[Unicode]
သူ့လောင်ကုန်း၏ အမျက်ချောင်းချောင်းဒေါသအကြည့်အောက်တွင် ကျောင်းချီကတော့ ရေဆွဲချသည့်ခလုတ်ကိုနှိပ်လိုက်ပြီး "လောင်ကျန်းမိသားစုမျိုးဆက်" သန်းချီကို ဆေးချလိုက်လေသည်။ အိမ်သာခွက်ထဲတွင် သန့်ရှင်းသော အပြာရောင်ရင့်ရင့်ရေသာ ဝဲကျန်ရစ်နေခဲ့လေ၏။ အထီးကျန်ကာ အဖော်မဲ့သွားသည့်ပုံ ပေါ်နေရှာသည်။
ကျန်းချန်ဖေးက အပြာရင့်ရောင်ရေကွက်ကိုကြည့်ကာ အံကြိတ်ပြီး ပြောလိုက်သည်။
"ကောင်းတယ်၊ အရမ်းကောင်းတယ်၊ အဲလိုဆိုမှတော့ ငါမင်းနဲ့ အချိန်ပိုဖြုန်းပေးရမှာပေါ့၊ မင်းငါ့ကလေးကို မမွေးပေးသရွေ့ မင်းအဖေအကြွေးတွေက တစ်ကျပ်တောင် ကျေမယ်မထင်နဲ့""အားးး၊ အဲလိုဆိုတော့ အရမ်းကြောက်တာပါပဲနော်"
ကျောင်းချီက လေသံအတက်အကျမပါဘဲပြောလိုက်ကာ ရေချိုးဖို့လုပ်တော့သည်။ သူက ရေပိုက်ခေါင်းကိုယူရင်း သူ့ခင်ပွန်းရပ်နေသေးသည့် အိမ်သာရှိရာဘက် လှမ်းကြည့်လိုက်သည်။ မြန်မြန်ဆန်ဆန် အိပ်ရာဝင်နိုင်ရန် သူ အတူရေချိုးခိုင်းလိုက်တော့သည်။သူတို့ စောနတုန်းက အတော်လေးအိပ်ရာထဲလူးလှိမ့်မိထား၍ ပင်ပန်းသည်ထက်လွန်နေကာ ညစာမှာအလိုလိုလျစ်လျူရှုခံလိုက်ရတော့သည်။
ဇနီးလေးမှာ အိပ်ရာပေါ် သက်တောင့်သက်သာဖြင့် အိပ်ပျော်နေ၍ ဥက္ကဌမှာ အလွန်အမင်း မပျော်မရွှင်ဖြစ်သွားလေသည်။ ကျန်းချန်ဖေးက စောင်အပြင်ဘက်တွင် ပေါ်နေသည့် ဖြူဖွေးနေသော ကျောပြင်ကိုစိုက်ကြည့်ရင်း အခန်းကအဲကွန်းဖွင့်ထားသောကြောင့် မျက်မှောင်ကြုတ်မိသွားတော့သည်။သူ့ဇနီးရဲ့ဆင်စွယ်ရောင် အသားအရည်က စိမ်းတစ်လှည့် ပြာတစ်ဖုံ အရိပ်အရာ အမှတ်အသားလေးများ လွှမ်းနေရှာသည်။
သူ့ကိုသနားလာအောင် တမင်ရန်စနေတာလား၊ ဒီမှင်စာစုတ်လေးကတော့!
ခြုံစောင်ကိုကြည့်ရင်း ဒေါသတကြီးဖြင့် သူ စောင်ကိုအပေါ်ထိသေချာခြုံပေးလိုက်ကာ ပိုင်စိုးပိုင်နင်းဖြင့် ရင်ခွင်ထဲ ဇနီးလေးကိုဆွဲသွင်းလိုက်တော့၏။
YOU ARE READING
My Lover With Split Personalities [မြန်မာဘာသာပြန်]
RomanceStart Date - 18.05.2021 End Date - တစ်နေ့တွင် ကျန်းချန်ဖေးသည် ကားမတော်တဆမှုကြုံခဲ့ရသည်။ ကံကောင်း၍ ဒဏ်ရာကြီးကြီးမားမားတော့မရှိခဲ့ပေ။ သို့သော်ငြား ကားတိုက်သည့်အရှိန်ကြောင့် ကမ္ဘာအစစ်၏ သူ့ဦးနှောက်သိမြင်နားလည်နိုင်မှုမှာ မတော်တဆမှုမတိုင်ခင်တုန်းက ဖတ်နေ...