My Lover With Split Personalities [မြန်မာဘာသာပြန်]

၃၅ ။ ဂန်းစတားကိုကို

[Unicode]

မစ္စတာကျောင်းသည် ကျန်းတာ့တျောင်းကြောင့် ဒီရက်ပိုင်း အလုပ်မလုပ်နိုင်သော်ငြား ကောင်းသည့်ကိစ္စက ပါ့ကျောင်းရှိအရာအားလုံးသည် ပုံမှန်ပင်။ မည်သို့ပင်ဖြစ်ဖြစ် ကျောင်းချီ၏ တင်းကျပ်သော စည်းကမ်းများကြောင့် ကုမ္ပဏီ၏ စီမံခန့်ခွဲရေးစနစ်သည် ‌အသေအချာ ဒီဇိုင်းဆွဲထားကာ ဥက္ကဌမရှိလျှင် ဒုဥက္ကဌလေးယောက်သည် အလုပ်ကို ဝေခွဲနိုင်၏။

ဒုဥက္ကဌများ၏ လုပ်ပိုင်ခွင့်ကျော်သည့် အလုပ်များရှိနေသေး၍ ကျောင်းချီ ကိုယ်တိုင်ကိုယ်ကျ ဖြေရှင်းရဦးမည်။ ဥက္ကဌရုံးခန်းထဲ ဝင်ရုံပင်ရှိသေး သူ့လက်မှတ်ထိုးရန် စောင့်ဆိုင်းနေသော စာရွက်စာတမ်းအပုံလိုက်ကို မြင်လိုက်ရသည်။

ကျောင်းချီ ထိုင်ချပြီး လက်မှတ်ထိုးရမည့် စာရွက်စာတမ်းများကို အလျင်အမြန်စစ်ဆေးကာ ယွိယွမ်၏ တင်ပြချက်ကို နားထောင်လိုက်သည်။

"ပါ့ကျောင်းတိုက်ရိုက်ထုတ်လွှင့်မှုအတွက် ကလေးတစ်ယောက်က စီစဉ်သူကို ယွမ်တစ်သောင်း ဆုချီးမြှင့်ခဲ့လို့ မိဘတွေက ရဲကိုခေါ်ခဲ့ပါတယ်၊ ဆိုရှယ်မီဒီယာပေါ်က တစ်ယောက်က မီဒီယာအေးဂျင့်တွေဆီ သတင်းထုတ်ပြန်ချက်ပေးခဲ့တယ်၊ ဥပဒေဌာနက ဘော့စ် တန်းပြီး လျော်ကြေးပေးချင်လား ဒါမှမဟုတ် လုပ်ထုံးလုပ်ငန်းစဉ်အတိုင်း ဖြေရှင်းမလား မေးထားပါတယ်"

"လုပ်ထုံးလုပ်နည်းအတိုင်း လုပ်လိုက်" ကျောင်းချီ မျက်မှောင်မကြုတ်ဘဲ ငွေကြေးရေးဆိုင်ရာ ဖြတ်ပိုင်း၈ခုကို အလျင်အမြန် ခွင့်ပြုလိုက်သည်။ သူ ယွမ် တစ်သောင်း လျော်ကြေးပေးရမည့် တစ်ခုကို ယူလိုက်သော်ငြား လက်မှတ်မထိုးချေ။
"သတင်းထုတ်ပြန်ချက်ရေးတဲ့လူကို သွားရှာချေ"

ယွိယွမ်က ဖြတ်ပိုင်းကိုယူကာ "ခွင့်မပြု" ဆိုသည့် တံဆိပ်ခေါင်းနှစ်ခု ရိုက်ပြီး ဖိုင်ထဲထည့်လိုက်သည်။
"ပါ့ကျောင်းဗီဒီယိုအတွက်ကတော့ အရင်လက အမေရိကန်က BBQ TV ကနေ ကျွန်တော်တို့ မူပိုင်ခွင့်ဝယ်ယူမဲ့ တီဗွီစီးရီးသုံးခုရှိတယ်လေ၊ သူတို့က ဒီပိတ်ရက်တုန်းက အီမေးလ်ပို့လာတယ်၊ စီးပွားဖက်အကြောင်းပြောဖို့ ကိုယ်စားလှယ်လွှတ်မယ် ပြောပါတယ်၊ မနက်တုန်းက ဒီလူကလာနေပြီလို့ အတည်ပြုဖုန်းဆက်လာတယ်"