ဥက္ကဋ္ဌကြီးရဲ့ အိုမီဂါဇနီး​လေးအဖြစ် ပြန်လည်​မွေးဖွားခြင်း

Chapter - 14 (U+Z)

//UNICODE//

အခန်း ၁၄ - သူငယ်ချင်း

ဥယျာဥ်ထဲတွင် ​မွှေးရံနံ့များ သင်းပျံ့​နေလျက်။ အဆင့်နိမ့် စိတ်ဝိညာဥ်ပင်များနှင့် ထိပ်တန်းAအဆင့်စိတ်ဝိညာဥ်ပင်တို့ဟာ သူတို့ရဲ့အကိုင်းအခက်​လေး​တွေနဲ့ သစ်ရွက်​လေး​တွေကို လှုပ်ယမ်း​နေကြသည်။ သူတို့ဟာ ​​လေယူရာအတိုင်း ဖြည်းညင်းစွာဖြင့် နွဲ့နွဲ့​နှောင်း​နှောင်း တစ်ပုံစံတည်း ယိမ်းနွဲ့​နေကြတာဖြစ်သည်။ အဖြူ​ရောင်ဝတ်စုံနဲ့ ​ကောင်ငယ်​လေးက ​ဘေးနားက ထိုင်ခုံ​လေးကို အသာမှီလျက် ​ရှေ့က သုံးဖက်မြင်မျက်နှာပြင်ကို စိတ်ဝင်တစား စူးစိုက်ကြည့်​နေသည်မှာ ပန်းချီကားတစ်ချပ် ခြယ်မှုန်းထားသည့်နှယ်။

ကုလီဟန် တိတ်ဆိတ်​အေးချမ်း​နေသည့် မြင်ကွင်း​လေးကို မ​နှောက်ယှက်ချင်တဲ့အတွက် အနည်းငယ် တုန့်ဆိုင်းစွာဖြင့်ပင် ​အဆုံးတွင်​တော့ နောက်ကိုသာ လှည့်ထွက်ခဲ့​တော့သည်။

စုလင်း​လေးက​တော့ ​ရွှေမှုန်ကျဲပန်းပင်​လေးက သူ့ရဲ့နွယ်​ခွေ​ခွေ​လေးကိုဆန့်ထုတ်ပြီး စုလင်းရဲ့လက်​ကောက်ဝတ်ကို ရစ်ပတ် ဆွဲလာတဲ့အချိန်အထိ ​ရှန်းမိုယွီနဲ့ပတ်သတ်တဲ့အချက်အလက်​တွေကို ကြည့်​နေခဲ့သည်။ သူ​ခေါင်း​လေးကို မသိမသာ​စောင်းငဲ့ကြည့်လိုက်သည်။ တံခါးနားမှာ လူတစ်​ယောက်ကို လှမ်း​တွေ့လိုက်ရချိန် စုလင်းရဲ့မျက်ဝန်း​လေးများထဲတွင် မ​မျှော်မှန်းထားသည့် အရိပ်အ​ယောင်များ ဖျတ်ခနဲ ​ပေါ်လာသည်။

သူ့ရဲ့နတ်ဘုရားက ဘယ်အချိန်က ပြန်​ရောက်လာတာလဲ?

ကုလီဟန် ထွက်သွား​တော့မှကို မြင်လိုက်​တော့ စုလင်း လှမ်း​ခေါ်လိုက်သည်။

"ဥက္ကဋ္ဌကု"

အဲ့​နောက်သူ ထရပ်လိုက်ပြီး ကုလီဟန်ဆီ ​လျှောက်သွားလိုက်သည်။

"ကျွန်​တော့်ကို ရှာ​နေတာလား?"

ကုလီဟန်က စုလင်းကို အမူအရာမဲ့စွာ စိုက်ကြည့်လာ​သော်လည်း အဲ့ဒီပုံစံကကို အရမ်း အ​လေးအနက်ဖြစ်​နေခဲ့သည်။ သူက ရှင်းပြလာသည်။