အခန်း (၂၁၈): အတုံ့အလှည့် (၄)
Words Count: 4909
UNICODE
အမှောင်ထုနတ်သူငယ်များသည် လေဒြပ်စင်တို့၏ကျေးဇူးဖြင့် သဲကန္တာရပြင်ပေါ် ၌ ပျံသန်းနေသကဲ့သို့ ထင်မြင်ရစေသည်။ လီယိုနာရဲတိုက်သို့ ဦးတည်လာသည့် အမှောင်ထုနတ်သူငယ်များထဲ ရှေ့မှဦးဆောင်လာသော အမှောင်ထုနတ်သူငယ်မှာ အမြန်ဆုံးပင်ဖြစ်၏။
ဗွက် ဗွက်။
အမည်းရောင်အရည်များ။ သူမသည် ဘယ်လိုမှမနေသကဲ့သို့ မန်နာသေများအား နင်းဖြတ်လျှောက်လာသည်။ ရှေ့ဆက်ရန်သူမအား ဘယ်အရာကမှမတားဆီးနိုင်။
သင်္ဘောအပျက်အစီးများဖြင့်ပုံနေသော ရဲတိုက်တံတိုင်းအောက်တည့်တည့်သို့ သူမသည် ရောက်ချလာသည်။ အနက်ရောင်မြေပြင်ပေါ် ထက်၌ ရပ်ရင်း သူမသည် ကျယ်လောင်စွာ သတင်းပို့သည်။
"ဗိုလ်ချုပ်ကြီး...အားလုံးဘေးကင်းကင်းနဲ့ရောက်ပါပြီ!"
Valentino သည် သူကိုယ်တိုင်တောင်သတိမမူမိပါဘဲ တံတွေးတို့ဖိမြိုချမိသွား၏။
အမှောင်ထုနတ်သူငယ်များ။
သူတို့မှာ နတ်သူငယ်များထက်ပင် ပို၍ရှားပါးကာ အနောက်ဘက်ဒေသကြီးတစ်ခုလုံး၏ရှောင်ဖယ်ခြင်းကိုခံထားရသည်။ အမှန်တကယ်တော့ သူတို့မှာရွံရှာမုန်းတီးခြင်းကို ခံရသည့်အတွက် ထိုသည်ဆိုးသည်ဟုပင် ပြောလို့ရနိုင်သည်။
အမှောင်ထုနတ်သူငယ်များမှာ လူသေအလောင်းတို့မြေမြုပ်ထားရာနေရာ၌ ကျက်စားကြသည်။ မည်သည့်လူသားတစ်ဦးတစ်ယောက်ကိုမှ သူတို့ဒုက္ခမပေးခဲ့သော်လည်း ယင်းသို့သော အမှောင်ရိပ်ကျသည့်နေရာများ၌နေထိုင်ခြင်းက လူတို့အား သူတို့အပေါ် သတိတကြီးဖြစ်လာစေခဲ့သည်။
'...သူတို့တွေက Roan တိုင်းပြည်ဆီက - မဟုတ်သေးဘူး...ဗိုလ်ချုပ်ကြီး Cale ရဲ့အဖွဲ့ သားတွေများလား'
အသက်သွင်းသူအကြောင်းကိုပါ စဥ်းစားမိသွားလေသဖြင့် Cale ပေါ် သို့ကျရောက်နေသော အိမ်ရှေ့စံမင်းသား Valentino ၏အကြည့်တို့သည် တစ်ဆစ်ချိုးပြောင်းလဲသွားတော့သည်။
![](https://img.wattpad.com/cover/355442507-288-k969485.jpg)
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟯 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝐁𝐨𝐨𝐤 𝐈𝐈𝐈 𝗦𝘁𝗮𝘁𝘂𝘀📍 - 𝙾𝚗𝚐𝚘𝚒𝚗𝚐 💨 ✅ 𝗧𝗲𝗹𝗲𝗴𝗿𝗮𝗺 𝗚𝗿𝗼𝘂𝗽 𝗔𝘃𝗮𝗶𝗹𝗮𝗯𝗹𝗲 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက...