Trapped (Amorist Series #1)

Chapter 35

Chapter 35

Burying something that is alive, that's what to let go feels like.

"Gago ka Azrael!" Yunice smacked his arm after nila makababa sa jeep. "Wala na 'kong maupuan kanina hayop ka!" Azrael laughed.

Galing kami sa ihawan nila Jeric, we celebrated our reconciliation, after namin makauwi ni Elena kinausap ko sila agad.

Ngayon lang kami may oras para mag-celebrate dahil may mga practice pa, si Mel nagpaiwan sa condo niya pero may dalang pagkain si Eira for her.

"Ang saya ng bonding niyo perwisyo," Ches said, I snorted. Kaka-labas niya lang galing sa kotse ni Mel, sabay sila ni Jin. "Tama talaga ang kutob ko."

"Ano'ng kutob mo?" Sinara ni Jin ang pinto.

"Kutob ang kutob ko ano pa ba?" Eira and I chuckled, napairap si Jin.

"Bilisan natin gutom na ata si Mel," kinuha ni Vera mula sa kamay ni Eira ang pagkain. "Tara na."

"Hoy sino'ng umutot kanina?" Ziah said, papasok na kami sa building. "Gago nag-vibrate pa."

"Hindi ako 'yon ah!" Jeric said, sounds defensive, napailing ako.

"Ang buhok mo Yunice mag-pagupit ka muntik na 'kong mawalan ng hangin," Azrael said.

"May tugtog naman na Air Supply bakit ka nawalan ng hangin?" I asked, dinig ko pa 'yung kanta sa jeep bago ito tuluyang umalis.

Hindi nila ako pinansin, napanguso ako. Hinimas ni Vera ang likod ko na may ngiti sa labi.

"Kasalanan ko ba na malakas ang hangin?"

"Sinisi ba kita? Muntik akong malunod sa buhok mo!"

"Sinisid mo?" She scoffed.

"Ano bang ganap bakit ang daming ganap sa jeep na dapat wala naman—" tinakpan ni Vera ang bibig ko.

"Ayaw namin mag-hiwalay sa upuan," Ziah, Jeric, Yunice, and Azrael hold each other's hands. "Kaya siksikan." Ziah said.

Pagpasok namin nila Vera sa elevator sumunod sila. "Dito rin walang hiwalayan na magaganap."

"Tang-ina," I grumbled. Tama ba desisyon kong makasama sila ulit? De joke lang, ang saya kaya miss ko na  rin 'to. "May tanong ako. . ."

They sighed in sync. "Bumalik na siya," Azrael said, napuno ng tawanan ang elevator. "Ano?"

Buti na lang at kahit siksikan kami na parang sardinas hindi tumunog ang elevator hudyat na kailangan namin mag-bawas.

"Napansin ko ang daming pinoy sa Pinas. . ." they turned to me, para silang naiiyak at nakikiusap na h'wag na 'kong magpatuloy. "Sige mananahimik na lang ako."

"Next week na birthday ko punta kayo," Yunice said. They squealed in enthusiasm, ang sama ng loob ko ayaw na nila makinig sa itatanong ko!

"Talaga?" Azrael said. "Advance happy birthday! Kailan?"

Nasa likod ako banda, sa pindutan ng button si Azy, sa left side si Yunice far from him, she acted like she wants to choke Azy kaya ang ganap nila Ziah, Eira, and Jeric, na nasa gitna pinigilan siya.

Si Jin naman pinatago si Azy sa likod niya, si Ches kinunan sila ng video sa right side ko, Vera sighed from my left.

"Bitawan niyo 'ko!" I chuckled, halatang gigil si Yunice. "Panahon na para tumahimik bibig nito." Kailan kaya kami makakarating sa condo ni Mel?

"Ang paa ko!" Ches grumbled, muntik niya mabitawan ang phone.

"Ghad ang ingay!" Napahilot si Vera sa sintido niya, I chuckled. Gago ang gulo namin, may cctv pa naman baka ano na iniisip ng guard.