Unicode
Ah Mo, stay with me for a bit more...
အကြောင်းက ယခုလိုညလယ်ခေါင်ကြီးတွင် ဆေးရုံမှာလူများများစားစားမရှိ။ ထပ်လောင်းပြောရလျှင် Su Yi Moက အထူးကြပ်မတ်ကုသဆောင်တစ်ခုလုံးကို ကြိုတင်ယူထားသည်ဖြစ်ရာ တိတ်ပင်တိတ်ဆိတ်နေပေသေးသည်။
Su Yi Moက လမ်းလျှောက်နေရင်း စီးကရက်ရှာရန် သူ၏အိတ်များကိုလိုက်စမ်းသည်။ တစ်လိပ်ကိုဆွဲထုတ်၍ နှုတ်ခမ်းမှာတေ့လိုက်ကာ၊ ထို့နောက် ဓာတ်လှေကားခလုတ်ကိုနှိပ်ပြီး မီးခြစ်ကိုဆွဲထုတ်လိုက်သည်။ ဓာတ်လှေကားက မြန်မြန်ပဲရောက်လာ၏။ သူက အထဲသို့လှမ်းဝင်ပြီး အောက်ဆုံးထပ်ကားပါကင်သို့သွားဖို့ ခလုတ်နှိပ်လိုက်သည်။
မီးခြစ်မှ မီးလျှံသည် ထိုးထွက်လာပြီး မကြာခင်ငြိမ်းသွား၏။
Su Yi Moက စီးကရက်ကို ခင်ပြင်းပြင်းရှိုက်ကာ မီးခိုးလုံးများကို ဖြည်းဖြည်းချင်းမှုတ်ထုတ်သည်။ သူ၏ ပုံရိပ်ပင် မီးခိုးများကြား ဝေဝါးသွားရ၏။
Ran Feng Ge၏ ပြောစကားက ယခုထိအခြေအနေမကောင်းသေသော Jing Qiu Han ကိုသတိရသွားစေသည်။
အမှန်ပါပဲ...သေနတ်ထိမှန်ချိန်ကနေ အခုထိ လဝက်ရှိသွားပြီဖြစ်သော်လည်း ကိုမာဝင်နေဆဲဖြစ်သည်။
'Qiu Han...'
သူတို့တွင် ဘာဆိုဘာမှမပိုင်ဆိုင်ခဲ့စဥ်က သူ့ဘေးတွင် Jing Qiu Hanက အတူရှိခဲ့ပြီး အတူလျှောက်လှမ်းခဲ့ကြ သည်သာ။ ခက်ခဲသည့်ရက်များစွာတွင် တစ်ဦးကိုတစ်ဦးအားပေးခဲ့ကြသည်။ ဒါ့အပြင် သူ၏လုပ်ငန်းများဖြစ်ထွန်းလာချိန်တွင် Jing Qiu Hanသည်လည်းကိုယ်စွမ်းကိုယ်စနဲ့ အောင်မြင်သည့်ကြယ်တစ်ပွင့်ဖြစ်လာခဲ့သည်။
Jing Qiu Han က သူ့ကုမ္ပဏီ၏ အရေးကြီးသောကြယ်တစ်ပွင့်ဖြစ်ရုံသာမက Su Yi Mo၏ အချစ်စစ်လည်းဖြစ်သည်။
ကားထဲတွင် ထိုင်ကာ Su Yi Moက တိတ်တဆိတ်ပဲ ဆေးလိပ်ကို ကုန်သည်အထိရှိုက်ဖွာ နေ၏။ ဆေးလိပ်ဖင်စီခံငုတ်တိုကို မီးငြိမ်းပြီးသည့်အခါတွင်တော့ သူ၏ မျက်နှာပေါ်ရှိ နာကျင်ခံစားရသည့် ဝေဒနာတို့ပျောက်ကွယ်သွားကာ ခိုင်ကြည်သည့်သန္နိ ဋ္ဌာန်တို့က အစားထိုးဝင်ရောက်လာသည်။
YOU ARE READING
လူစားထိုး
ActionTitle: Ti Shen / 替身 Translation: Body Double Translator: Giraffe Corps Author: Bei Tang Mo / 北棠墨 Publisher: LC Read / 連城 Genre: Action, Drama, BL Original Language: Chinese Status: Complete (3 Volumes + Extras) Translation: Ongoing Full credit to o...
