ထိုက်တော်ဝင်ဆိုင်ကယ်စီးရင်း ဘယ်သူ့ဆီသွားရမလဲစဥ်းစားနေသည်။ မမကမြစ်ကြီးနားကနေအလုပ်ကိစ္စနဲ့ပြန်သွားပြီမို့ ဒေါ်လေးအိမ်ကိုလည်းမသွားချင်။ လှိုင်းရိပ်တို့ကလည်းအခုအချိန်ဆိုအိပ်နေလောက်သည်။ ညနက်တဲ့အထိဂိမ်းဆော့ပြီး မနက်နှင့်ညမှားအိပ်ကြသည့် သူ့သူငယ်ချင်းတွေကိုလည်းအိပ်ရေးမပျက်စေချင်။ ထိုက်တော်ဝင်စဥ်းစားမနေတော့ပဲ သွားနေကျကော်ဖီဆိုင်သို့သာမောင်းထွက်လာခဲ့လိုက်သည်။
အဆောင်အခန်းထဲမှာတော့ ရှင်းလွင်တစ်ယောက်သာအိပ်ပြီးကျန်ခဲ့သည်။ ရှင်းသန့်ကငြိမ်းသူဇာလင်းအိမ်လိုက်သွားတာမို့ အခန်းထဲရှင်းလွင်နှင့်နှစ်ယောက်တည်းမနေချင်။ သူ့လိုပဲ ရှင်းလွင်လည်းနေချင်ပုံမရတာမို့ ထွက်လာလိုက်တာအကောင်းဆုံးပင်။ ထိုက်တော်ဝင်စိုးရိမ်မိတာက ရှင်းလွင်ကရှင်းသန့်အပေါ်ဘယ်လိုသဘောထားမလဲဆိုတာကိုဖြစ်သည်။ သူ့ကိုတော့ဘယ်လိုသဘောထားပါစေ ဂရုမစိုက်။ ဒါပေမယ့်ရှင်းသန့်ကိုတော့ ပတ်ဝန်းကျင်ကထိုးနှက်မည့်စကားလုံးတွေနှင့်မနာကျင်စေချင်ပေ။
ငြိမ်းအိမ်ရောက်တာနှင့် ငြိမ်းအမေကဝမ်းသားစွာပင်ဧည့်ခံပေးသည်။
"အန်တီက သမီးလိုက်မလာလောက်ဖူးလို့တောင်ထင်နေတာ။ စာမေးပွဲလည်းနီးနေတော့။"
ရှင်းသန့်ကဘာမှမပြောမိပဲ ပြုံး၍သာနေမိသည်။ ငြိမ်းကတော့ဧည့်ခံထားသည့်မုန့်တွေ တစ်ခုပြီးတစ်ခုပါးစပ်ထဲ တမြုံ့မြုံ့ကောက်ထည့်နေသည်။ ငြိမ်းအမေကတော့ သူ့သမီးအကျင့်ကိုသိပုံရသည်။ တားလာတာမျိုးမရှိပဲ လျှော့သွားသည့်မုန့်နေရာမှာထပ်ဖြည့်ပေးသည်။ ပြီးမှ ငြိမ်ထိုင်နေသည့် ရှင်းသန့်ဘက်ကိုလှည့်လာကာ...
"သမီးစားပွဲခင်းတစ်ဆက်စာထိုးဖို့အဆင်ပြေလား။ အန်တီကလက်မှုပစ္စည်းတွေဆိုအရမ်းကြိုက်တော့ အဲ့တာအိမ်ကစားပွဲမှာအလှခင်းမလို့လေ။ စျေးကတော့သမီးသဘောပဲသတ်မှတ်လို့ရတယ်နော်။ အန်တီကသမီးလက်ရာလေးကိုသဘောကျလို့။ အခုကစက်ထိုးတွေပဲသုံးကြတာများတယ်လေ။ အန်တီကစက်ထိုးတွေမကြိုက်လို့ပါ။ သမီးအဆင်ပြေလား။ ရက်ကဘယ်လောက်ကြာကြာရတယ်။ သမီးဘက်ကအဆင်ပြေမှပါ။"
JE LEEST
Why! ongoing/unicode(GL)
RomantiekGl ပထမဆုံး OCလေးပါ။ ဇာတ်ကောင်နာမည်တူတာလေးတွေရှိရင်တောင်းပန်ပါတယ်။ ထိုက်တော်ဝင်💙ရှင်းသန့်ဖြူ
