ටේ හිටගෙන හිටියේ හොස්පිට්ල් එකේ රිසිප්ශන් එක ඉස්සරහ. ටේ හිටියේ ටිකක් කලබලකාරී පෙනුමකින්.
" මෙන්න සර් ඔයාගේ නම්බර් එක "
රිසිප්ශන් එකේ හිටපු ගෑනු ළමයා එහෙම කියලා ටේගේ අතට කාඩ් එකක් දුන්නා.
" තැන්ක් යූ... "
ගෑනු ළමයා දුන්න කාඩ් එක අතට ගත්ත ටේ ඉක්මනට රිසිප්ශන් එකට ටිකක් එහායින් සූයොන් වාඩි වෙලා හිටපු තැනට ඇවිදගෙන ගියා.
" සූ...."
බඩත් අල්ලගෙන ටිකක් පාත් වෙලා වගේ වාඩි වෙලා ඉන්න සූයොන් ගාවින් ටේ වාඩි උනේ සූයොන්ට කතා කරන ගමන්මයි.
" ම්... "
" මං නම්බර් එකක් ගත්තා. තව චුට්ටකින් ඩොක්ටව හම්බවෙන්න පුළුවන් වෙයි. "
ටේ කිව්වේ අතේ තිබ්බ කාඩ් එක සූයොන්ට පෙන්නලා.
" හ්ම්... "
සූයොන් ටේට උත්තර දුන්නේ හිමීට.
" ඔයාට ගොඩක් අමාරුයිද ? "
ටේ ඇහුවේ සූයොන්ගේ වේදනාවෙන් පිරුන මූණ දිහා බලන ගමන්.
" ම්හ්... ගොඩක් රිදෙන්නේ නෑ ටේ......"
" සූ ඇත්තටම මං මේ දන්නේ නැති නිසා අහන්නේ. ඔයාට ෂුවර් නේද බඩ රිදෙන්නේ අර නිසා නෙවෙයි කියලා ? මං ඇහුවේ අර ගෑනු ළමයින්ට ....."
ටේ බෙල්ලත් කසන ගමන් වටෙන් ගිහින් අහන්නේ මොකක්ද කියලා තේරුන් ගත්ත සූයොන් ලාවට හිනා වෙලා දෙපැත්තට ඔළුව වැනුවේ නෑ කියලා.
" ම්... එහෙනම් ? "
" ම්හ් "
සූයොන් එහෙම කියලා එයාගේ උරහිස් දෙක ඇකිලුවා.
" ඇපෙන්ඩිසයිටිස්ද මන්දා "
කම්මුලකට අතකුත් තියා ගෙන ටේ කල්පනාකාරී විදිහට ඇහුවේ ඇහි බැමි දෙක ළං කර ගන්න ගමන්.
" ඇපෙන්ඩිසයිටිස් වලට යටි බඩ රිදෙන්නේ නෑ ටේ... "
ටේගේ මෝඩ කතා වලට අමාරුවෙන් උනත් ආයෙත් හිනා උන සූයොන් අත් දෙකම බඩට තද කර ගන්න ගමන් එයාගේ එහා පැත්තෙන් වාඩි වෙලා හිටිය ටේගේ උරහිසෙන් ඔළුව තියා ගත්තා.
YOU ARE READING
Not A Fairytale |Kth
Fanfictionසමහර ආදර කතාත් රෝස මල් වගේ. එකම විදිහේ එකම පාට එකම හැඩේ රතු රෝස මල්. ඒත් ගොඩක් අය නොදන්න ලස්සනම ආදර කතා මහ ගොඩක් හැංගිලා තිබ්බේ රෝස මලේ සිනිදු රතු පාට පෙති වලට යටින් තිබ්බ නපුරු කටු අතරේ... ඒවා වෙනස්. ගොඩක් වෙනස්. විස වලින් නම් කිසිම අඩුපාඩුවක් නැති...
