The Shade Of A Curse

Kabanata 42.

Lionhart's Manson

Talira:

Yakap yakap ko ang sarili ko habang nasa malamig na lugar. Oo nasa kulungan parin ako. Rinig ko ang mga yabag ng mga paa na patungo mismo sa kinaroroonan ko. Napatayo at napahawak sa malamig na rehas. Isang matandang babae ang iniluwa ng malaking pintuan. May hawak hawak itong isang tray ng pagkain. Tamang tama, gutom na gutom na ako. Pagkalapag palang nito sa baba'y agad ko ng nilantakan ang mga pagkain. Wala na akong pakialam kung may taong nanonood saakin basta kakain lang ako.

Naubo pa ako ng mabulunan ako. Kaagad namang inabot saakin ng matanda ang hawak niyang isang baso na may tubig. Kaagad akong napainom at napalunok ng malalim. Nagpunas ako ng aking bibig gamit ang likod ng aking kamay at nag taas ng tingin.

"Salamat po." Bilang pag galang ko rito. Napatango lang saakin ang matanda. Pagkatapos ay may kinuhang susi sa kanyang bulsa. Nagulat ako ng buksan nito ang kandado.

"Pauwi na ang Lord kasama ang asawa niya. Mahigpit na inutos saakin na kailangan ka ng paalisin dito bago kapa makita ng asawa ni Lord Lionhart." Walang emosiyong sabi ng matanda. Nanlaki naman ang mga mata ko. May asawa pala siya?

Hindi ako pwedeng umalis dito. Saan naman ako pupulutin? Paano nalang kung mahuli ako ng mga tauhan ng Dark Mafia? Tiyak na ipapapatay ako ni Luhen dahil sa pagtakas ko.

Sumenyas ang matanda ngayon ko lang napansin na may dalawa pa pala itong kasamang mga lalaking nakaitim. Hindi ba sila ang tinatawag na mga henchmen? Sila yung mga tauhan ng Mafia Lord na si Lionhart. Kaagad na lumapit ito at dinampot ako. Hawak hawak nila ang magkabilang braso ko.

"Sandali hindi niyo pwedeng gawin sakin to. Asan si David? Ako ang kakausap sakanya. Kailangan ko lang ng tulong." Kinaladkad na nila ako ngunit nanatiling bingi ang mga ito.

..
Natalie:

Tahimik kaming bumalik ng mansion. Mahigpit lamang ang pagkakahawak ni David saking kamay na para bang ayaw na niyang bitawan ito. Napatingin ako sakanya na seryoso lamang na nakatingin sa daan. Sumagi din saking isipan si Simon.  Sino ba talaga siya? Nakakapag taka dahil hindi nanlaban ang isang demonyo? May binabalak kaya ito? Bigla nanamang gumulo ang aking isipan.

"We're here my wife." Nakangiting sabi sakin ni David. Hindi ko alintana ang haba ng aming biyahe dahil sa lalim ng aking isipan. Napukaw lamang nito ang aking malalim na agam-agam.

Kaagad tong bumaba at pinag buksan ako ng pinto. Nakangiti kong tinugon ang kanyang kamay. Nang ako'y tumayo na ay kaagad niyang siniil ang mga labi ko ng halik. Napahawak pa ako mismo sa kanyang batok habang dahan dahan naman niyang sinara ang pinto ng kotse.

Naputol ang halikan na yun ng makarinig kami ng sigaw. Sigaw na nagmumula sa babae. Napakunot noo kaagad si David ng may makita kaming isang babaeng kinakaladkad na ng mga henchmen niya.

"Bitawan niyo ako ano ba ang sakit!" Nagmumula sa isang magandang babae.

Sumenyas naman si David na bitawan ito. Napatakbo naman si Madam Hilga na nakasunod lamang sakanila. Pagbitaw babae'y kaagad itong tumakbo kay David at lumuhod. Niyakap niya ang mga binti ni David sa pagmamakaawa.

"Maawa ka wag mo na akong ibalik sa Dark Mafia." Iyak ng iyak ang babae. Nakakapanlumo ang kanyang itsura. Napaisip ako sakanyang binitawang salita, Dark Mafia? Hindi kaya siya yung babaeng pinag aagawan noon sa bidding?