အခန်း (၂၂၄): မစိုးရိမ်လေနဲ့ (၅)
Words Count: 5027
UNICODE
Cale တစ်ယောက် လမ်းလျှောက်ရာမှ ရုတ်တရက် ရပ်သွားပြီး မျက်စိမှိတ်ချလိုက်သည်ကို Cale အနောက်မှကပ်လိုက်လာသည့် ဒုကပ္ပတိန် Hilsman မြင်သော် သူသည် Cale နံဘေးသို့ အသံတိတ် ချည်းကပ်လိုက်သည်။
Choi Han နှင့် Mary ကမူ ဘေးကနေသာ ကြည့်နေ၏။ ထို့နောက် Cale ထံမှတီးတိုးရေရွတ်လာသော စကားအား ကြားလိုက်ရသော် Hilsman မှာတွန့်ခနဲဖြစ်သွားရသည်။
"သခင်လေး ခေါင်းတွေဘာတွေများ မူးလို့လား?"
"...ဟင့်အင်း"
Cale သည်ဖြည်းညှင်းစွာမျက်လုံးအားပြန်ဖွင့်သည်။ ထို့နောက် သူ့အား စိုက်ကြည့်နေသော Hilsman ၏အကြည့်တို့ကိုမြင်တော့ သူသည် စိတ်အနှောင့်အယှက်ဖြစ်သွားသည်။
အခုလက်ရှိ Hilsman ၏မျက်နှာဘေးမှာ Cale အားစိုးရိမ်ကြောင့်ကြနေသော မျက်နှာအမူအရာဖြစ်သော်လည်း Cale သည်မနှစ်မြို့။
သည့်နောက် သူသည် သူ၏အတွေးတို့အား နူတ်မှထုတ်ပြောမိသွား၏။
"အသက်ရှင်ဖို့ ဘာလို့ အဲ့လောက်တောင် ခက်ရတာ"
'လျှောက်ဆော့နေလို့လည်းမရ နားနားနေနေ လေးတောင် နေလို့မရဘူး'
တစ်နေကုန် ဘာမှမလုပ်ဘဲ အိပ်ယာထဲ၌လှိမ့်ပြန်နေရဖို့ ဤမျှခက်ခဲပင်ပန်းလောက်မှန်း သူမသိခဲ့ရပါ။
Cale သည်ခေါင်းအား ဖြည်းလေးစွာ ခါလိုက်ရင်း လမ်းပြန်လျှောက်ခဲ့သည်။
ထိုအရာအားလုံးအား ကြည့်နေရင်း Hilsman သည် ဝမ်းနည်းလာသည်။
ဘတ်။
ထိုအချိန် လူတစ်ယောက်သည် သူ့အား ပခုံးလာပုတ်၏။
"သွားကြစို့"
ထိုသူမှာ Choi Han ဖြစ်၏။ Hilsman သည် သူ့အား ပခုံးပုတ်လာသူမှာ Choi Han ဖြစ်ကြောင်းတွေ့ လိုက်ရတော့ တုန်တက်သွား၏။
"အ-အင်း...သွားကြစို့"
"မြန်မြန်သွက်သွက်လုပ်...သခင်လေးက ဘာပဲလုပ်လုပ် မြန်မြန်သွက်သွက်လုပ်တာပဲ ကြိုက်တယ်"
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟯 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝐁𝐨𝐨𝐤 𝐈𝐈𝐈 𝗦𝘁𝗮𝘁𝘂𝘀📍 - 𝙾𝚗𝚐𝚘𝚒𝚗𝚐 💨 ✅ 𝗧𝗲𝗹𝗲𝗴𝗿𝗮𝗺 𝗚𝗿𝗼𝘂𝗽 𝗔𝘃𝗮𝗶𝗹𝗮𝗯𝗹𝗲 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက...