The Last Immortal, Hidden God (Myanmar Translation)

Ch-16

Unicode
..
Hidden god shen yin
Chapter(16) part -1
...

"ဟိတ် အကောင်ပေါက်လေး...မင်းပဲပြောကြည့်ကွာ။ ငါ့မှာသာအစထဲက ဆင်ခြင်ဉာဏ်ရှိခဲ့ရင် ဖုန့်ယင်အေးဆေးဖြစ်တဲ့အချိန်ကျမှ ဇာမဏီကျောက်စိမ်းအကြောင်းမေးခဲ့မိမှာ။ ခုတော့ ငါ့လောဘကြောင့် သူအသက်ဆုံးခဲ့ရတယ်။ သူ့ရဲ့ဝိဉာဉ်ကလည်း အစိတ်စိတ်အမွှာမွှာဖြစ်သွားခဲ့ပြီ"

တာ့ကျဲတောင်ရဲ့တားမြစ်ချိုင့်ဝှမ်းထဲမှာတော့ ကူချင်းက အရက်အိုးကိုပိုက်ကာ အတိတ်ကအကြောင်းတွေကို ပြန်တွေးတောရင်း ရေမိစ္ဆာလေးရဲ့ဗိုက်ကိုပွတ်ပေးနေသည်။ သူ့ခါးထက်မှာတော့ နီရဲသောကျောက်ကိုချိတ်ဆွဲထား၏။ ထိုကျောက်သည် ဖုန့်ယင်ရဲ့ဝိဉာဉ်စွမ်းအားနဲ့ချီတွေကို ပြိုကွဲသွားစေပြီးတဲ့နောက် သာမာန်နီရဲရဲကျောက်အသွင်ကိုသာပြောင်းလဲသွားတော့သည်။ (Tn-ကွဲသွားတယ်ဆိုတဲ့ မီးဇာမဏီကျောက်စိမ်းကိုပြောတာပါ)

ရေမိစ္ဆာလေးက နိုးနေတာကြာပြီဆိုပေမဲ့လည်း ခုချိန်ထိအိပ်ချင်ယောင်ဆောင်နေသေးသည်။ ကူချင်းရဲ့ဝမ်းနည်းစရာအဖြစ်အပျက်တွေနဲ့နောင်တတရားတွေအကြောင်း ညလုံးပေါက်နားထောင်ခဲ့ရတာမှန်ပေမဲ့ သူသိတာဆိုလို့ ကျောက်စိမ်းဝိုင်အိုးရဲ့အနံ့ကိုသာသိ၏။ ထို့အတူ သူဘယ်လိုပြန်အားယားမှောက်ရမလဲမသိတာကြောင့် ကူချင်းရဲ့လက်ကို လက်သည်းအသေးလေးများနဲ့ကုတ်ခြစ်နေလိုက်သည်။

ကုတ်လာတာကိုခံစားမိတော့ ကူချင်းလည်းငုံ့ကြည့်လိုက်၏။ ထိုအခါ ရွှန်းစိုပြီးနက်မှောင်သောမျက်လုံးလေးများကိုသူတွေ့ရသည်။ ရေမိစ္ဆာလေးသည် သူ့ရဲ့လက်ကိုတို့ထိနေပြီး ဟိုလိမ့်ဒီလိမ့်လုပ်ပြကာ သူ့ကိုနှစ်သက်ဖွယ်အကြည့်နဲ့မော့ကြည့်နေ၏။

ဒါကိုမြင်တော့ ကူချင်းရဲ့နှလုံးသားလည်း နွေးထွေးသွားသည်။ ဒါကြောင့် သူရေမိစ္ဆာလေးကို ချိုင်းကမြှောက်ကာ ပွေ့ချီပြီးနောက် သူနဲ့အကြည့်ချင်းပြန်ဆုံပေးလိုက်၏။

"အာ...အကောင်ပေါက်လေးက နိုးပြီလား?"

ရေမိစ္ဆာလေးက မျက်လုံးအပြူးသားနဲ့ သူ့ကိုခေါင်းညိမ့်ပြလာသည်။ ထိုမှတဆင့် ကူချင်းဆီကနေ ဖျတ်ခနဲအကြည့်လွှဲကာ ဘေးနားကစားပွဲပေါ်တင်ထားသော သေရည်အိုးကိုသာ သေချာစိုက်ကြည့်နေတော့သည်။