Beloved Bastard (Completed)

Chapter 19

Beloved Bastard

Ivan Gutierrez

Kamalig

Pagkatapos ng nangyari sa ilalim ng puno ng mangga ay sinikap ko na huwag magtagpo ang landas namin ni Ralf.

Hindi rin naman niya ako pinagtangkaang kausapin matapos ang insidenteng iyon.

Natutuwa ako at hindi niya sinabi sa mga magulang ko ang nakita niyang pangungulit sa akin ni Jako dahil kapag nagkataon ay ako na naman ang lalabas na masama.

Ngunit hindi niyon matatakpan ang inis ko sa ampon ni Lola. Habang tumatagal ay mas lalong lumalalim ang galit na nararamdaman ko para kay Rafael lalo na at nakikita ko na palagi na lamang ay masuyo sa kanya si Mama.

Hindi iilang beses ko silang nahuli na nag-uusap ng sarilinan bagaman hindi ko maulinigan ang mga sinasabi nila.

Ngayon naman ay patungo ako sa may kamalig at natanaw ko ang kabayo ni Celine.

Nagsalubong ang mga kilay ko. Narito na naman ba sa hacienda si Celine? Dumadalas na ang pagpunta-punta ng babaeng iyon dito na para bang totally welcome siya.

Suyang napabuntong-hininga na lamang ako saka ko ipinagpatuloy ang paglakad ko patungo sa kamalig.

Sa araw na ito kasi ay napagpasyahan ko na mag-iikot ako sa buong hacienda tutal ay nasa koprahan pa naman si Papa kasama ni Mama.

Nakarating na ako sa bungad ng kamalig. Binuksan ko ang pinto papasok.

Napahinto ako nang bigla na lamang akong nakarinig ng tinig at ang malambing na tawa ng babae.

Si Celine!

Dala ng kuryosidad ay dahan-dahan at maingat akong humakbang patungo sa lugar na pinanggalingan ng tinig.

Walang ingay ako na nakarating sa may dingding na pinagsasabitan ng mga saddle at kung anu-ano pang mga gamit ng kabayo.

Mula sa sala-salabat na siwang ay sumilip ako upang magulat lang dahil sa nakita ko.

Naghahalikan sina Ralf at Celine sa may dayami. Mabilis kong tinakpan ang bibig ko upang huwag kumawala ang singhap ngunit nakalikha na yata ako ng ingay dahil nag-angat ng ulo si Ralf saka siya tumingin sa lugar kung saan ako naroon.

Hindi ko magawang kumilos dahil sa kaba. Hindi ko rin gustong huminga dahil baka makalikha na naman ako ng ingay at mahuli ako ng dalawa na nanunubok.

Sandali lang ang ginawang paglingon ni Ralf sa gawi ko saka nila muling ipinagpatuloy ang naantala nilang paghahalikan.

No, please, don't do it, pakiusap ko. Kung kanino ko ipinapatungkol iyon ay hindi ko matiyak.

Mas lalo pang nanlaki ang mga mata ko nang makita ko ang pagpasok ng kamay ni Ralf sa loob ng palda ni Celine habang patuloy pa rin sila sa napakainit nilang halikan.

Nakita ko ang paggalaw ng kamay ni Ralf sa loob kasunod ng pagsakmal ng isang kamay niya sa malusog na dibdib ng haliparot na si Celine.

Nagliliyad at umuungol na napakapit sa braso ni Ralf ang malanding babae. Pagkatapos ay tumawa siya ng malakas saka kinapa ng mga daliri niya ang butones ng damit ni Ralf.

Sa sumunod na mga sandali ay nakita kong lumabas mula sa palda ni Celine ang kamay ni Ralf ngunit hila na niyon pababa sa mga binti nito ang manipis na underwear.

Gusto ko nang tumakbo palabas dahil hindi ko na makayanan ang kababuyan na ginagawa nilang dalawa subalit kapag ginawa ko iyon ay siguradong malalaman nila na nanunubok ako.