အခန်း ၅၆
ကျန်းဆုန်း ထိုစကားကို ပြောပြီးသည်နှင့် ဖုရိကျယ် ၏ မူးဝေသော ခေါင်းသည် ရုတ်တရက် နိုးကြားလာသည်။
"ဘာလဲ" သူ ကျန်းဆုန်းကို ကြည့်လိုက်သည်။
"ဘာမှ မဟုတ်ပါဘူး" ကျန်းဆုန်းက ပြုံးပြီး "ဒီတိုင်း ပြောလိုက်တာ၊ နည်းနည်း ကောင်းသွားပြီလား? အဆောင်ကို ပြန်တော့မလား၊ ထပ်ပြီး နောက်ကျမှ ပြန်ရောက်ရင် လျိုဝေ ငါတို့ကို အဆောင်ထဲ ဝင်မလာဖို့ ပြောတော့မယ်"
"သွားရအောင်။" ဖုရိကျယ်က သူ့ကို မော့ကြည့်ပြီး အိပ်ဆောင်ဆီသို့ ဖြည်းညှင်းစွာ လျှောက်သွားလိုက်သည်။
ကျန်းဆုန်းက သူနဲ့ခဏလောက်လေး အတူရှိလိုက်တာနဲ့ "မင်းနှလုံးသားထဲမှာ တခြားတစ်ယောက်ရှိနေတယ်" ဆိုတဲ့ စကားကို ပြောလာခဲ့ပြီး သူ အတတ်နိုင်ဆုံး ကြိုးစားပြီး စဥ်းစားခဲ့ပေမယ့် အချိန်အတော်ကြာ တွေးကြည့်မိပြီးနောက်မှာတော့ သူ ဘာကိုမှ မဖော်ပြမိပါဘူးလို့ တွေးမိပြန်သည်။
ကျန်းဆုန်းရဲ့ စကားကြောင့် သူ မူးဝေခြင်း မရှိတော့သလို ခြေသလုံးတွေ အားနည်းလာပြီး လမ်းလျှောက်တဲ့အခါ ယိမ်းထိုးနေတာမျိုးလည်း မရှိတော့ဘူး။
အိပ်ဆောင်သို့ပြန်ရောက်တော့ ရွီဟောင်နဲ့ ဝူဖျင်ရှန်းလည်း ရှေ့ဆင့်နောက်ဆင့် အိပ်ဆောင်ပေါက်ဝကနေ ဝင်လာခဲ့ကြသည်။ လျိုဝေက မကြည်သောမျက်နှာဖြင့် အိပ်ရာပေါ်တွင်ထိုင်နေပြီး အခန်းထဲတွင် မည်သူမျှ စကားမပြောကြပေ။
"မင်းတို့နောက်ဆို အရမ်းနောက်ကျမှပြန်တာကို ရပ်လိုက်နိုင်မလား" လျိုဝေက ကျန်းဆုန်းကို ကြည့်လိုက်သည်။
လျိုဝေကအမြဲ ရိုးရိုးသားသားပြောဆိုနေသောကြောင့်ထင်သည်၊ လျိုဝေက သူ့ကိုသာ အမြဲပြောဆိုနေပြီး ထို့ကြောင့် လျိုဝေသည် သူ့ကို ယခုအချိန်တွင် အဓိကပစ်မှတ်အဖြစ် သတ်မှတ်ထားသည်။
"တောင်းပန်ပါတယ်" ကျန်းဆုန်းက ဒီနေ့ သူ့ကို ပြန်မပြောတော့ဘဲ မျက်နှာသုတ်ပုဝါကိုယူကာ ရေချိုးဖို့ပြင်ဆင်ပြီး "အလျင်လိုနေတဲ့သူရှိသေးလား? မရှိရင် ငါအရင်သွားလိုက်မယ်"
YOU ARE READING
ငယ်ချစ်ပုံပြင် - 竹木狼马 [Myanmar Translation ]
RomanceHi everyone ဒါလေးက wuzhe သာ့သာ့ရဲ. လက်ရာတွေထဲက တစ်ခုဖြစ်တဲ့ zhu mu lang ma ဆိုတဲ့ novel လေးပါ Author - 巫哲 (wuzhe) Status on jjwxc- completed [Chapters84+ 4 Extra] Genres - modern day , salice of life Start Date - 17.02. 22 End Date- 30-5-202...
![ငယ်ချစ်ပုံပြင် - 竹木狼马 [Myanmar Translation ]](https://img.wattpad.com/cover/301770565-64-k699657.jpg)