[Unicode]
ကျန်းချန်ဖေး တည်ငြိမ်စွာဖြင့် သူ့အရုပ်လေးကို ထိုနှာဘူးအိုကြီးများ ဝိုင်းနေသည်အား ကြည့်ကာ သွေးပျက်၊ မျက်ရည်များဝိုင်း၊ သူ့ရှူးဂါးဒယ်ဒီကို ရှာမည်အား စောင့်နေခဲ့သည်။ သို့သော်ငြား သူ့ကိုကြည့်လေ ထူးဆန်းသည်ဟု ခံစားရလေဖြစ်ကာ မျက်နှာပေါ်မှအပြုံးလည်း တဖြည်းဖြည်း ပျောက်ကွယ်သွားတော့၏။ ကောင်လေးသည် လုံးဝကြောက်လန့်ပုံမပေါ်ဘဲ ကလူ၏မြူ၏ ကြည့်လာသေးသည်။ သေစမ်း... သူသိခဲ့သည်။ လူကုံထံမိသားစုမှ ကျဆင်းလာသော သခင်လေးသည် ဘယ်တော့မှ သစ္စာရှိမည်မဟုတ်ချေ။ ရှူးဂါးဒယ်ဒီအသစ် ရှာနေခြင်းဖြစ်လောက်မည်!
"မစ္စတာကျောင်း ခင်ဗျားကို ဒီမှာတွေ့ရတာ အံ့ဩစရာကောင်းလိုင်တာ!"
"မသောက်ပါနဲ့ဦး၊ ဒီကဝိုင်က သာမန်ဆန်လွန်းတယ်၊ ကျွန်တော် Lafite တစ်ပုလင်းယူလာခဲ့တယ်၊ စမ်းသောက်ကြည့်ချင်လား မစ္စတာကျောင်း"
"မစ္စတာကျောင်း ကျွန်တော် ဟာသစီးရီးတစ်ခု ရိုက်နေတာ၊ အရမ်းရယ်ရတယ်၊ ကျွန်တော် ခင်ဗျားကြည့်ဖို့ ကော်ပီပို့ပေးလို့ရမလား"
အပျော်အပါးရှာရန် ရောက်လာသည့် ပရိုဂျူဆာနှင့်ဒါရိုက်တာများမှာ ကျောင်းချီကိုမြင်ချိန် သူတို့ဘေးက မိန်းမငယ်လေးများ၊ ကောင်လေးများကို ဖယ်ထုတ်ကုန်ကြတော့သည်။ သူတို့ နာမည်ကြီးပလတ်ဖောင်း၏ ဥက္ကဌာနားစုဝေးကာ မျက်နှာချိုသွေးရန် ကြိုးစားနေကြ၏။ သူတို့ ဆူညံလွန်း၍ ကျောင်းချီ ခေါင်းပင်ကိုက်ခဲလာသည်။ ကျန်းတာ့တျောင်း ဖူမေ့နန်နှင့်အတူ သူ့ဆီ လျှောက်လာသည်ကိုမြင်သော်ငြား မထဘဲ မျက်နှာသေဖြင့်သာ ကြည့်နေခဲ့သည်။
"အိုး မစ္စတာကျောင်း နောက်ဆုံးတော့ ဒီကိုရောက်လာခဲ့တာပဲ၊ ကျွန်တော့်ရဲ့ နိမ့်ကျတဲ့နေရာက ခင်ဗျားတက်ရောက်မှုကြောင့် ဂုဏ်ယူရပါတယ်!"
မစ္စတာဖူမှာ ကိုရီးယားတွင် ကြီးပြင်းလာ၍ ပုံမှန်ပြောဆိုဆက်ဆံရာတွင် ပြဿနာမရှိသော်ငြား ဒေသိယစကားသုံးရလျှင်တော့ သူ့စကားများသည် အမြဲ အနည်းငယ်တော့ ကြောင်တောင်တောင်နိုင်သွားတတ်သည်။
YOU ARE READING
My Lover With Split Personalities [မြန်မာဘာသာပြန်]
RomanceStart Date - 18.05.2021 End Date - တစ်နေ့တွင် ကျန်းချန်ဖေးသည် ကားမတော်တဆမှုကြုံခဲ့ရသည်။ ကံကောင်း၍ ဒဏ်ရာကြီးကြီးမားမားတော့မရှိခဲ့ပေ။ သို့သော်ငြား ကားတိုက်သည့်အရှိန်ကြောင့် ကမ္ဘာအစစ်၏ သူ့ဦးနှောက်သိမြင်နားလည်နိုင်မှုမှာ မတော်တဆမှုမတိုင်ခင်တုန်းက ဖတ်နေ...