My Lover With Split Personalities [မြန်မာဘာသာပြန်]

၅၃ ။ ဗမ်ပိုင်းယားဘုရင်၏ ယဇ်အပူဇော်ခံ ချစ်သူ

[Unicode]

"......"

"ဘန်း!"
အိပ်ခန်းတံခါးက ဗမ်ပိုင်းယားအရှင်၏ မျက်နှာတည့်တည့် ပိတ်ခံလိုက်ရကာ နှာတံပြားလုနီးပါးဖြစ်သွားခဲ့သည်။ သူ့ ကျွန်လေလး၏ ချိုမြသောသွေးကို ‌မသောက်ခဲ့ရရုံတင်မက အိပ်ခန်းကနေပါ နှင်ထုတ်ခံခဲ့ရသည်။

"ရဲတင်းလိုက်တဲ့ သတ္တဝါလေး မင်း ဘာလုပ်နေလဲ မင်းသိရဲ့လား" ကျန်းချန်ဖေး  အေးအေးလူလူပြောကာ တံခါးဘောင်ကို မှီထားလေသည်။
"ငါအသက်ရှင်နေခဲ့တဲ့ နှစ်ပေါင်းထောင်ချီအတွင်း ဘယ်သူမှ ကြီးမြတ်တဲ့အရှင်နီကိုလတ်စ်ကို ဒီလိုရိုင်းပျစော်ကားတာမျိုး မလုပ်ရဲဖူးဘူး"

အိပ်ခန်းအပြင်တွင် ပိတ်ထားခံခဲ့ရသည့် ရွှေရောင် အမွှေးလုံးလေးကလည်း ခေါင်းလေးစောင်းပြီး ကြီးမြတ်သော အရှင်နီကိုလတ်စ်အား ကြည့်လာလေသည်။

"မင်းကိုယ်မင်း ဘာကြည့်တယ်ထင်နေတာလဲ ငတုံးဝံပုလွေပေါက်စကောင်၊ မင်းနဲ့ငါက ဒီနေရာမှာ အခြေအနေမတူဘူး" မစ္စတာဗမ်ပိုင်းယားက ပြောရင်း ရှည်လျားသော သူ့လက်ချောင်းများနှင့် ခွေးလေး၏ခေါင်းကို ပုတ်လိုက်သည်။

သူ့ကိုယ်ပိုင် သွေးကျွန်၏ အိပ်ခန်းအပြင် မောင်းထုတ်ခံခဲ့ရသည့် ကြီးမြတ်သော ဗမ်ပိုင်းယားဘုရင်မှာ ယခု သမန်းဝံပုလွေပေါက်စလေးနှင့်ပင် အိပ်စက်ရတော့မည်။ ဒါက တကယ်ကို ရှက်ဖွယ်အတိပင်! ကျန်းချန်ဖေး ဆို‌ဖာပေါ် လှဲကာ ခါးခါးသက်သက် တွေးမိလိုက်သည်။ မနက်ဖြန် သူ့‌ကျွန်လေး၏ သွေးကိုစုပ်ရမည့်အချိန်ရောက်လျှင် သေချာပေါက် ထိုစတေးခံသိုးပေါက်လေးကို သင်ခန်းစာကောင်းကောင်းပေးရမည်။ သူ သူ့ကို ငိုအောင် လုပ်ရမည်။

ဝါးဟားဟား။

ကွမ်ကျုံးက ဆိုဖာပေါ် သူ့ခြေထောက်တိုလေးများနှင့် ကုပ်တွယ်၍တက်ပြီးနောက် ကျန်းချန်ဖေးစောင်ထဲတွားသွားကာ သူ့ခပ်နွေးနွေးခန္ဓာကိုယ်အား တရှုံ့ရှုံ့နမ်းလာသည်။ ဒီအရွယ်ပါပီများက အင်မတန်အကြီးထွားမြန်ကြသည်။ ရက်သတ္တပတ်အနည်းငယ်သာရှိသေး ကျောင်းချီ ပထမဆုံးအကြိမ် သူ့ကို အိမ်ခေါ်လာခဲ့သည့်အချိန်တုန်းကထက် အတော်လေးပိုကြီးလာချေပြီ။ ပါပီလေးက ခေါင်းကို ကျန်း‌ချန်ဖေးမေးစေ့အောက် တိုးဝှေ့ဝင်ပြီးနောက် နောက်ခြေထောက်များကို သူ့ဗိုက်ပေါ် တင်လာသည်။