𝐓𝐄𝐑𝐄 𝐋𝐈𝐘𝐄

Rishtey

Kehte hai rishton se badi koi poonji nhi hoti, aur jiske paas yeh rishtey hote hai unse bada aur koi nhi hota. Sameer Naina ko bhi yehi rishtey milne wale the. Apne shehar mein vapis aakar inhe aise hi rishtey mile jo alag alag rang ke jarur the par unki chaap dil ko chu jane wali thi.

Sameer's VO
Us din main Rishikesh toh aa gya tha par station par Naina se bichadne ke baad apne kadamo ko aage nahi badha pa rha tha. Par phir Naina ki baat yaad ki sab shi karne ke liye is shehar ka swagat dil khol kar karu.
Lekin isi dil ke darr ka kya karu. Raaste bhar yeh darr nhi sataya mujhe kyuki woh mere saath thi. Par uske jaate hi khud ko phir se akela mehsoos karne laga tha. Jhooth nahi kahuga, Rishikesh aaya toh main apne aur Naina ke benaam rishtey ko naam dene hi tha. Lekin usse pehle kuch uljhe hue rishton ka sulajhna jaruri tha. Sirf pyaar ki chot hi nhi shi karni thi balki Parivaar ke ghaav ko bhi bharna tha.

In Sameer's House
Sameer(to himself)- Apne ghar jaate hi kadam dagmaga rhe hai. Pata nhi kaise samna karuga sabka.

Doorbell rings.

Swati(Sameer's Sister)- Aa rhe hai.

She open the door and on seeing Sameer gets shocked. He hugs her.

Swati- Bhai..bhaiya..aap

Sameer- Kaisi hai tu.

Swati- Bhaiya aap sach mein aa gaye vapis. Main bahut khush hoon aapko dekhkar.
Maa dekhiye na kon aaya hai.

Then, Vishakha comes.

Vishakha- Sameer..

Sameer- Maa..

Teeno ki aankhein bhar aati hai, aakhir saalon baad khoye hue rishton se jo saamna hua tha.

Vishakha- Tujhe bilkul yaad nhi aayi apni Maa ki. Itne saalon baad ghar aaya hai. Hafte guzar jaate the tujhse baat kiye bina.

Sameer- Maa..ab aa gaya hoon na. Ab toh rona bandh karo. Aur ab jitna mann kare utni baatein karna mujhse.

Vishakha- Ab toh nhi jayega na phir se hume chodkar.

Sameer- Ab...
Nahi jayuga.

Swati- Sachi Bhaiya.

Sameer- Haan, ab kahin nahi jayuga. Ek sharat par.
Agar Maa mujhe apne haathon se khana khilayegi toh.

Vishakha- Tu bhi na. Chal baith tu, main tere liye khana lagati hoon.

On Dining Table
Swati- Bhaiya waise aap achanak kaise aa gaye. Yeh jaadu kaise ho gaya.

Sameer- Jaadu..Woh kya hai na ek Pari aayi aur yeh saara jaadu karke chali gayi.

Swati(teasingly)- Ohh..Pari.
Waise kya naam hai us Pari ka.

Sameer- Bahut bolne lagi hai, ek din thappad khayegi mujhse.

Swati- Haww..aap apni behan ko maroge. Maana Hero jaisi body bna li hai iska matlab yeh thodi hai ki mujhe hi maroge.

Sameer(to himself)- Hero..
Ab toh sab keh rhe hai Naina. Ab toh tum bhi maan jayo mujhe apna Hero.

Vishakha- Ise kya ho gaya. Yeh kyu aise muskura rha hai.

Swati- Lagta hai kisi Pari ko yaad karke muskura rhe hai.
(loudly)- Bhaiyaaaaa..
Kya naam hai Pari ka.

Sameer- Nai...nahi..aisa kuch nahi hai. Tu apna mooh bandh kar aur khana kha.
Maa dekh lo ise zyada hi badi ho gayi hai.