" බබාලා දෙන්නා නිදිද ? "
සාලේ සෝෆා එකේ වාඩි වෙලා හිටපු ජින් ඇහුවේ කාමරේ ඉඳලා සාලෙට ආපු ටේගෙන්.
" අම්මෝ ඔව් හියුන් . මං දැනගෙන හිටියේ නෑනේ බබාලව නිදි කරවන එක මෙච්චර අමාරු වැඩක් කියලා "
ටේ ජින්ගේ ඉස්සර තිබ්බ පුටුවකින් වාඩි උනේ නළලේ තිබ්බ දාඩිය පිහදා ගන්න ගමන්.
" ඔය තාම පටන් ගත්තා විතරයි ළමයෝ.. ඉස්සරහට බලන්නකෝ.."
ජින්ට ටිකක් එහායින් සෝෆා එකේ වාඩි වෙලා හිටපු මිසිස් හන් එහෙම කියලා හිනා උනාම ටේ හිනා වෙලා අත් දෙක ඔළුවේ ගහ ගත්තා.
" තාම සතියයි … ටේට දැන්මම එපා උනාද? "
ජින් ඇහුවේ හිනා වෙලා .
" හිනා තමයි ... ඉන්නකො මං කියන්න ජූහි නූනාට ඉක්මනට බබෙක් ගේන්න කියලා . එතකොට බලමු කවුද හිනා වෙනේ කියලා "
ටේ බොරුවට ඔරවලා එහෙම කිව්වම ජින්ට වගේම මිසිස් හන්ටත් හිනා ගියේ ටේගෙ මොන්ඩිසෝරි කතාවට.
" ඔව් ඔව් .. කියලා බලන්නකෝ ජූහි නූනාට"
ජින් කිව්වෙ අමාරුවෙන් හිනාව නතර කර ගන්න ගමන් .
" ඒක නෙවෙයි .. මේ දවස් ටිකේ හියුන්ටත් කරදරේ නේද … මේ සතියෙම මට ෆාම් එක පැත්තටවත් එන්න බැරි උනා බබාලගෙ වැඩ එක්ක ."
ටේ කතා කලේ කනගාටුවෙන් .
" මං එක පාරකුත් ඔයාට කිව්වා ඕක ගැන කියවන්න එපා කියලා… ඔයා එන්න කලින් අවුරුදු ගානක් කොහොමත් මම තමයි තනියම ෆාම් එක බලා ගත්තේ කිම් ටේහියොන් ."
ජින් කිව්වෙ ඇත්තටම .
" ඒත් එහෙම බෑ නේ.. මට හිතා ගන්න බෑ මොකක්ද කරන්නේ කියලා "
" හිතා ගන්න බෑ කිව්වෙ ? "
ජින් ඇහුවේ ඇහි බැමක් උඩට උස්සලා.
" නෑ ඉතිං සූව තනියම බබාලා දෙන්නා එක්ක දාලා එන්නත් බෑ.. ෆාම් එකේ වැඩ තනියම හියුන්ට කරන්න දෙන්නත් බෑ. "
" ටේ පුතයි සූයොන් දුවයි අකමැති නැත්තම් බබාලව බලාගන්න උදව්වට කාව හරි ගෙන්නගන්න "
VOCÊ ESTÁ LENDO
Not A Fairytale |Kth
Fanficසමහර ආදර කතාත් රෝස මල් වගේ. එකම විදිහේ එකම පාට එකම හැඩේ රතු රෝස මල්. ඒත් ගොඩක් අය නොදන්න ලස්සනම ආදර කතා මහ ගොඩක් හැංගිලා තිබ්බේ රෝස මලේ සිනිදු රතු පාට පෙති වලට යටින් තිබ්බ නපුරු කටු අතරේ... ඒවා වෙනස්. ගොඩක් වෙනස්. විස වලින් නම් කිසිම අඩුපාඩුවක් නැති...