𝐓𝐄𝐑𝐄 𝐋𝐈𝐘𝐄

Naina, Sameer Aur Rakshabandhan

Abhi abhi hi toh Sameer Naina ke Pyaar ki gaadi chalne lagi thi, abhi abhi hi toh woh Dosti ke pehle Station par pahunchi thi par kise pata tha ki inki gaadi ke aage abhi bahut si rukawate inka intezaar kar rhi thi.

Nayi class start ho chuki thi,nayi books, nayi uniform, nayi classroom, sab kuch naya tha aur isi beech saal ke beech mein entry hoti h ek naye kirdaar ki jo Swati ki tarah Sameer Naina ki zindagi mein farishta banke nahi aaya tha balki unki zindagi mein grahan banke aaye tha. Aur woh aur koi nhi balki Kartik tha.

In Classroom
Mam- So Students yeh hai Kartik jinhone abhi abhi mid session mein humare school mein admission liya hai. Yeh kuch dino pehle hi Delhi se yahan aaye hai.

Sameer- Hey Kartik Long time yaar. Aur bata.

Kartik- Main badiya Bro tu bta kaafi saal ho gaye. Pehle toh jab tu Delhi rehta tha tab hum ek hi class mein the.
Aur dekh itne saalon baad hum phir mil hi gaye.
Maine yahan Boarding mein admission liya hai.

Sameer- Yeh toh bahut acha hai. Chal main tujhe apne doston se milwata hu.
Inse mil yeh hai Munna aur yeh hai Pandit.

Mundit- Aur bhai aaj se tu bhi humara dost. Welcome to Rishikesh.

Kartik Sameer aur Mundit ka dost toh ban gaya tha par unke jaisi usme ek bhi khoobi nhi thi. Balki woh toh yahan sirf dusre bachhon ko pareshan karne aaya tha khaskar ladkiyon ko.

Kartik- Hey Beautiful.

Preeti- Sorry.

Kartik- Arey Sorry kyu. Maine tumse hi baat ki hai.
Waise manna padega humari class mein ek se badhkar ek ladkiyaan hai. But you...uff.

Preeti- Tum apni yeh bakwas bandh karo aur mere raaste se hato.

Preeti jane lagti hai par Kartik uska hath pakad leta hai.

Preeti- Tumhari himmat bhi kaise hui Kartik mera hath pakadne ki. Chodo mera hath.

Kartik- Aur agar nhi chodu toh..

Naina- Toh bas kuch nhi tumhari complaint main neeche Principal Office mein kar dungi.

Kartik- Tum beech mein mat aayo. Mera tum jaisi ladkiyon se baat karne mei koi interest nhi hai.

Naina- Interest toh mera bhi nhi hai tum jaise ladke se baat karne mein par jis ladki ka hath tumne bina usse puche pakda hai na woh meri friend hai.
Aur ab chodo uska hath nahi toh..

Yeh sunke Kartik Preeti ka hath chod deta hai.

Preeti- Thanks Naina. Main toh darr hi gayi thi.

Naina- Isme darne ki kya baat thi Preeti balki tujhe toh aise ladko ka ache se samna karna chahiye tha.
Chal ab late ho rha hai class ke liye.

Kartik (to himself)- Yeh Naina shakal se jitni seedhi aur bholi dikhti hai utni hai nhi. Isko toh sabak sikhana hi padega.

After few days
Kartik- Naina.. aur aaj kahan chal di tumhari sawari.

Naina- Tumse matlab.

Kartik- Waise main hi pagal tha jo tumhari Dost ke peeche pada tha waise tum bhi kum nhi ho.

Naina- Don't cross your limits Kartik. Aur ainda mujhse ulajhne ki koshish bhi mat karna. Aur aisi flirty lines ka asar tumhari so called girlfriends par hota hoga mujhpe nhi hoga.

Kartik- Ohh attitude..I like it.

Sameer- Chalein Kartik Ground mein.
Hi Naina.