My Lover With Split Personalities [မြန်မာဘာသာပြန်]

၅၀ ။ ရှူးဂါးဒယ်ဒီ ညင်ညင်သာသာ ချစ်ပေးပါ

[Unicode]

ဓာတ်ပုံကို ဇိမ်ခံဟိုတယ်၏ ဝင်ပေါက်တွင် ရိုက်ကူးထားခြင်းဖြစ်သည်။ ကျောင်းကျို့ရန်သည် အနောက်တိုင်းဝတ်စုံ ဝတ်ထားပြီး ဦးထုတ်နှင့် maskတပ်ထားသော မိန်းကလေးတစ်ယောက်နှင့် အတူရှိနေသည်။ ကျောင်းချီ အသေအချာကြည့်လိုက်တော့ ယခုလက်ရှိ နာမည်အကြီးဆုံး မင်းသမီး ထျန်းချန်းဖြစ်နေ၏။

အကြိမ်ပေါင်းရာနှင့်ချီ ရိုက်ကူးထားသော ဓာတ်ပုံအပြင် ပါပါရာဇီမှာ ဗီဒီယိုတစ်ခုလည်း တင်ပြီးချေပြီ။ သူတို့က ဗီဒီယိုထဲတွင် အတင်းအဖျင်းပြောနေကျပြီး လူများကို လျှောက်ပြီးတွေးထင်အောင် လုပ်ထားသည်။
"ပါပါရာဇီတွေက ထျန်းချန်းနောက်ကို ခုတလော ‌လိုက်နေတာ၊ သူတို့က အောင်မြင်မှုမရှိတဲ့ နောက်ထပ်နေ့တစ်နေ့ဖြစ်ပြီလို့ ထင်ခဲ့တာ၊ ဒါပေမဲ့ ညရောက်တဲ့အချိန် သူ့ကားက သူနေတဲ့နေရာဆီ မပြန်ဘူးလေ၊ အဲအစား အဆင့်မြင့်ဟိုတယ်ဆီ သွားခဲ့တာ၊ စိတ်ဝင်စားစရာပဲ"

ဗီဒီယိုထဲတွင် ထျန်းချန်းက လျှာထိုးဦးထုတ်နှင့် mask ဝတ်ထားပြီး အင်မတန်သတိကြီးနေပုံပေါ်သည်။ သူမက ဟိုတယ်နှင့်အဝေးတွင် ကားပါကင်ထိုးပြီး ဟိုတယ်ဆီ ဝင်ခဲ့သည်။ ထို့နောက် ဟိုတယ်ဝင်ပေါက်တွင် တုတ်ကောက်ကိုင်ထားသည့် ကျောင်းကျို့ရန်နှင့် တွေ့လေသည်။ သူတို့က စကားပြောနေပုံပေါ်ပြီးနောက် တစ်ယောက်ပြီးတစ်ယောက် ဆုံလည်တံခါးမှ တစ်ဆင့် ဝင်သွားခဲ့ကြသည်။

အနောက်ကနေ တိတ်တဆိတ် လိုက်ရိုက်ကူးနေသည့် ပါပါရာဇီက အာမေဋိတ်ပြုမိသည်။
"ဘာလဲဟ၊ အဲဒါကျောင်းကျို့ရန်လား"

"ထင်တာပဲ၊ ဟုတ်တယ်ဟ သူပဲ၊ အမလေး ဒါ သတင်းကြီးနော်"

"သူက ငါတို့ ရှောင်ယီရဲ့ ယောက်ျားလေ၊ မဟုတ်ဘူးလား"

"အင်း ငါတို့ရှောင်ယီရဲ့ ခင်ပွန်း..."

တစ်စုံတစ်ယောက်က "ငါတို့ပါးပါးချန်ဖေးရဲ့ ယောက္ခထီး" ဟု ပြောလိုက်ပုံပင်။ တီခနဲ ဆင်ဆာဖြတ်ထားခြင်းခံရ၏။ ဖြစ်နိုင်သည်က သူတို့ လူအများကြီး ဆွဲထည့်မိပြီး ကျန်းချန်ဖေး အပြစ်ပေးမည်ကို စိုးရိမ်၍ထင်။