Unicode
....
Hidden god shen yin
The Last Immortal - 37အားယင်နဲ့ကူချင်း တာ့ကျဲတောင်ကိုပြန်ရောက်တာက အားလုံးရဲ့အပျော်ကို သယ်ဆောင်ပေးလာသလိုပင်။ တာ့ကျဲတောင်ရဲ့ တပည့်ငယ်လေးတွေကလည်း ဆရာတူဦးလေးနဲ့ဒေါ်လေးဖြစ်သောကူချင်းနဲ့အားယင်ကို တောင်ဂိတ်တံခါးဝမှာ တိုးဝှေ့ကြိုဆိုနေကြသည်။
ရှင်းရီကလည်း မနက်ထဲက ပဲကိတ်ကိုသေချာပြင်ဆင်ပြီး လူအုပ်ထဲမှာစောင့်နေ၏။ သို့သော် လူအုပ်ကအရမ်းများလွန်းတာကြောင့် ရှင်းရီ ထိုနှစ်ယောက်နားကိုကပ်မရပေ။ ဒါကြောင့် သူ တပည့်ငယ်လေးတွေကိုအနိုင်ကျင့်ကာ ဖယ်ဖယ်ချနေရသည်။
ထိုစဉ် အနံံ့ခံကောင်းသောအားယင်က ပဲကိတ်နံ့ကိုရသည်နှင့် တပည့်ပေါက်စလေးတွေကြားညပ်နေသော ရှင်းရီကို မနည်း ဆွဲထုတ်ပေးလိုက်သည်။
အားလုံးလွတ်လပ်သွားပြီမှဆိုမှ နှစ်ယောက်သားအတင်းအဖျင်းကအစ ရှေးဟောင်းနှောင်းဖြစ်များပါမကျန် ထိုင်နေကျကျောက်ခုံပေါ်မှာထိုင်ရင်း စကားစမြည်ပြောနေလိုက်ကြသည်။
"အားယင်..အားယင်! ဆရာရှန်းကျူးပြောတာတော့ နင်တို့တွေ မိစ္ဆာလောကအထိ ရောက်ခဲ့ကြတာဆို! အဲ့မှာလေ နင်ဘယ်လိုမကောင်းဆိုးဝါးတွေတွေ့ခဲ့လဲ?။ ဟို...ရှန်းဟိုင်ယီကျစ်ပွဲကြည့်စင်က လူကြီးပြောတဲ့စာအုပ်ထဲမှာလို တောင်လောက်မြင့်ရဲ့အရပ်နဲ့ ကြေးခေါင်းလောင်းကြီးလို မျက်လုံးကြီးတွေရှိတာလားဟင်?။ ပြီးတော့ သူတို့က အားကြီးလည်းရုပ်ဆိုးတာပဲလား?"
ရှင်းရီက အားယင်ကို ပဲကိတ်ကျွေးတာနဲ့မကာမိအောင်ကို လမ်းတောက်လျှောက် မရပ်မနားမေးနေ၏။ တကယ်တော့ တောင်အပြင်ကအကြောင်းအရာတွေဆိုတာ တပည့်ငယ်လေးတွေ အသိချင်ဆုံးအရာများပဲမဟုတ်ပါလား?။
ရှင်းရီက တာ့ကျဲတောင်ကိုဝင်တာ ဆယ်စုနှစ်လောက်သာရှိသေးသည်။ ထို့ကြောင့် နတ်နဲ့မိစ္ဆာစစ်ပွဲသည်လည်း နှစ်ရာပိုင်းလောက်ကတည်းက ပြီးဆုံးသွားပြီဖြစ်ကာ တာ့ကျဲတောင်သည် နတ်လောကမှာတော့ ဆရာတဆူဖြစ်လာသည်။ သို့သော်တာ့ကျဲတောင်တပည့်တွေကတော့ မိစ္ဆာလောကဆီယောင်လို့တောင်ခြေဦးမလှည့်ကြ။
YOU ARE READING
The Last Immortal, Hidden God (Myanmar Translation)
FanfictionWangAnYu ,ZhaoLusi တို့ရဲ့ Xianxia drama (The Last Immortal , ShenYin )ကို Hengdianမွာ စတင္ရိုက္ကူးေနပါပီ ❤❤ Translation work of Best Novels Collection Team- BNC Team U can search 'Best Novels Collection Team' on Fb💛