//UNICODE//
အခန်း 44.2 - အက
စုအောင်းရဲ့ အမူအရာပြောင်းသွားပြီး
"အဓိပ္ပါယ်မရှိတာတွေ မပြောနဲ့ ငါ....."
ထိုအချိန်တွင် မျက်မှောင်ကြုတ်နေသော အဖေစုနဲ့ ကျောင်းဟန် ရောက်လာသည်။ ကျောင်းဟန်က စုအောင်းရဲ့ ပုခုံးကို ပုတ်ပြီး စုလင်းကို တိုးတိုးလေးပြောသည်။
"ရှောင်လင်း၊ မင်း အဓိပ္ပါယ်မရှိတာတွေ လျှောက်ပြောလို့မရဘူးလေ။ အမေတို့က မင်းအတွက် ဆရာတစ်ယောက် ခေါ်ပေးတယ်။ မင်းကမှ မလေ့လာချင်တာ အမေ ဘာလုပ်ရမလဲ?"
စုလင်း: "တကယ်လား? ဘယ်က ဆရာလဲ"
ထိုငြင်းဆန်မှုကြောင့် ကျောင်းဟန် စကားတွေ နင်သွားပြီး အဖေစု အသံတိုးတိုးဖြင့် ဆူငေါက်လာသည်။
"လူတွေကို အရူးမလုပ်ပါနဲ့တော့။ မင်း စုမိသားစုနဲ့ အဆက်အသွယ်ဖြတ်ထားရင်တောင် မင်းရဲ့မျိုးရိုးနာမည်က စု ဖြစ်နေသေးတုန်းပဲ မင်းဆက်ပြီး စုမိသားစုကို အပုတ်ချနေမယ်ဆို မင်းအတွက် ကောင်းမှာ မဟုတ်ဘူး"
စုလင်း အနည်းငယ် မော့ကြည့်လိုက်ပြီး မျက်လုံးတွေကလည်း ထူးမခြားနားပင်။
"အပုတ်ချတာ? ခင်ဗျားရဲ့ အဖိုးတန်သားလေးက ကျွန်တော့်ကို ထပ်ခါထပ်ခါ ဒုက္ခပေးနေလို့ မဟုတ်ရင် တခြားသူတွေကို ပြောဖို့နေနေသာသာ ခင်ဗျားတို့မိသားစုနဲ့ စကားတစ်ခွန်းတောင် မပြောချင်ဘူး။ ကျွန်တော် ပြောခဲ့တာမှန်လား ခင်ဗျားစိတ်ထဲမှာ အသိဆုံးပဲ"
ဒါက ဤမူလကိုယ်ခန္ဓာပိုင်ရှင် ထိလွယ်ရှလွယ်ဖြစ်ပြီး ရှက်ရွံ့နေတတ်သော အကြောင်းရင်းဖြစ်သည်။ သူ့ကိုယ်ပိုင်ခန္ဓာကိုယ်ရဲ့ အချက်တွေအပြင် သူကြီးပြင်းလာတဲ့ပတ်ဝန်းကျင်နဲ့ အများကြီး သက်ဆိုင်သည်။
စုလင်း ၂ စက္ကန့်ကြာ စိုက်ကြည့်ရင်း အဖေစုက စုအောင်းဘက်လှည့်ပြီး
"သူ့ကို တောင်းပန်လိုက်"
"အဖေ!"
စုအောင်းက သူ့ကို ထိတ်လန့်စွာ ကြည့်ပြီး ကျောင်းဟန်က မယုံနိုင်စွာ ကြည့်လာသည်။
YOU ARE READING
ဥက္ကဋ္ဌကြီးရဲ့ အိုမီဂါဇနီးလေးအဖြစ် ပြန်လည်မွေးဖွားခြင်း
Fantasy▪️Title - Rebirth to become the president omega's wife ▪️Associated name - 重生豪门总裁的O妻 ▪️Original Author - Hanmen Yatou( 寒门丫头) ▪️English Translator(s) - Isohungry Translations ▪️Original Publisher - JJWXC ▪️Year - 2019 ▪️Status in COO - 87 Chapters (C...
