//UNICODE//
အခန်း ၃၀ - [နှစ်သိမ့်ခြင်း]
စုလင်း ကိုယ်ပိုင်နေရာလွတ်ထဲမှ အပင်များအားလုံးကို ထုတ်ယူလိုက်ပြီး နေရာလွတ်အတွင်းမှ ပစ္စည်းများနှင့် အသုံးအဆောင်များကို စနစ်တကျ ခွဲလိုက်သည်။ Aအဆင့် စိတ်ဝိညာဥ်ပင်၃ပင်ဟာ တဆတ်ဆတ်တုန်ရီနေခဲ့ပြီး သူတို့ရဲ့အကိုင်းများကို စုလင်းဆီ ကွေးညွှတ်ထားကာ အရွက်များနှင့်ပန်းပွင့်များကိုလည်း စုလင်းရဲ့ကိုယ်ပေါ်မှာ ကပ်ထားပေသည်။ စုလင်းက ထိုလုပ်ရပ်တွေအပေါ် ဘာမှ မထူးခြားသလိုပဲ နေနေသည်ကို နာလူးမြင်သော် အသံတိုးတိုးဖြင့် သတိပေးလာသည်။
"နောင်ကို အပြင်မှာ Isolator မဖြုတ်မိစေဖို့ သတိရနော် အထူးသဖြင့် Alphaတွေရှေ့ပဲ။ မင်းက သူတို့အတွက် သားကောင်ဖြစ်သွားလိမ့်မယ်"
သားကောင်?
စုလင်း နှုတ်ခမ်းစွန်းတို့ တွန့်ကွေးသွားခဲ့ပြီး နာလူးကို စိတ်မပူစေချင်တာကြောင့် သူက ခေါင်းညိတ်ကာ
"စိတ်မပူပါနဲ့။ ကျွန်တော် Isolator ကို မဖြုတ်ပါဘူး"
Alpha,omegaများကြားတွင် Pheromone သက်ရောက်မှုခံရသူသည် မိမိကိုယ်ကို ထိန်းချုပ်မှုမဲ့သွားခြင်း အပြင် အခြားဖြစ်ရပ်များပါ ဖြစ်စေနိုင်သည့်အတွက် Alpha နဲ့Omega ကြားရှိ အပြန်အလှန်လွှမ်းမိုးမှုကို ရှောင်ကြဥ်ဖို့ Pheromone အနံ့ကို တားဆီးပေးခြင်းဟာ Isolator တစ်ခုရဲ့ လုပ်ဆောင်ချက် ဖြစ်သည်။ Isolator မတပ်ထားခြင်းသည် ရိုးရှင်းစွာပင် ထိုအရာအတွက် လူသိရှင်ကြား တောင်းဆိုနေခြင်းဖြစ်သည်။
နာလူး စိတ်သက်သာရာရသွားဟန်ဖြင့်
"ကောင်းတယ်"
စုလင်း နာလူးကိုတစ်ချက် လှမ်းကြည့်လိုက်ပြီးနောက် သူ့လက်ကောက်ဝတ်ကိုလာ၍တင်းတင်းရစ်ပတ်နေသော ပုလဲသွယ်ပင်ပျိုရဲ့အရွက်ကို ဖျစ်ညှစ်လိုက်သည်။
"ငါ့လက်ကောက်ဝတ်ကို မပတ်ထားနဲ့လေ ငါအလုပ်လုပ်မရဘူး"
သို့ရာတွင် ပုလဲသွယ်ပင်ပျိုမှာမူ ရှန်းမိုယွီနှင့်ကွဲပြားလွန်းလှပေသည်။ စုလင်း ပြောနေသောစကားများကို နားလည်နိုင်စွမ်းမရှိပါချေ။ ထို့ကြောင့် စုလင်းက အရွက်တွေကို ပွတ်လိုက်ချိန်တွင် သူက စုလင်းစကားနှင့်ဆန့်ကျင်ပို၍ပင် တင်းတင်း ပတ်လာပေသည်။ စုလင်း ခဏမျှ စဥ်းစားကြည့်နေခဲ့သည်။ သူက အရွက်ရဲ့ထိပ်ဖျားလေးကို ကိုင်ကာ သူ့လက်ကောက်ဝတ်ကို အပ်ချည်လုံးလေးလို လိပ်ခွေနေသည့် အရွက်နွယ်တွေကို ဖြည်လိုက်သည်။ ထိုသို့ဖြည်ပြီးသည်နှင့် အရွက်ကိုယူကာ ပန်းပွင့်တွေနား ထားပေးလိုက်သည်။ အရွက်တွေက လှုပ်ယမ်းနေခဲ့ပြီး စုလင်း လွှတ်လိုက်သည်နှင့် ချက်ချင်းပဲ သူ့လက်မောင်းကိုဆွဲလာခဲ့သော်လည်း သူ့လက်တွေကို ချည်နှောင်ဖို့တော့ မကြိုးစားတော့ပေ။ စုလင်း ပြုံးလိုက်မိသည်မှာ ထိုအပင်များသည် သူ့စကားတွေကို နားမလည်နိုင်သော်လည်း သူ့အမူအရာကို နားလည်နိုင်နေသောကြောင့် ဖြစ်သည်။ အရွက်တွေ သူ့ကိုယ်ပေါ်ကို ကပ်တွယ်နေခြင်းကို ခွင့်ပြုထားလိုက်ပြီး စုလင်း နေရာလွတ်ထဲမှ အာဟာရပျော်ရည်ကို ယူလိုက်ပြီး ဆေးများနှင့် အထောက်အကူပစ္စည်းများကို ပြန်စီနေလိုက်သည်။
YOU ARE READING
ဥက္ကဋ္ဌကြီးရဲ့ အိုမီဂါဇနီးလေးအဖြစ် ပြန်လည်မွေးဖွားခြင်း
Fantasy▪️Title - Rebirth to become the president omega's wife ▪️Associated name - 重生豪门总裁的O妻 ▪️Original Author - Hanmen Yatou( 寒门丫头) ▪️English Translator(s) - Isohungry Translations ▪️Original Publisher - JJWXC ▪️Year - 2019 ▪️Status in COO - 87 Chapters (C...
