن خلي يتنازل عنهم
فضيله: لخاطري وليدي اني هم تعبت
علي: يمه والله ماعليه وحتى وطن طلكها لنجود صار سنه
ام شاهين: حيل وأبو زايد كون ياخذ ابنج منج واضلين بحسرته
نجود: كومي اطلعي منا أخذي ابنج واطلعي لا اخليه يلحك أبوه
علي: لا بابا مو هيج اني ماربيتج حتى تطردين ناس بيتج
يحجي وياي برود خلاهم يشيلون روحهم ويركعوها
شاهين: كتلجن منجي نكبر روسهم شفتي شلون انطردنه يله كومن
فضيله : انه ماروحن اريد ابقى هنا
شاهين: براحتج بيبي بس لتفكرين تجين وتدخلين بيتنه بعد
يله يمه
فضيله: ولك تطردني لا بارك الله بيك
شاهين: كومي يمه
نجود : اخذ امه وراح واني كمت كملت الغدا وبيبي وبابا نوب يبجون نوب يحجون لحد ما صارت ب١٢ اجت اسماء سلمت
اسماء:: السلام عليكم
الكل: وعليكم السلام
اسماء:: هاي منو يمنه اليوم فضيله شعجب شعتب منو ذكرج بينه
فضيله:: اي اجيت اشوف ابني لو حرام اعرفج من يونج مسمومه متحبين الخير لااحد
اسماء:: ها هسه اذكرتي عندج ابن ومريض وين جنتي ليش هسه مذكره وشجاب الخير بالموضوع
فضيله:: محد يقبل يجيبني يمكم واليوم من اجو اجيت وياهم كوه
علي: كافي اسماء روحي بدلي وتعالي صبي الغدا
نجود: عافتنه وراحت اني كمت رحت صبيت الاكل وصحتلهم رفل ومحمد واكفين يباعون لبيبي وعبود يبجي يريد رفل كعدت وخليت عبدالله بحضني ورفل يمي وبابا كعد يم بيبي وصاح لمحمد اجت اسماء كعدت تاكل وتباوع لبيبي
اسماء: ها شو ماكلتي شعجب اجيتي اليوم
فضيله ': ليش حرام اجي لبيت ابني
علي:: لا يمه البيت بيتج
نجود: اجت ويه شاهين وامه يريدون نساعدهم بقضية عمي حسبالهم عدنه شي يفيدهم