သာမယုံနိုင်ဖြစ်သွားရသည်။အစကမောင်ကခြံထဲလိုက်ပြမည်ဆိုတုန်းကရိုးရိုးပဲထင်ခဲ့တာ။အခုသာမြင်နေရတာက နှင်းဆီခင်းကြီးတမျှလှပလွန်းသည့် ဖန်လုံအိမ်ထဲမှာဖြစ်သည်။ နှင်းဆီအနီအိုးတွေအများကြီးရှိသည်။အလယ်တွင်တော့ အုတ်စီထားသောရေတံခွန်တုသေးသေးလေးရှိပြီးထိုအပေါ်တွင်တော့အိုးနက်နက်တစ်လုံးနဲ့စိုက်ပျိုးထားပုံရသောနှင်းဆီအိုးတစ်အိုးကထင်းနေသည်။
ခေါ်လာပေမယ့် နှစ်သက်အံ့သြနေသောသူမမျက်နှာလေးမြင်ရတော့စိတ်ထဲကြည်နူးရသည်။သူမဆီနေ့တိုင်းပန်းတွေပို့ဖို့ သူမအားလပ်သည့်ကြားက မနက်တိုင်းကိုယ်တိုင်နှင်းဆီဖြတ်ပြီး စည်းပိုးကာ သူမကိုရည်ရွယ်ပြီးထိုပန်းတွေကိုနမ်းရှိုက်ခဲ့ဖူးသည့်ရက်တွေကိုပြန်သတိရမိတော့ပြုံးမိသည်။
"ဘယ်လိုလဲ မောင်မပြောဘူးလား ကျေးသဘောကျမယ့်အရာတစ်ခုမောင်တို့အိမ်မှာရှိပါတယ်ဆို"
"ဟင့်အင်း မောင်မှားတယ်"
ရုပ်တည်ကြီးနဲ့ပြောလာသောကျေးကြောင့်
"ဘယ်လို."
"သာသဘောကျတာမောင်ရောလေ ဘယ်လိုလုပ်တခုထဲဖြစ်မှာလဲ ဟီး"
ကြည့်စမ်း သူ့ရင်တွေအရည်ပျော်အောင်စနေတာပဲ။အင်းစိတ်ရှိလက်ရှိဆိုရင်တော့ အဲ့စနောက်နေတယ့်နှုတ်ခမ်းဖူးဖူးလေးကိုအပြစ်ပေးချင်ပါသေးသည်။
"ကျေး နော်သိပ်အူယားအောင်မလုပ်နဲ့ "
"ဘာဖြစ်လို့..."အသံလေးဆွဲပြီးပြောလိုက်သောသူမလေးကတကယ်အူယားအောင်စနေတာပဲ
ဘာစကားမှမပြောတော့ပဲ အလုပ်နဲ့သက်သေပြတယ့်အနေနဲ့သူမလေးရဲ့အနားအလျင်နှုန်းမြန်စွာနဲ့ရောက်သွားပြီး နူးညံ့တယ့်နှုတ်ခမ်းသားလေးတွေကိုဖိကပ်လိုက်တယ်။သူ့ဘဝမှာကျေးရဲ့နှုတ်ခမ်းတွေကိုပိုင်ဆိုင်ရတာလောက်ပျော်ရွှင်ရတာမျိုးမရှိဘူး။ဒီအချိန်မှာသူဟာ လောကကြီးပေါ်ကကံအကောင်းဆုံးလူသားပဲ။
"ဒီ လို ဖြစ် လို့." အနမ်းတို့ကိုလက်စသတ်ပြီးသူမနားနားတစ်လုံးချင်းကပ်ပြောလိုက်တော့ ရှက်နေသောမျက်နှာလေးကတမျိုးလေးချစ်စရာပင်။
YOU ARE READING
A mysterious love story (Completed)
Romanceငယ်စဥ်ကထဲက မိဘ၏ဆုံးမမှုတွေကြောင့် အချစ်ရေးမရှာဖို့ဆုံးဖြတ်ထားသူ ၊ မတော်တဆ အလယ်တန်းနောက်ဆုံးနှစ်မှာ ကောင်ဇိုးလေးတစ်ယောက်ကြောင့် ...... ခင်မင်ရသော သူငယ်ချင်းမလေးက ပွင့်လင်းစွာ ဝန်ခံလာခဲ့သောအခါ ... ဆုံးဖြတ်ချက်တွေတင်းမာပြီး တစုံတယောက်ကိုဒဏ်ရာတွေပေးဖို...
