အပိုင်း ( ၂၉ )ထင်းရှူးခြံ ကို ဦးမြတ်အောင် ရောက်လာပြီးနောက်ပိုင်း မြတ်နိုးအောင် အိမ်ကိုမပြန်ဖြစ်တော့ပါ ။
ကိုစိုးကြီးရဲ့ အိမ်မှာပဲနေဖြစ်သည်။
အမေကလည်း ခွင့်ပြုထားသည်။ သို့ပေမဲ့ ညနေတိုင်း အမေရှိသည့် အိမ်ကြီးဆီသို့သွားကာ အမေ့ကို တွေ့သည်။ဒီနှစ်ကုန်ပိုင်းမှာ ခြံထဲကအသီးအနှုံတွေ အထွက်တိုးတာကြောင့် ရလာမည့်အမြတ်အစွန်းများအား မြတ်နိုးအောင် တွက်ချက်နေသည်။
ယခင်လို အိမ်မကြီးရဲ့ အသုံးဆောင်စရိတ် မလိုတော့သလို လုပ်သားတွေလည်း လျော့ချထားတာမို့ အပိုဝင်ငွေလေး ထွက်လာ၏ ။သို့ပေမဲ့ လက်ရှိ လုပ်သားများကတော့ နှစ်ဆပင်ပန်းသည်။ မြတ်နိုးအောင်လည်း ဝိုင်းကာ ကူပေးတာကြောင့် ပင်ပန်းကြသော်လည်း စောဒကတက်ခြင်းတော့မရှိပေ။
' အလုပ်တွေရှုပ်နေလား? ´
ကိုစိုးကြီးအိမ်ရှေ့က ထိုင်ခုံမှာ စာရင်းလုပ်နေသော မြတ်နိုးအောင် အနားသို့ ဇေယျာထူး ထိုင်လိုက်ပါ။
မြတ်နိုးအောင်က လုပ်လက်စအလုပ်တွေကို ခဏနားပြီး ဇေယျာထူးဘက်ကိုလှည့်ကြည့်လိုက်သည်။
ယခင်ကလို ဟော့ရမ်းခြင်းမရှိသော်လည်း လျှာဖျားမှာတပ်ထားသော စိန်လေးနှင့် နားကပ်ကိုတော့ ယခုထိ ဝတ်ဆင်ထားဆဲဖြစ်သည် ။
အရမ်းလည်း ချစ်ဖို့ကောင်းပါ၏။' မရှုပ်ပါဘူး ´
' မရှုပ်ဘူးလို့သာပြောတာ ကျွန်တော့်ကို အချိန်မပေးတာကြာနေပြီ ´
နှုတ်ခမ်းလေး စူကာ တစ်ဖက်ကို အကြည့်လွှဲသော ဇေယျာထူးကြောင့် မြတ်နိုးအောင် ကြည့်နူးစွာပြုံးလိုက်မိသည်။
ဒီလိုအပြုအမူလေးတွေက သူ့အတွက် သီးသန့်ထွက်ပေါ်လာသော ဇေယျာထူး၏ အမူအကျင့်များပင်ဖြစ်သည်။' ကိုယ် အချိန်ပေးလို့ပဲ ဇေနဲ့စကားပြောနေတာလေ ´
' ေဩာ်.....လူကိုယ်တိုင်လာတွေ့တာတောင် စကားမပြောချင်ရင် .....´
ဇေယျာထူး ဆက်မပြောနိူင်တော့ပါ ။ ရင်ထဲက ဝမ်းနည်းမှုတွေက လည်ပင်းအထိ စို့တက်လာ၏ ။
ဝေ့သီလာသော မျက်ရည်တို့ကို အောက်မကျအောင် မျက်တောင်ဖြင့် ပုတ်ခတ်ကာ သိမ်းဆည်းလိုက်ရင်း ......
YOU ARE READING
ကြယ်လေးဖြစ်ခွင့်ပြုပါ ( ၾကယ္ေလးျဖစ္ခြင့္ျပဳပါ )
Romanceနေမင်းကြီးလို မတောက်ပချင်နေပါ ကြယ်လေးလောက်တော့ လင်းလက်ခွင့်ပြုပါ