DREAM AND REALITY [COMPLETED]

02

"Nay! Umiiyak yung animal dito. Patahimikin mo nga!" Sigaw ko habang nanonood ng palabas. Ang ingay-ingay ng lintek, eh. Iyak ng iyak, nakakabuwesit!

"Anak mo rin iyan, Stella! Ikaw na bata ka----hayyy! Ang sama-sama mo talagang ina. Walang kasalanan sa'yo ang batang ito pero kung makatrato ka ay parang halaga yung bata. Huwag mo naman siyang idamay sa galit mo."

"Makita ko lang o maski marinig ang boses ng batang 'yan ay agad na kumukulo ang dugo ko kaya ilayo niyo 'yan sa akin at baka matapon ko pa 'yan sa ilog. Naiirita ako sa pagmumukha ng batang 'yan. Manang-mana sa ama na walang kuwenta." Kunot na kunot ang noo ko habang patuloy sa panonood.

Parang mas lalo akong nainis dahil nakita ko na naman ang mukha ng gagong bakla na iyon na dumaan sa isipan ko.

Kahit na mahigit isang taon ko na itong hindi nakita ay naaalala ko pa rin ng klaro ang mukha niya. Argh! Nakakainis.

Isang biro lang ang lahat ng gabing iyon pero bakit kailangang magbunga pa iyon?

Flashback...

"Stella!" Tawag sa akin ng kung sinong hatdog. Nilingon ko naman ito at nakita si Didia na papalapit sa akin at pasuray-suray na. Lasing na rin ang kingina. "Saan ka nagpunta at bigla ka na lang nawala?" Tanong nito nang tuluyang makarating sa kinaruruunan ko. Muntek pang matumba si tanga mabuti na lang at nasalo ko siya kaagad. Utang ng Didia na 'to ang buhay niya sa akin, hayop siya.

"Hindi mo nakikita 'yan? Diyan ako nanggaling." Turo ko sa banyo na nasa likuran ko.

"Ah... Tumae ka?" Tatango-tangong saad nito. Agad ko naman siyang sinakal dahil iniinis ako ng babaeng 'to.

"Anong tumae? Umuhi lang ako, bangag! Tumae, tumae... Matinding paratang 'yan. Ipapakulong kita." Saad ko pero tinawanan lang naman ako nito bago hinila pabalik kung nasaan ang mga kasama namin.

"Hoy, bakla! Saan ka nanggaling at ang tagal mo?" Tanong ni Drake, maarte ang boses. Namumula na ito dahil sa rami ng nainom.

"Bakit ba 'yan lahat ang tanong niyo sa akin? Sa banyo lang ako pumunta pero kung makahanap kayo eh parang nag-abroad ako." Angil ko at kinuha ang isang bote ng beer at sumalampak ng upo sa tabi ni Drake at Bastee. Si Didia naman ay sa sahig na naupo. Bahala siya riyan. Naiinis ako sa kaniya. Pagkamalan ba akong tumae.

"Ahh... Tumae ka?" Saad nito kaya sinamaan ko kaagad siya ng tingin.

"Isa ka rin na kingina, eh. Anong tumae pinagsasabi niyo? Umihi lang ako! Hindi ako tumae!" Bakit lahat sila inaakala na tumae ako? Inamoy ko naman ang sarili at wala namang naamoy maliban sa amoy ng alak at sa amoy ng perfume ko.

"Guys! Guys! Maglaro na lang tayo." Biglang dumating si Gosi na dala-dala ang bote ng alak na wala ng laman. Mukhang lasing na lasing na rin ito. Nagiging dalawa na siya sa paningin ko. Lasing na rin ata ako? Hindi, hindi. Hindi pa ako lasing. Imagination ko lang 'yon.

"Tama. Tama." Saad ko pa at sinampal ang pisngi.  "Deal! Anong laro ba 'yan?" Pasigaw na tanong ko at nagpatuloy sa pag-inom.

"Dahan-dahan lang yung inom, girl. Hindi ka mauubusan ng alak, shuta ka." Panenermon sa akin ni Drake pero inirapan ko lang naman ito at nagpatuloy sa pag-inom.

"Maglaro tayo ngayon ng truth or dare. Madali lang, diba? Kaya sumali na kayo! Dali na. Dali na." Pamimilit pa ni Gosi kaya wala ng nagawa ang iba kung hindi ang sumali.

Agad na nagsimula ang laro at halos wala na akong maintindihan masyado sa sinasabi nila dahil parang umiikot na yung mundo ko at nabibingi ako. Basta pasayaw-sayaw lang ako habang patuloy sa pagtungga ng beer na hawak.