No Strings Attached

NSA: 9

Pagkabalik ko sa room nila Aki ay balik sa normal ang mga estudyante sa loob.

Parang walang nangyaring pagpapahiya kay Aki.

"Huwag niyong kakalimutan ang pinapagawa ko, dapat may mai-present kayo sa'kin sa Wednesday. Class dismissed." Sabi ko at kinuha na agad ang gamit ko.

Kailangan kong lumayo sa mga bata na 'to bago ako may magawang 'di maganda sa kanila.

Nang may maalala ako ay huminto ako sa tapat ng pintuan at humarap ulit sa kanila. "By the way, Ms. Peterson. Sumama ka pala sa'kin."

"Can I bring someone with me, Ma'am?" She asked.

"Suit yourself." Sabi ko at lumabas na. Kasunod ko naman si Aki at Hexane.

Pagkapasok namin sa van ay nandoon pa rin si Cat.

"Are you okay, Aki?" Nag-aalalang tanong ko.

"I'm fine, Ate. Alam ko namang hindi totoo mga sinasabi nila." Sabi niya at ngumiti sa'kin. Niyakap ko naman siya ng mahigpit.

"Don't worry, Ate will gonna make them stop. Okay?" Naramdaman ko namang tumango siya bilang sagot sa sinabi ko.

Kahit naman kasi hindi niya aminin ay alam kong may epekto pa rin sa kaniya ang mga sinasabi ng mga kaklase niya.

Baby namin siya tapos kung magsalita sila sa kaniya gano'n na lang.

Parang ayaw ko na ituloy 'to at gusto ko na lang ipa-salvage ang mga kaklase niya kasama ang buong angkan nila.

"Ate, stop thinking bad things." May pagbabantang sabi niya.

"I'm not." Pagtanggi ko. Sa isip na nga lang, nahuli pa.

"Babalik na kami sa klase. See you later, Ate Cat,  Ate Iniko." Paalam nilang dalawa.

"Fighting, girls!" Pag-che-cheer pa ni Cat sa kanila bago sila umalis.

"Huwag ka na masyadong mag-alala, strong kaya ang mga kapatid natin. Mana sa atin ang mga 'yon e'." Napangiti na lang ako sa sinabi niya at tumango bilang pagsang-ayon sa sinabi niya.

Wednesday

"So, all of you are telling me that you can't present anything to me right now?" Hindi makapaniwalang tanong ko.

Ang tatamad naman ng mga batang 'to!

Sina Aki, alam kong may gawa sila pero hindi ko alam kung bakit ayaw nila mag-present.

"Sorry po, Ma'am. Wala po kasi kaming time mag-interview kahapon." Paliwanag ng isang babae. Nag-agree naman ang iba pang  mga estudyante sa kaniya.

"Naglokohan lang pala tayo rito no'ng Monday! Sana sinabi niyo agad, binigyan ko pa kayo ng oras para mapag-usapan ang activity niyo na 'yan." Inis na sabi ko. Hindi naman sila nakasagot.

Tatanda ako ng maaga dahil sa mga estudyante na 'to.

"Dapat sa Friday pa 'to pero ngayon ko na lang gagawin. May ibibigay akong scenario, kahit sinong member niyo ang pwedeng sumagot. Left, Middle and Right ang magiging magkaka-group." Paliwanag ko. Nahahati kasi sa tatlo ang pwesto ng mga upuan nila.