🔥 My boyfriend is so hot🔥
Ch - 11
1.
ခြေထောက်မီးရှို့ခံရသောကြောင့် နေရိပ် ကိုးကိုစိတ်ဆိုးလိုသော်လည်း ကိုး၏ အားရပါးရရယ်နေပုံကြောင့် စိတ်မဆိုးရက်တော့ ။
" ငါ့ကိုစိတ်အနှောက်အယှက်ပေးရတာ အဲ့ဒီလောက်တောင်ကြိုက်လား .... ဟုတ်လား "
ဟု မေးကာ ထိုင်နေသောကိုး၏ခါးကိုကန်လိုက်သည် ။ ကိုးက မိမိ၏ခြေထောက်ကို ဖမ်းထားပြီး
" မင်းအကွက်တွေရိုးနေပြီ အညို .... လုပ်မနေတော့နဲ့ "
ဟု ပြောသည် ။ ပြီးမှ မတ်တပ်ထရပ်ကာ
" ထတော့ .... ကျောင်းလိုက်ပို့မယ် "
ဟု ပြောသည် ။ ပြောရင်းနှင့် ခြေရင်းတွင်ပုံနေသောစောင်ကိုယူကာ ခေါက်နေသည် ။ ထို့ကြောင့် အကြောဆန့်လိုက်ပြီး ကုတင်ပေါ်မှဆင်းကာ ရေချိုးခန်းထဲသို့ဝင်လာခဲ့လိုက်သည် ။
2.
ကိုး ဆေးခွင့်လာတင်ပြီးနောက်ပိုင်း နေရိပ်တစ်ယောက် ကျောင်းသို့လည်းပေါ်မလာသည့်အပြင် လူမှုကွန်ယက်စာမျက်နှာတွင်လည်း ပျောက်ချင်းမလှပျောက်သွားသဖြင့် ခန့်တစ်ယောက် နေရိပ်ထံသို့ ဖုန်းမဆက်မိသည်ကို နောင်တရချင်လာသည် ။ ထို့ကြောင့် ယနေ့တွင်တော့ ဖုန်းဆက်သတင်းမေးမည်ဟု စိတ်ကူးကာ စားပွဲခုံပေါ်မှဖုန်းကို ထုတ်လိုက်သည် ။ ထိုစဉ် နေရိပ်က အပေါက်ဝတွင်ပေါ်လာသည် ။ မျှော်နေသူကို ရုတ်တရက်မြင်လိုက်ရသောကြောင့် ဝမ်းသာသွားပြီး မတ်တပ်ထရပ်လိုက်ကာ
" နေရိပ် "
ဟု ခေါ်လိုက်သည် ။ နေရိပ်က လှမ်းနှုတ်ဆက်သောမိမိကို လက်ထောင်ပြကာ ပြန်နှုတ်ဆက်ပြီး နေရာသို့လျှောက်လာသည် ။ နေရိပ်အနားသို့ရောက်သောအခါမှ ပြုံးပြလိုက်ကာ
" မင်းနေကောင်းသွားပြီလား "
ဟု မေးလိုက်သည် ။ နေရိပ်က ဤမေးခွန်းကို
" အွန်း "
ဟု ပြန်ဖြေပြီး
" ဟိုရက်တွေက ငါလွတ်သွားတဲ့စာတွေပြန်ကူးဖို့ မင်းစာအုပ်တွေခဏငှားပါအုံး ..... ရတယ်မဟုတ်လား "
![](https://img.wattpad.com/cover/292911690-288-k925823.jpg)
YOU ARE READING
🔥 My boyfriend is so hot 🔥(21)
RomancePlz read " MUST RERD " before you start reading.