//UNICODE//
အခန်း 59 - ဗီလာသို့ပြန်ခြင်း
စိတ်ဝိညာဉ်ပင်အခန်းထဲမှာရပ်နေရင်း စုလင်း မယုံကြည်နိုင်တဲ့ခံစားချက်ကို ပြင်းပြင်းထန်ထန် ခံစားလိုက်ရသည်။
စိတ်ဝိညာဉ်ပင်တွေက စာဖတ်နည်း သင်နေကြတယ်!!
3 စက္ကန့်ကြာပြီးနောက်မှာတော့ သူတည်ငြိမ်သွားသည်။ ဒါဟာ လူတွေပြောစမှတ်ပြုလေ့ရှိကြသော စိတ်ဝိညာဉ်ပင်များသည်သာပင်။ စိတ်ပိုင်းဆိုင်ရာ ပုံရိပ်များကို မျှဝေနိုင်ပြီး ရိုးရှင်းသော ရုပ်ပုံများကို ရေးဆွဲနိုင်တာကြောင့် စာဖတ်ရန် သင်ယူနိုင်ကြောင်း သိရခြင်းမှာ အံ့သြစရာတော့ မဟုတ်ပေ။ အဆုံးသတ်မှာတော့ Planet Belle ရှိ စိတ်ဝိညာဉ်ပင်များသည် မူလအစကတည်းကပင် ဉာဏ်ရည်ထက်မြက်ပြီး လိမ္မာပါးနပ်သော သက်ရှိတစ်မျိုးဖြစ်သည်။ သို့သော်လည်း IQ (အသိဥာဏ်) ကတော့ မမြင့်ပေ— သို့တည်းမဟုတ် လူတွေကသာ သူတို့ဟာ ဉာဏ်မမီဟု ထင်မြင်နေသူများ ဖြစ်ကောင်းဖြစ်နိုင်ပေသည်။
အပင် ၂ ပင် အပြင်းအထန် လေ့လာနေကြသည်ကိုမြင်တော့ စုလင်း ကုလီဟန်ကို စောစောက နမူနာအခန်းဆီ ခေါ်သွားပြီး ကုလီဟန်အတွက် သင့်တော်မည့် စိတ်ဝိညာဉ်ပင်ရနံ့ကို ဆက်လက်ရှာဖွေခဲ့သည်။ ဒီရက်ပိုင်းတွေမှာ သူ့နတ်ဘုရားရဲ့ အိပ်စက်ခြင်းအရည်အသွေးက အလွန်ကောင်းမွန်လာတယ်ဆိုပေမဲ့ အဓိကအကြောင်းအရင်းက သူတို့အတူ အိပ်ရာတစ်ခုတည်းမှာ အိပ်စက်ခဲ့ကြတာကြောင့်ဖြစ်သည်။ နေ့တိုင်း အိပ်ရာမဝင်ခင် ချိုမြိန်တဲ့ ညှင်းပန်းမှုတွေကြောင့်လည်း ပါဝင်သည်။ ဤပုံစံအတိုင်းသာ ဆက်သွားနေပါက တစ်နေ့ကျ သူတို့ 'အပူလွန်ကဲခြင်း' (မိမိကိုယ်ကို ချုပ်တည်းခြင်းမှရလာသော) ခံရနိုင်မည် ဖြစ်သည်။ လက်ရှိတွင် သင့်လျော်သောရနံ့မရှိတာကြောင့် နောက်ပိုင်းကျ သူတို့ခွဲအိပ်ရနိုင်သည်။ စုလင်း သူ့နတ်ဘုရားအတွက် သင့်တော်တဲ့ ရနံ့တစ်ခုအရင်ဖန်တီးဖို့ အရေးကြီးသည်ဟု ခံစားမိလာရသည်။ ဒီအားရက်တွေအတွင်းမှာလည်း နတ်ဘုရားက ရံဖန်ရံခါ အရေးတကြီးလုပ်ရတဲ့စာရွက်စာတမ်းကိစ္စတွေ ရှိလာပေလိမ့်မည်။ ဆိုလိုသည်မှာ သူအလုပ်ပြန်စလုပ်ရတဲ့အခါ အလုပ်ဖိအားက ပိုကြီးမားလာပေလိမ့်မည်။
YOU ARE READING
ဥက္ကဋ္ဌကြီးရဲ့ အိုမီဂါဇနီးလေးအဖြစ် ပြန်လည်မွေးဖွားခြင်း
Fantasy▪️Title - Rebirth to become the president omega's wife ▪️Associated name - 重生豪门总裁的O妻 ▪️Original Author - Hanmen Yatou( 寒门丫头) ▪️English Translator(s) - Isohungry Translations ▪️Original Publisher - JJWXC ▪️Year - 2019 ▪️Status in COO - 87 Chapters (C...